Landkynningarsvæði

Farþegum á leið til og frá löndum utan Schengen-vegabréfasvæðisins gefst kostur á glæsilegri kynningarmynd um Ísland á landkynningarsvæði flugstöðvarinnar.

Landkynningarsvæðið er á fyrstu hæð í suðurbyggingu flugstöðvarinnar og er samstarfsverkefni Keflavíkurflugvallar ohf. og landkynningarverkefnisins Iceland Naturally. Í upphafi sýningar er líkt og farþegar takist á loft frá flugstöðinni og leggi í flugferð um landið. Þeir upplifa mikla náttúrufegurð og viðáttutilfinningu. Flogið er yfir hálendi Íslands, Þingvallavatn, Eldborg, Breiðafjörð, Norðurland og suðurströndina.  Þar gefur að líta mjög óvenjulegt sjónarhorn á landið. Hilmar Örn Hilmarsson samdi áhrifamikla tónlist við myndina en framleiðandi hennar er fyrirtækið Gagarín. Árni Páll Jóhannsson er hönnuður sýningarinnar og Karl Óskarsson annaðist kvikmyndatöku.

Myndbrot úr kynningarmynd um Ísland