Rútur
Taktu rútuna til og frá Keflavíkurflugvelli. Tvö rútufyrirtæki sinna ferðum mill Reykjavíkur og flugvallarins, Flybus og Airport Direct. Við mælum með því að bóka miða fyrirfram.
FLYBUS
Flugrútan - Flybus
Flugrútan keyrir frá BSÍ til Keflavíkurflugvallar samkvæmt tímatöflu og frá Keflavíkurflugvelli 40 mínútum eftir lendingu hvers flugs og mun örar á álagstímum.
Flugrútan stoppar á leið sinni við Aktu taktu í Garðabæ og við Fjörukrána í Hafnarfirði auk þess að sækja og skutla á fjölda gististaða og biðstöðva víðsvegar í Reykjavík.
Farþegar geta leitað upplýsinga hjá upplýsingaborði Flugrútunnar sem er staðsett í komusal eða á flybus.is
Hægt er að kaupa miða í Flugrútuna á vefnum, á upplýsingaborði Flugrútunnar eða í sjálfsölum á Keflavíkurflugvelli. Sjálfsalarnir eru staðsettir í komusal, eftir að komið er út um tollahliðið.
Fyrir brottför frá Íslandi er hægt að innrita farangur á BSÍ í gegnum þjónustu BagDrop.
AIRPORT DIRECT
Airport Direct ekur á milli Keflavíkurfluvallar og umferðarmiðstöðvar Airport Direct, Reykjavik Terminal sem er staðsett í Skógarhlíð 10, 105 Reykjavik. Allar brottfarir eru samkvæmt tímatöflu.
Rútan stöðvar einu sinni á leiðinni, í Hamraborg, Kópavogi. Möguleiki er á að bæta við tengingu við hótel og strætóstoppistöðvar þar sem farþegar eru sóttir eða skutlað á það hótel sem þeir óska eftir.
Hægt er að kaupa miða í miðasölu Airport Direct, sem staðsett er í komusal beint af augum þegar komið er út í gegnum tollhlið.