TáknVeður í Keflavík -3°c 9 m/s
Ferðamenn sem eiga leið um Keflavíkurflugvöll njóta þess að versla á fríhafnarsvæðinu á lægra verði, lausir við skatta og tolla. Hvort sem þú ert að koma eða fara þá borgar sig að koma við í verslunum okkar og gera góð kaup. Á Keflavíkurflugvelli er boðið upp á gott vöruúrval og ættu allir að finna eitthvað við sitt hæfi. Í verslunum okkar geta ferðamenn gert góð kaup í áfengi, tóbaki, snyrtivörum, sælgæti, gjafavöru, fatnaði, rafmagnstækjum og skartgripum svo eitthvað sé nefnt. Einnig fæst gott úrval af þekktum vörumerkjum og íslenskri hönnun. Eftir verslunarleiðangurinn er gott að setjast niður og njóta veitinga á einum af veitingastöðum okkar.

Fríhafnarsvæðið á Keflavíkurflugvelli stenst fyllilega samanburð við aðra evrópska flugvelli og er að jafnaði ódýrari en verslanir innanlands. Einnig fá þeir sem millilenda í Keflavík á leiðinni milli Ameríku og Evrópu einstakt tækifæri til að gera góð kaup á fríhafnarsvæðinu.

Í maí 2015 mun opna nýtt og betra verslunar- og veitingasvæði í Flugstöð Leifs Eiríkssonar. Framkvæmdir eru hafnar og á neðangreindu korti má sjá hvernig verslunarsvæðið lítur út á meðan á framkvæmdum stendur.

Á nýju og verslunar- og veitingasvæði mun veitingarekstur vera í höndum Joe Ísland, sem mun opna Joe and the Juice samloku- og safabar, og Nord í samstarfi við Lagardère Services, sem munu halda áfram rekstri veitingarstaðarins Nord auk þess að opna sjálfsafgreiðsluveitingastað, Segafredo kaffihús og bar með íslensku þema.

Minni breytingar verða á verslunarrekstri í flugstöðinni. Verslanirnar 66°N, Bláa lónið, Elko, Eymundsson, Optical Studio og Rammagerðin munu allar halda áfram starfsemi. Við bætast verslun með tískufatnað þar sem boðið verður upp á þekkt erlend vörumerki ásamt íslenskri hönnun, rekin af Airport Retail Group, og sælkeraverslun á vegum Nord og Lagardère Services.

Inspired by Iceland