Efni.00_03_21_03.Still006.png

Breytingar sem gerðar hafa verið í austurhluta suðurbyggingar eru dæmi um það hvernig uppbygging á Keflavíkurflugvelli skilar sér í betri þjónustu

Breytingar sem gerðar hafa verið í austurhluta suðurbyggingar eru dæmi um það hvernig uppbygging á Keflavíkurflugvelli skilar sér í betri þjónustu og betri aðstöðu fyrir farþega. Reynslan af því verkefni verður notuð til að bæta þjónustu og aðstöðu víðar í flugstöðinni, m.a. hinum megin í suðurbyggingunni, í vesturhluta hennar.Brynjar Vatnsdal, forstöðumaður þróunar hjá Isavia, segir að áhrifin séu meðal annars þær að brottfararfarþegar hafi meira pláss fyrir sig og farangurinn. Í suðurbyggingunni þýði það m.a. að biðraðir verði ekki eins áberandi á ganginum. "Það verður auðveldara að finna hliðið sem þú ert að fara í. Það verður meira pláss. Það verður vonandi sæti fyrir þig og það verður tengill í sætinu fyrir þig að hlaða fartölvuna. Þannig að þetta verður bara eins og við viljum sjá hliðin vera. Ég vona að farþegarnir sjái mjög hratt breytinguna."

Uppbygging eykur gæði þjónustunnar

Austuralma kef gallery 2.webp

Yfir hásumarmánuðina júní, júlí og ágúst fóru samtals 2,6 milljónir gesta um Keflavíkurflugvöll.

Yfir hásumarmánuðina júní, júlí og ágúst fóru samtals 2,6 milljónir gesta um Keflavíkurflugvöll (KEF) sem er 8,8% fækkun frá sama tímabili í fyrra. Þegar mest lét flugu 26 flugfélög til 76 áfangastaða og eins og svo oft áður voru vinsælustu áfangastaðirnir Kaupmannahöfn, New York og London. Mest var umferðin um flugvöllinn þann 26. júlí þegar 31.738 farþegar fóru um KEF.

Brottfarir erlendra ferðamanna frá Keflavíkurflugvelli voru um 830 þúsund á þessu þriggja mánaða tímabili. Er það um 2% fækkun frá sama tímabili í fyrra, samkvæmt tölum Ferðamálastofu. Brottfarir Íslendinga voru tæplega um 187 þúsund yfir hásumarið, sem er fækkun upp á um 5,6% frá árinu á undan. Bandaríkjamenn voru langfjölmannasti hópur erlendra ferðamanna sem fóru frá landinu í júní, júlí og ágúst, en alls voru þeir 286 þúsund talsins. Það er um 34,5% allra brottfara erlendra ferðamanna. Áhugavert er að nánast sami fjöldi Bandaríkjamanna fór um flugvöllinn á sama tímabili í fyrra. Þjóðverjar vor næst fjölmennastir erlendra ferðamanna á tímabilinu, eða um 66 þúsund talsins og þar á eftir komu Kanadamenn, sem voru ríflega 56 þúsund og Bretar sem töldu ríflega 51 þúsund.

Brott­far­ir er­lendra ferða­manna

Þegar litið er á fyrstu átta mánuði ársins hafa um 1,56 milljónir erlendra farþega farið frá Íslandi. Það er svipaður fjöldi og á sama tímabili í fyrra, en brottförum erlendra farþega hefur fækkað um 1,0%.Á sama tímabili hafa Íslendingar farið í um 435 þúsund ferðir utan. Það er 10,4% færri ferðir en á sama tímabili í fyrra.

Fyrstu átta mán­uð­ir árs­ins

2,6 milljónir gesta yfir hásumarið

Öryggisleit3.jpg

Í dag var auglýst útboð fyrir endurnýjun öryggisleitar KEF. 

Í dag var auglýst útboð fyrir endurnýjun öryggisleitar KEF. Öllum búnaði á öryggisleitarsvæðinu verður skipt út fyrir nýjan búnað, þar á meðal búnaði fyrir gegnumlýsingu, færiböndum, og öðrum innviðum. Með þessum nýja búnaði verður öryggisleitin einfaldari og þægilegri fyrir gesti KEF. Verkefnið felur í sér heildarendurnýjun öryggisleitarsvæðisins á Keflavíkurflugvelli, svæðisins sem gestir flugvallarins fara í gegnum öryggisleit eftir innritun. Þessi endurnýjun skiptist í tvo meginþætti. Annars vegar verður allur búnaður öryggisleitarinnar endurnýjaður með nýjustu tækni sem notuð er á leiðandi flugvöllum í Evrópu og hins vegar verður öryggisleitarsalurinn endurbættur með áherslu á bjartara og opnara umhverfi og betri hljóðvist.Framkvæmdirnar verða unnar í tveimur áföngum sem verða tímasettir á þeim árstíma þegar umsvif á flugvellinum eru minnst. Áætlað er að framkvæmdum ljúki á árinu 2028.Nánari upplýsingar um verkefnið má finna <a href="https://www.kefairport.is/kefplus/verkefni/endurnyjun-oryggisleitarsvaedis" target="_self">hér</a>.

Útboð fyrir endurnýjun öryggisleitar er hafið

Efni.00_00_42_19.Still005.png

Framkvæmdum við stækkun suðurbyggingar er lokið og hefur 1.900 fermetra stór viðbyggingin verið tekin í notkun. Stækkun Suðurbyggingar felur í sér betri aðstöðu fyrir farþega við brottfararhlið á báðum hæðum í austurenda Suðurbyggingar.

Framkvæmdum við stækkun suðurbyggingar er lokið og hefur 1.900 fermetra stór viðbyggingin verið tekin í notkun. Stækkun Suðurbyggingar felur í sér betri aðstöðu fyrir farþega við brottfararhlið á báðum hæðum í austurenda Suðurbyggingar.Framkvæmdir við stækkun Suðurbyggingar hófust í janúar 2024, en með henni hefur sætum í biðrými verið fjölgað verylega, ný brottfararhlið verið tekin í notkun, auk þess sem veitinga- og verslunarrými stækkar.Um miðjan 10. áratuginn var afkastageta flugstöðvarinnar komin að þolmörkun og aukin þörf á stækkun var orðin ljós. Þessi aukna þörf fyrir stækkun lá að vissu leyti í fullri aðild Íslands að Schengen samstarfinu sem gerði kröfu um fullan aðskilnað farþega innan og utan svæðisins. Ný Suðurbygging, suður af gömlu flugstöðinni, var því tekin í notkun árið 2001.Rúmum áratug síðar var hins vegar orðið ljóst að þörf væri á að stækka Suðurbygginguna og hefur sú stækkun sýnt sig og sannað sem mikilvægur liður í uppbyggingu á Keflavíkurflugvelli eftir mikla fjölgun farþega um völlinn frá árinu 2010, þá sérstaklega í flugi til og frá Norður-Ameríku og Bretlandseyjum.Upplýsingar um verkefnið má finna <a href="https://www.kefairport.is/kefplus/verkefni/staekkun-sudur" target="_self">hér</a>.

sudurbygging staekkun kef vimeo.jpg

Stórbætt aðstaða í suðurbyggingu

Honnunarmars_Syning.00_01_04_08.Still011.png

Honnunarmars_Syning.00_05_10_12.Still015.png

Í ár tók Keflavíkurflugvöllur í fyrsta sinn þátt í HönnunarMars með sýningunni „Nýjar tengingar hasla sér völl“, þar sem kastljósinu var beint að mikilvægi nýsköpunar og samstarfs í þróun framtíðarlausna.

Í ár tók Keflavíkurflugvöllur í fyrsta sinn þátt í HönnunarMars með sýningunni „Nýjar tengingar hasla sér völl“, þar sem kastljósinu var beint að mikilvægi nýsköpunar og samstarfs í þróun framtíðarlausna.Já­kvæð áhrif hönn­unarKEF hefur áður stutt við HönnunarMars, t.d. með því að hýsa sýningar á flugvellinum, en í ár var markmiðið að opna glugga inn í þá vinnu sem fram fer á flugvellinum og sýna hvernig hönnun getur haft jákvæð áhrif á upplifun farþega, starfsfólks og samstarfsaðila. Fyrir Keflavíkurflugvöll snýst þátttaka í HönnunarMars ekki aðeins um að kynna uppbyggingarverkefni, heldur einnig um að styrkja tengsl við samfélagið með samtali og skapa nýjar tengingar milli ólíkra greina.Sýningin var opin dagana 7.–10. maí og mætti fjöldi gesta til að kynna sér verkefnin framundan, ræða hugmyndir og upplifa hvernig nýjar tengingar geta orðið drifkraftur jákvæðra breytinga.Þá var einnig haldin fjölskyldusmiðjan „Draumaflugvöllur“ í samstarfi við Þykjó, þar sem börn og fullorðnir fengu að láta hugmyndaflugið ráða för og skapa umhverfi fyrir sinn eigin framtíðarflugvöll. Fjölskyldusmiðjan naut mikilla vinsælda og skapaði skemmtilega samveru.Keflavíkurflugvöllur þakkar öllum sem heimsóttu sýninguna fyrir komuna, áhugann og góðar umræður.<a href="https://www.honnunarmidstod.is/honnunarmars/dagskra/2026/nyjar-tengingar-hasla-ser-voll-358" target="_self">Nánar um sýninguna</a><a href="https://www.honnunarmidstod.is/honnunarmars/dagskra/2026/draumaflugvollur-fjolskyldusmidja-med-thykjo-407" target="_self">Fjölskyldusmiðja – Draumaflugvöllur</a>

Screenshot 2026-06-12 105318.png

KEF á HönnunarMars

Efni.00_03_17_18.Still004.png

Fyrstu farþegarnir fóru í gegnum nýju viðbótina við suðurbyggingu flugstöðvarinnar í gær, 15. apríl, þegar fram fór svokölluð ORAT prófun á farþegaflæðinu og innviðum. 

Fyrstu farþegarnir fóru í gegnum nýju viðbótina við suðurbyggingu flugstöðvarinnar í gær, 15. apríl, þegar fram fór svokölluð ORAT prófun á farþegaflæðinu og innviðum. ORAT (Operational Readiness, Activation & Transition) er alþjóðlega viðurkennd aðferðafræði sem miðar að því að tryggja að mannvirki, tæknikerfi, verkferlar og mannauður séu fullkomlega tilbúin þegar nýtt húsnæði eða ný starfsemi fer í notkun.Með aðferðinni er áhersla lögð á heildstæða verkefnastjórnun, skýra ábyrgðarskiptingu og markvissa prófun á öllum lykilþáttum framkvæmdar áður en rekstur hefst.Í þetta sinn var ákveðið að opna hliðin fyrir raunverulegum farþegum og fylgjast með þeim og upplifun þeirra, en stundum hefur verið brugðið á það ráð að fá starfsfólk af flugvellinum til að leika farþega í prófunum sem þessum.Prófunin gekk afar vel og er ekkert því til fyrirstöðu að neðri hæðin verði tekin í fulla notkun á allra næstu dögum. Efri hæðin fylgir svo í kjölfarið, en gert er ráð fyrir opnun þar á næstu vikum, einnig að lokinni prófun. Nánar má lesa um verkefnið <a href="https://www.kefairport.is/kefplus/verkefni/staekkun-sudur" target="_self">hér</a>.

Screenshot 2026-06-12 105228.png

Opnun í suðurbyggingu handan við hornið

Screenshot 2026-04-28 130603.png

Uppbygging Keflavíkurflugvallar og framkvæmdir henni tengdar vöktu töluverða athygli á stórsýningunni Verk og vit, en sýningarbás Isavia, Kadeco og sveitarfélaganna Reykjanesbæjar og Suðurnesjabæjar var vel sóttur alla sýningardagana.

Uppbygging Keflavíkurflugvallar og framkvæmdir henni tengdar vöktu töluverða athygli á stórsýningunni Verk og vit, en sýningarbás Isavia, Kadeco og sveitarfélaganna Reykjanesbæjar og Suðurnesjabæjar var vel sóttur alla sýningardagana.Brynjar Vatnsdal, forstöðumaður þróunar hjá Isavia, stóð vaktina og útskýrði þróunaráætlun og framkvæmdastefnu fyrirtækisins fyrir gestum og gangandi. Isavia er í fremstu röð íslenskra fyrirtækja þegar kemur að notkun þrívíddarlíkana og háþróaðrar tölvutækni við hönnun og framkvæmdir og kemur það reglulega fyrir að önnur fyrirtæki og stofnanir leiti til starfsmanna um það hvernig þau geti nýtt þessa tækni í sínum verkefnum.

Screenshot 2026-06-12 105414.png

Mikill áhugi á uppbyggingu KEF

Screenshot 2026-05-06 130953.png

Á dögunum fór fram ORAT borðprófun á einum áfanga svokallaðrar hringtengingar fyrir framan flugstöðina. 

Á dögunum fór fram ORAT borðprófun á einum áfanga svokallaðrar hringtengingar fyrir framan flugstöðina. ORAT (Operational Readiness, Activation & Transition) er alþjóðlega viðurkennd aðferðafræði sem miðar að því að tryggja að mannvirki, tæknikerfi, verkferlar og mannauður séu fullkomlega tilbúin þegar nýtt húsnæði eða ný starfsemi fer í notkun.Með aðferðinni er áhersla lögð á heildstæða verkefnastjórnun, skýra ábyrgðarskiptingu og markvissa prófun á öllum lykilþáttum framkvæmdar áður en rekstur hefst.Svokölluð borðprófun (e. desktop trial) fer þannig fram að fulltrúar helstu hagaðila og notenda sitja við stórt kort af framkvæmdinni og fara í gegnum ýmsar sviðsmyndir og hvernig brugðist yrði við ákveðnum aðstæðum. Með því móti fást mikilvægar upplýsingar um það hversu vel hönnunin mætir þörfum þessara aðila.Nánar má lesa um hringtenginguna <a href="https://www.kefairport.is/kefplus/verkefni/hringtenging" target="_self">hér</a>.

Screenshot 2026-06-12 105336.png

ORAT prófun á hringtengingu við KEF

Maikai.jpg

Keflavíkurflugvöllur er í stöðugri þróun og hafa ýmsar breytingar átt sér stað í verslunar- og veitingaframboði á síðustu mánuðum. Markmiðið er að bæta upplifun farþega og fjölga spennandi valkostum bæði fyrir brottfarar- og komufarþega.

Ein helsta breytingin er enduropnun Maikai á brottfararsvæði flugvallarins, á sama stað og veitingastaðurinn Bakað var áður. Veitingastaðurinn Maikai var áður starfræktur í flugstöðinni á árunum 2022–2023 í svokölluðu pop-up rými og hefur nú aftur opnað með fjölbreyttari matseðli.Þar er áfram að finna hinar vinsælu acai-skálar sem voru áður fáanlegar í flugstöðinni en auk þeirra býður staðurinn nú upp ferskar samlokur, chia-grauta, skyrskálar, vefjur og annað hollt og bragðgott snarl sem má grípa með í ferðalagið.

drykkir.jpg

Í Aðalstræti í austurálmu flugvallarins hefur nýr drykkjarstaður verið opnaður á sama svæði og Zócaló var áður til húsa. Þar geta gestir keypt sér bæði áfenga og óáfenga drykki í notalegu umhverfi áður en haldið er í flug. Svæðið hefur tekið stakkaskiptum undanfarin misseri og í Aðalstræti má nú einnig finna veitingastaðina Trattoria Travolare og Yuzu.Vinsæla útivistarvörumerkið 66°Norður og gjafaverslunin Rammagerðin hafa opnað sitt þriðja útibú í flugstöðinni, nú við C-hliðin á 2. hæð flugvallarins. Þar er lögð sérstök áhersla á útsöluvörur og sérvaldar vörur, auk þess sem Rammagerðin selur fatnað frá herrafataverslun Kormáks & Skjaldar. Því geta ferðalangar nú gert góð kaup á íslenskum hágæðafatnaði og íslenskri hönnun áður en þeir halda af landi brott.Verslunarkeðjan Point stækkað viðveru sína í flugstöðinni og hefur opnað verslun í komusal flugvallarins. Þar er hægt að nálgast ýmsar ferðanauðsynjar, minjagripi, samlokur, bakkelsi, pylsur og aðra létta rétti. Auk þess verður mun meira sætapláss fyrir viðskiptavini en áður.Þessar breytingar eru hluti af áframhaldandi uppbyggingu og endurnýjun á Keflavíkurflugvelli. Stefnt er að því að auka þjónustu, bæta aðstöðu og bjóða upp á fjölbreyttara úrval fyrir þá milljónir farþega sem fara um flugvöllinn á hverju ári.

Maikai og fleiri nýjungar á KEF

KEF Point sjalfsalar vending machines.jpg

Nýir sjálfsalar, verslun með bakkelsum, pítsum og öðru góðgæti og sælkeraverslun eru meðal nýjunga sem bættust við á Keflavíkurflugvelli fyrir ferðasumarið 2025. Flugvöllurinn er í stöðugri þróun til að sinna þörfum gesta sem eru fjölbreyttur og síbreytilegur hópur.

Í vor opnuðu tvær nýjar verslanir á Keflavíkurflugvelli, <a href="https://www.kefairport.is/verslanir/point" target="_self">Point</a> og <a href="https://www.kefairport.is/verslanir/icelandic-deli" target="_self">Icelandic Deli</a> sælkeraverslun. Verslanirnar eru góð viðbót við það frábæra úrval af veitingum sem nú er í flugstöðinni en þar geta gestir flugvallarins verslan mat, ferðavörur og íslenskar sælkeravörur.

KEF icelandic deli.jpg

Í <a href="https://www.kefairport.is/verslanir/icelandic-deli" target="_self">Icelandic Deli</a> er að finna úrval af af íslenskum handverksostum, reyktu og þurrkuðu kjöti, hágæða súkkulaði og íslenskum kryddum. Einnig er þar til sölu handvalið úrval af íslensku víni og öðrum áfengum drykkjum.

kef point store.jpg

<a href="https://www.kefairport.is/verslanir/point" target="_self">Point</a> er nýr veitingastaður þar sem boðið er upp á fjölbreytt úrval af ferðavörum, snarli, drykkjum, ferskum bakstri, pizzum og öðru góðgæti. Víða um flugstöðina er nú einnig að finna svokallaða Point sjálfsala þar sem gestir flugvallarins geta nælt sér í allt það helsta úr verslunum Point, hratt og örugglega. Sjálfsalarnir hafa vakið mikla lukku enda er fjöldi farþega á hraðferð um flugvöllinn og getur það því létt undir með fólki að geta gripið bita hratt og örugglega.

kef point pay.jpg

Sjálfsalar og aðrar nýjungar á KEF

whatsnex.png

Vinna er hafin við hönnun fyrsta áfanga tengibyggingar milli norður- og suðurbygginga flugstöðvarinnar.

Nú þegar búið er opna austurálmuna fyrir farþegaumferð er tilvalið að horfa til framtíðar og skoða næstu skref í uppbyggingu Keflavíkurflugvallar.Vinna er hafin við hönnun fyrsta áfanga tengibyggingar milli norður- og suðurbygginga flugstöðvarinnar, en henni er ætlað að verða hið eiginlega hjarta flugstöðvarinnar þegar hún verður tekin í notkun.<a href="https://www.kefairport.is/kefplus/verkefni/hjarta-kef" target="_self">Tengibyggingin</a> er annar stóru áfanganna í uppbyggingu Keflavíkurflugvallar. Þessi nýja bygging mun, með Austurálmunni sem nú er í byggingu, stækka flugstöðina um 70%. Ekki nóg með að tengibyggingin muni tengja saman upprunalegu flugstöðina og Suðurbyggingu, heldur mun hún einnig stórbæta þjónustu fyrir tengifarþega á Keflavíkurflugvelli.

Framtíðarsýn okkar fyrir Keflavíkurflugvöll - Austurálma opnuð

Screenshot 2026-03-18 115158.png

Næstu áfangar í uppbyggingu KEF

nemendur skoða.jpeg

Starfsfólk Keflavíkurflugvallar kynntu atvinnumöguleika á flugvellinum fyrir ungu fólki á árlegri starfsgreinakynningu á Suðurnesjum.

Starfsfólk KEF tók virkan þátt í árlegri starfsgreinakynningu á Suðurnesjum og kynntu áhugaverð tækifæri á flugvellinum fyrir ungu fólki og nemendum á efsta stigi grunnskóla. Í ár mættu nítján starfsmenn flugvallarins til að ræða við unga fólkið, og kynntu ýmis atvinnutækifæri á flugvellinu, m.a. störf innan sviðs flugverndar, flugöryggis, öryggisleitar, verkfræðinga, mannauðsráðgjafa og farþegaaksturs svo fáein séu nefnd.Hver deild mætti með tæki og tól sem notuð eru í hverju starfi og fengu nemendur að máta sig við störfin og fá innsýn inn í hvernig vinnudagur hópsins lítur út. Á flugvellinum er alltaf verið að leita að góðu fólki til að starfa og það er því ánægjulegt að kynna fyrir unga fólkinu fyrir öllum þeim fjölbreyttu tækifærum sem leynast á KEF.Yfir 100 starfsgreinar vítt og breitt úr atvinnulífinu voru kynntar nemendunum, sem komu úr 8. og 10. bekkjum allra grunnskóla Suðurnesjanna, auk fleira ungs fólks m.a. úr Fjölbrautaskóla Suðurnesja. Starfsgreinakynningar sem þessar eru öflugt verkfæri til að hvetja ungt fólk af svæðinu til að tengjast og kynnast ýmsum tækifærum á vinnumarkaði. Markmiðið er að nemendurnir finni sér áhugaverð störf og fái aðstoð við að skilja hvaða hæfni og nám þau gætu þurft að sækja í framtíðinni.Jákvæð áhrif á nærsamfélagið skiptir máliStarfsfólk KEF hefur tekið virkan þátt í starfsgreinakynningunni og sent sitt fólk til að ræða við unga fólkið í þónokkur ár. Þátttaka í slíkum viðburðum er mikilvæg fyrir Isavia sem leggur áherslu á að hafa jákvæð áhrif inn í nærsamfélagið, en starfsfólk fyrirtækjanna heimsækir reglulega menntastofnanir á svæðinu með kynningar eða verkefni sem gagnast nemendum. Það er afar verðmætt fyrir Isavia og flugvallarsamfélagið að starfsfólk gefi tíma sinn og orku í verkefni sem þessi. Það skiptir máli að íbúar Suðurnesja, sem og hugsanlegir tilvonandi starfskraftar, séu upplýstir um það sem fram fer á flugvellinum og hvernig það hefur áhrif á samfélagið allt.Starfsgreinakynningin er verkefni sambands sveitarfélaga á Suðurnesjum (SSS) en Þekkingarsetur Suðurnesja hefur séð um verkefnastjórnun henni tengdri um áraraðir.

Kynntu fjölbreytt atvinnutækifæri á KEF fyrir ungmennum

sudurbyggin2.jpg

Framkvæmdir við stækkun suðurbyggingar Flugstöðvarinnar hófust fyrr á árinu og miðar vel. Með stækkun Suðurbyggingar skapast aukið rými fyrir farþega sem gerir biðina eftir ferðlaginu ánægjulegri.

Framkvæmdir við stækkun suðurbyggingar Flugstöðvarinnar hófust fyrr á árinu og miðar vel. Með stækkun Suðurbyggingar skapast aukið rými fyrir farþega sem gerir biðina eftir ferðlaginu ánægjulegri.Suðurbyggingin stendur sunnan við gömlu flugstöðina sem nú er gjarnan kölluð Norðurbyggingin. Byggingin var opnuð árið 2001 og stækkuð rúmum áratug síðar til að sinna auknum farþegafjölda og bæta upplifun farþega. Framkvæmdir við stækkun Suðurbyggingar hófust í janúar 2024 og eru áætluð verklok á þessari 1.900 fermetra stækkun um mitt ár 2025. Breytingunum fylgir stórbætt aðstaða fyrir farþega, til að mynda með stærra biðrými, nýjum brottfararhliðum auk þess sem veitinga- og verslunarrými stækkar.Hægt er að lesa meira um verkefnið <a href="https://www.kefairport.is/kefplus/verkefni/staekkun-sudur" target="_self">hér.</a>

Framkvæmdir byrjaðar við stækkun suðurbyggingar

úrlofti.png

Á dögunum fór fram Dekstop trial eða skrifborðsæfing fyrir nýtt flughlað við austurálmu flugstöðvarinnar. Verkefnið er nátengt austurálmuverkefninu.

Á dögunum fór fram Dekstop trial eða skrifborðsæfing fyrir nýtt flughlað við austurálmu flugstöðvarinnar. Verkefnið er nátengt <a href="https://www.kefairport.is/kefplus/verkefni/ny-austuralma" target="_self">austurálmuverkefninu.</a>Á nýja flughlaðinu verða m.a. fjögur ný flugstæði og snjóbræðslukerfi.Svona æfing er mikilvægur þáttur í að búa endanotendur undir það að taka flughlaðið í gagnið. Þar sem framkvæmdinni er ekki lokið og heildstæð prófun með flugvélum er erfið í framkvæmd þá er svona skrifborðsæfing gott tól til að greina áður óþekkt atriði sem þarf að laga og fara í gegnum ferlana með endanotendum.Fjöldi hagaðila, bæði innri og ytri, koma að verkefni sem þessu og er mikilvægt að allir þessir aðilar komi saman til fara í gegnum starfsemina sem verður á flughlaðinu. Fulltrúar frá öryggisstjórnun, flugturni, stjórnstöð, framkvæmdadeild, flugvallarþjónustu, farþegaflutningum, hönnuðum, Airport Associates og Icelandair tóku þátt.Prófanir eins og þessar eru hluti af ORAT ferlinu sem er áhrifaríkt ferli til að styðja við farsæla innleiðingu á nýjum mannvirkjum og innviðum flugvallarinns. Með skipulagningu á prófunum fyrir opnun nýrra innviða tryggjum við mannvirkið sjálft sé tilbúið og að fólk, ferlar, kerfi og mannvirkið virki saman.Skrifborðsæfingin heppnaðist afar vel og skilaði mikilvægum upplýsingum sem munu gagnast okkur við undirbúning fyrir opnun flughlaðsins, en líka að opnun lokinni.

Nýtt flughlað prófað á korti

topview.jpg

Tæplega 8,5 milljónir farþega munu ferðast um Keflavíkurflugvöll (KEF) á næsta ári samkvæmt farþegaspá flugvallarins fyrir árið 2024.

Tæplega 8,5 milljónir farþega munu ferðast um Keflavíkurflugvöll (KEF) á næsta ári samkvæmt farþegaspá flugvallarins fyrir árið 2024. Spáin gerir ráð fyrir að tæplega 2,4 milljónir erlendra ferðamanna komi til landsins um flugvöllinn. Gangi spáin eftir verður árið 2024 það þriðja stærsta í sögu Keflavíkurflugvallar og það stærsta í komu erlendra ferðamanna til Íslands.„Við hlökkum til að taka á móti fleiri gestum á næsta ári. Við höfum fjárfest í þróun flugvallarins undanfarin ár og það er byrjað að skila sér í bættri aðstöðu fyrir farþega og starfsfólk,“ segir Guðmundur Daði Rúnarsson, framkvæmdastjóri viðskipta og þróunar hjá Isavia. „Spáin bendir einnig til þess að fjölgun farþega, sem og erlendra ferðamanna, verði hlutfallslega meiri en áður yfir vetrarmánuðina en sumarmánuðina. Það mun styðja við betri og jafnari nýtingu á flugvellinum yfir allt árið og á innviðum ferðaþjónustunnar.“Farþegum fjölgar um 9,6% á milli ára

farþegaspá 2024.png

Farþegaspá KEF fyrir 2024 gerir ráð fyrir að 8,49 milljónir farþega fari um Keflavíkurflugvöll, sem er 9,6% aukning frá þeim 7,74 milljónum sem fara um flugvöllinn í ár. Aðeins tvisvar hafa farþegarnir verið fleiri, 8,8 milljónir 2017 og 9,8 milljónir 2018. Yfir sumarmánuðina munu 25 flugfélög fljúga áætlunarflug til 82 áfangastaða og 20 flugfélög til 69 áfangastaða yfir vetrarmánuðina.Ef horft er til þeirra mánaða sem skilgreindir eru sem vetrarmánuðir á KEF, það er janúar, febrúar, mars, nóvember og desember, er gert ráð fyrir að farþegum fjölgi um 15,2% eða um 354 þúsund. Yfir sumarmánuðina, apríl til október, er gert ráð fyrir að farþegum fjölgi um 391 þúsund sem er 7,2% aukning á milli ára.Spáin gerir ráð fyrir að hlutfall tengifarþega verði um 30% af heildar farþegafjölda á næsta ári en til samanburðar er það um 27% í ár. Það þýðir að hærra hlutfall af heildarfarþegafjölda mun nýta KEF sem tengistöð án þess að dvelja á Íslandi. Hlutfall tengifarþega fór mest árið 2018 þegar það var um 40%.Erlendum ferðamönnum fjölgar mest yfir vetrarmánuðina

ferðamannaspá 2024.png

Samhliða farþegaspánni var einnig unnin spá um fjölda erlendra ferðamanna sem hingað sækja á næsta ári. Þar er gert ráð fyrir að erlendir ferðamenn verði tæplega 2,38 milljónir. Það eru um 60 þúsund fleiri en árið 2018 þegar þeir voru 2,32 milljónir, sem er mesti fjöldi erlendra ferðamanna fram til þessa. Í ár koma um 2,21 milljónir ferðamanna til landsins og gerir spáin því ráð fyrir 7,3% aukningu á milli ára. Um 93 þúsund fleiri ferðamenn munu koma yfir vetrarmánuðina á næsta ári samkvæmt spánni, sem 13,4% aukning á milli ára. Yfir sumarmánuðina er gert ráð fyrir 68 þúsund fleiri ferðamönnum sem er 4,5% aukning.Stöðug þróun á Keflavíkurflugvelli

komusalur.jpg

Keflavíkurflugvöllur er í stöðugri þróun sem miðar að því að bæta aðstöðu á flugvellinum til að tryggja viðskiptavinum betri þjónustu og gestum hans enn betri upplifun. Á þessu ári var fyrsti áfangi austurálmu, ný viðbygging við flugstöðina, tekinn í notkun með nýjum og rúmbetri töskusal og afkastameira farangurskerfi. Þá var tekin í notkun ný akbraut sem minnkar biðtíma flugvéla auk þess sem aðstaða fyrir komulandamæri fyrir farþega utan Schengen var bætt með nýrri viðbyggingu.„Á síðari hluta næsta árs verður austurálman tekin að fullu í notkun, en framkvæmdir hófust um mitt ári 2021. Þá bætast við nýir landgangar auk rúmbetra svæðis fyrir verslanir og veitingastaði,“ segir Guðmundur Daði. „Þetta mun hjálpa okkur að taka enn betur á móti vaxandi farþegafjölda og tryggja starfsfólki og viðskiptafélögum okkar betri aðstöðu. Allt stuðlar þetta að betri þjónustu og upplifun fyrir farþega sem gerir flugvöllinn samkeppnishæfari.“Um farþegaspánnaFarþegaspá Keflavíkurflugvallar fyrir 2024 byggir á greiningum og mati á þáttum sem hafa áhrif á eftirspurn farþega eftir flugi til og frá́ flugvellinum. Spáin er unnin út frá upplýsingum um afgreiðslutíma sem flugfélög hafa tryggt sér og upplýsingum úr kerfum Keflavíkurflugvallar til viðbótar við fréttir af áformum flugfélaga.Farþegatölur eru settar fram í þremur liðum og snúa að brottförum og komum farþega og svo tengifarþegum. Brottfararfarþegar eru þau sem fljúga frá flugvellinum eftir dvöl á Íslandi. Komufarþegar eru þau sem koma til dvalar á Íslandi. Tengifarþegar eru þau sem nýta KEF sem tengistöð, þ.e. koma með einu flugi til flugvallarins og skipta yfir í annað flug án þess að koma inn í landið og eru taldir bæði við komu og brottför.

Farþegaspa.png

ferðamannaspa.png

Farþegum fjölgar og dreifast betur yfir árið 2024

BB.jpg

Bæjarins beztu pylsur hafa opnað sinn þriðja sölustað á Keflavíkurflugvelli – nú í brottfararsal flugvallarins við vegabréfaeftirlitið.

Fyrirtækið hefur rekið útibú í verslun 10-11 í komusal flugavallarins síðan árið 2021 og í sumar bættist við pylsuvagn á biðsvæði í suðurbyggingu sem farþegar á leið til Bretlands, Bandaríkjanna og annarra landa utan Schengen fara um.Pylsuvagninn er opnaður í svokölluðu „pop-up“ rými og verður þar til eins árs. Pylsuvagnar Bæjarins beztu hafa verið einstaklega vinsælir meðal gesta flugvallarins. Með opnun nýja pylsuvagnsins í brottfararsal geta nú allir gestir átt tækifæri að gæða sér á einni með öllu á leið til útlanda.„Pylsuvagninn sem opnaði í sumar hefur algjörlega slegið í gegn og Bæjarins beztu peysurnar og bolirnir hafa notið mikilla vinsælda hjá ferðamönnum. Pylsurnar eru ekki aðeins gómsætar heldur hentar afgreiðsluhraðinn einstaklega vel fyrir fólk á hraðferð. Við erum ánægð að geta nú aukið framboðið með nýjum vagni í brottfararsal,“ segir Gunnhildur Erla Vilbergsdóttir, deildarstjóri verslana og veitinga hjá Isavia.Staðir Bæjarins beztu í heild eru því orðnir 11 talsins. Sjö á höfuðborgarsvæðinu og fjórir á Suðurnesjum.

Bæjarins beztu opnar þriðja pylsuvagninn á Keflavíkurflugvelli

ELKO.png

Raftækjaverslunin ELKO hefur opnað nýja verslun í komusal Keflavíkurflugvallar með betra aðgengi og auknu vöruúrvali. Verslunin er staðsett í nýjum töskusal flugvallarins, við útganginn úr verslun Fríhafnarinnar.

„Við hlökkum til að taka á móti ferðamönnum á nýju og stærra svæði í komusal Keflavíkurflugvallar. Aðgengi að nýju versluninni er mun betra en á fyrri stað og verslunin sjálf ein sú glæsilegasta,“ segir Óttar Örn Sigurbergsson, framkvæmdastjóri ELKO. „Nýja verslunin er í glænýju útliti en svipaðri hönnun og verslanir okkar í Skeifunni og á Akureyri. Viðskiptavinir hafa lengi óskað eftir auknu vöruúrvali og getum við nú loks svarað kallinu með meira plássi, betra aðgengi og fleiri vörum. Ný staðsetning gerir okkur kleift að bæta enn frekar þjónustu við okkar viðskiptavini.“ELKO hefur um árabil starfrækt verslanir á flugvellinum, eina í brottfararsal flugvalllarins og eina í komusal, inni í verslun Fríhafnarinnar. Með nýju versluninni eykst ekki eingöngu möguleikinn á auknu vöruúrvali heldur verður verslunin sýnilegri, opnari og aðgengilegri fyrir viðskitpavini. Nýr töskusalur flugvallarins, þar sem verslunin er staðsett, er fyrsti áfanginn sem tekinn er í notkun í nýrri austurálmu flugstöðvarinnar og miðar að því að bæta aðstöðu fyrir farþega og upplifun þeirra.„Við höfum átt í farsælu samstarfi við ELKO í fjölda ára, bæði í brottfararsal flugstöðvarinnar og í Fríhöfninni og það er því gleðilegt að hægt sé að bæta upplifun farþega frekar með nýrri verslun og auknu vöruúrvali. Keflavíkurflugvöllur er í stöðugri þróun og öll uppbygging miðar að því að bæta upplifun farþega með þjónustu sem hæfir ólíkum hópum farþega,“ segir Gunnhildur Erla Vilbergsdóttir, deildarstjóri verslunar og veitinga á Keflavíkurflugvelli.

Ný ELKO verslun í komusal Keflavíkurflugvallar

störf.jpg

Miðvikudaginn 18. október síðastliðinn fór starfsfólk Isavia og ráðgjafafyrirtækisins Mace í heimsókn í Fjölbrautaskóla Suðurnesja.

Markmið með heimsókninni var að kynna fyrir útskriftarnemum, þau fjölbreyttu störf sem eru almennt í boði á flugvellinum auk þess sem kynnt voru störf í tengslum við stækkun flugstöðvarinnar. Starfsfólk sem gegnir ólíkum störfum innan Isavia og Mace kynnti störf sín og reynslu, sögðu frá menntun sinni, áhugamálum og öðru sem hefur haft áhrif á starfsþróun þeirra.Heimsóknin er liður í viðleitni Isavia og Mace til að að hafa jákvæð áhrif á nærsamfélagið, en starfsfólk fyrirtækjanna heimsækir reglulega menntastofnanir á svæðinu með kynningar eða verkefni sem gagnast nemendum.Nemendur tóku vel á móti gestunum og spurðu þá spjörunum úr, sem er til marks um áhuga þeirra á þeirri vinnu sem fram fer á flugvellinum.Það er afar verðmætt fyrir Isavia og flugvallarsamfélagið að starfsfólk gefi sinn tíma og orku í verkefni sem þessi. Það skiptir máli að íbúar suðurnesja, sem og hugsanlegir tilvonandi starfskraftar, séu upplýstir um það sem fram fer á flugvellinum og hvernig það hefur áhrif á samfélagið allt.

Starfsfræðsla i Fjölbrautaskóla Suðurnesja

Austurálma.jpg

Austurálman er stærsta framkvæmd í sögu Isavia, að sögn Guðmundar Daða Rúnarssonar, fram­kvæmda­stjóra viðskipta og þró­un­ar hjá Isa­via, en ítarleg umfjöllun um Austurálmuna birtist í Morgunblaðinu sunnudaginn 15. október síðastliðinn.

Guðmundur segir að Austurálman sé stærsta framkvæmdin, hvort sem miðað er við fjárhæðir eða fermetra. Til dæm­is sé bygg­ing­in um fjög­ur þúsund fer­metr­um stærri en norður­bygg­ing­in var upp­haf­lega.Upp­haf­leg kostnaðaráætl­un gerði ráð fyr­ir að austurálm­an myndi kosta 21,8 millj­arða króna á nú­v­irði. Nú stefni í að end­an­leg­ur kostnaður verði 22-23 millj­arðar.Við austurálm­una er verið að steypa stiga­hús fyr­ir vænt­an­lega land­ganga. Guðmund­ur Daði seg­ir að frá hvoru stiga­húsi verði tveir fing­ur út í tvær flug­vél­ar. Með því sé hægt að lengja göngu­leiðina út í vél og þannig hefja inn­rit­un fyrr og tryggja jafn­ara flæði farþega. Inn­rit­un­in sé jafn­an stærsti flösku­háls­inn á flug­völl­um og því auki stiga­hús­in skil­virkni. Þá verði annaðhvort hægt að vera með tvær venju­leg­ar vél­ar eða eina breiðþotu við stiga­hús­in sem sé einnig fram­för.Þá vek­ur Guðmund­ur Daði at­hygli á því að nú standi yfir fram­kvæmd­ir fyr­ir 3,5 millj­arða króna á flug­hlaðinu. Þar með talið við að byggja upp nýtt eldsneytis­kerfi á (sjá mynd neðst á síðunni).„Ástæðan fyr­ir því að vél­um seink­ar á Kefla­vík­ur­flug­velli er oft sú að þjón­usta þarf marg­ar vél­ar í einu og aka tankbíl­um með eldsneyti á milli þeirra. Með nýja kerf­inu verður hægt að dæla eldsneyti beint úr lögn­un­um og í vél­arn­ar,“ seg­ir Guðmund­ur Daði í <a href="https://www.mbl.is/greinasafn/grein/1846475/" target="_self">frétt Morgunblaðsins, sem má lesa hér.</a>

Austurálman tekur á sig mynd

töskusalur.jpg

Nýr og rúmbetri töskusalur beið þeirra farþega sem lentu á Keflavíkurflugvelli upp úr hádegi í dag. Töskusalurinn er fyrsti áfanginn sem tekinn er í notkun í nýrri austurálmu flugstöðvarinnar og miðar að því að bæta aðstöðu fyrir farþega og upplifun þeirra.

„Hér er hærra til lofts, víðara til veggja og færiböndin eru stærri og afkastameiri. Þannig getum við tekið betur á móti gestum Keflavíkurflugvallar, með betri aðstöðu til að bíða eftir farangrinum en vonandi einnig styttri bið,“ segir Maren Lind Másdóttir, forstöðumaður mannvirkja og innviða hjá Isavia. „Keflavíkurflugvöllur er í stöðugri þróun sem gengur út á að bæta aðstöðu og ferðaupplifun farþega og um leið að gera hann samkeppnishæfari. Á næstu árum stígum við fleiri skref í sömu átt.“

MAREN.jpg

Fyrsti áfangi austurálmuNýi töskusalurinn á Keflavíkurflugvelli er á jarðhæð í nýrri viðbyggingu við flugstöðina, svokallaðri austurálmu. Í honum eru þrjú stærri og breiðari farangursmóttökubönd, en gert er ráð fyrir að síðar geti tvö bönd bæst við. Samhliða því verða farangursböndin í gamla töskusalnum tekin niður en á því svæði verður síðar opnuð ný og endurbætt fríhafnarverslun fyrir komufarþega.

gulurjakki.jpg

Nýja viðbyggingin er á þremur hæðum auk kjallara og hófust framkvæmdir um mitt ár 2021. Í dag var einnig tekið í notkun nýtt og afkastameira farangursmóttökukerfi sem staðsett er í kjallara byggingarinnar. Áætlað er að framkvæmdum við bygginguna ljúki á síðari hluta næsta árs þegar meðal annars verður tekið í notkun stærra veitinga- og biðsvæði á annarri hæð og fjórir nýir landgangar.Austurálma er rúmir 20 þúsund fermetrar að stærð, en til samanburðar er Laugardalshöll um 17 þúsund fermetrar. Austurálman er 124,5 m að lengd, 66 m á breidd og 31 m á hæð.Með sjálfbærni að leiðarljósiVið hönnun, efnisval og val á tækni í austurálmu er leitast við að lágmarka kolefnisspor, bæta orkunýtingu og auka hagkvæmni í rekstri í samræmi við stefnu Isavia þar sem sjálfbærni er höfð að leiðarljósi. Til að tryggja aðhald mun austurálma fá óháða BREEAM-vottun, sem er þekktasta alþjóðlega vottunarkerfið fyrir sjálfbærni framkvæmda.

Nýr og rúmbetri töskusalur á Keflavíkurflugvelli

KEF-topview.png

Isavia hefur gefið út skuldabréf í lokuðu útboði að fjárhæð 175 milljóna evra til bandarískra fjárfesta. Það jafngildir rúmum 25 milljörðum íslenskra króna. Um er að ræða fyrstu skuldabréfaútgáfu Isavia.

Fjármögnun sem fengin er með útgáfunni verða notaðir til að endurfjármögnunar á eldri lánum félagsins, en með skuldabréfaútboðinu er Isavia að tryggja sér fjármagn á hagstæðum kjörum til lengri tíma. Fjármagnið verður einnig notað til að styðja við uppbyggingu á Keflavíkurflugvelli.Fjármögnunin var framkvæmd í einum áfanga í ágúst 2023 og eru skuldabréfin gefin út til 7-12 ára. Umsjónaraðili skuldabréfaútgáfunnar er DNB Markets Inc.Ingibjörg Arnarsdóttir, framkvæmdastjóri mannauðs- og fjármála hjá Isavia, segir að skuldabréfaútgáfan skili Isavia hagstæðri endurfjármögnun. “Við erum í dag að fjármagna okkur á mun betri kjörum en býðst á innlendum markaði - þannig að skuldabréfaútgáfan styrkir félagið verulega í þeirri mikilvægu þróun sem stendur yfir á Keflavíkurflugvelli“ segir Ingibjörg. „Fjárfestar sýna Isavia mikið traust í þessari fyrstu skuldabréfaútgáfu félagsins. Móttökurnar voru afskaplega góðar hjá fjárfestum.“

Fyrsta skuldabréfaútboði Isavia lokið - 25 milljarðar til endurfjármögnunar og framkvæmda

Hönnunarvinnu-miðar-vel.png

Stefna Keflavíkurflugvallar í loftslagsmálum, og aðgerðir að því að draga úr kolefnisspori flugvallarins í heild, hafa hlotið fjórða stig kolefnisvottunarkerfis Alþjóðasamtaka flugvalla (ACI).

Kolefnisvottunarkerfið, ACA (<a href="https://www.airportcarbonaccreditation.org/" target="_self">Airport Carbon Accreditation</a>), metur það hvort flugvellir séu að mæla kolefnislosun með réttum hætti og metur einnig árangur aðgerða til að minnka kolefnisspor þeirra. Markmiðið er að draga úr umhverfisáhrifum flugvalla með því að mæla kolefnislosun, stýra henni og minnka.Það er yfirlýst markmið Isavia að starfsemi Keflavíkurflugvallar verði orðin kolefnislaus árið 2030. Þeim árangri verður náð með samstarfi við hagaðila, virkri vöktun á umhverfisþáttum, orkuskiptum og með viðurkenndri kolefnisjöfnun eftir þörfum.

karbon.png

Til þess að ná þeim markmiðum var í fyrra lögð áhersla á að reikna kolefnisspor allrar virðiskeðju flugvallarins. Þar er átt við losun hjá öllum fyrirtækjum og aðilum sem ekki eru undir stjórn Isavia en tilheyra aðfanga- og virðiskeðju félagsins. Með því að ná <a href="https://www.airportcarbonaccreditation.org/about/7-levels-of-accreditation/" target="_self">fjórða stigi af sex í vottunarkerfi ACI</a> hefur þessi útreikningur ekki aðeins verið vottaður af óháðum alþjóðlegum aðila, heldur einnig aðgerðir okkar til að minnka losun og jafna með viðurkenndum hætti. Árangurinn er ekki síst til kominn vegna samstarfs meðlima flugvallarsamfélagsins á Keflavíkurflugvelli. Til að ná utan um heildarlosun flugvallarins var komið á samstarfsvettvangi allra þessara aðila með það að markmiði að finna leiðir til að minnka kolefnisspor flugvallarins í heild sinni.Hrönn Ingólfsdóttir, forstöðumaður stefnumótunar og sjálfbærni hjá Isavia:„Félagið hefur, í samræmi við sjálfbærnistefnu sína, haft það að leiðarljósi að halda neikvæðum umhverfisáhrifum af starfsemi sinni í lágmarki í sátt og samvinnu við hagaðila. Þessi vottun sem Keflavíkurflugvöllur hefur fengið í dag, fjórða stig í ACA kolefnisvottunarkerfi ACI, er staðfesting á að við erum á réttri leið og sýnir og sannar að við erum að ná áþreifanlegum árangri í okkar vinnu við að draga úr kolefnislosun. Við erum á góðri leið með að ná takmarki okkar um kolefnaleysi í eigin rekstri fyrir árið 2030.“Olivier Jankovec, forstjóri ACI EUROPE:„Ég óska Keflavíkurflugvelli innilega til hamingju með að hafa hlotið þessa vottun. Flugvöllurinn hefur skuldbundið sig til að ná fullu kolefnishlutleysi fyrir árið 2030 sem er hluti af skuldbindingu flugvallaiðnaðarins í heild sinni, sem staðfest var í síðasta mánuði og þessi nýja vottun sýnir að flugvöllurinn er að ná áþreifanlegum framförum í átt að því markmiði. Keflavíkurflugvöllur stendur við stóru orðin - skilar áþreifanlegri minnkun í beinni losun koltvísýrings og vegur upp á móti annarri losun, en hefur einnig samskipti við rekstraraðila sína þannig að þeir minnki líka sína eigin losun. Vel gert!“Um ACAKolefnisvottun ACA er verkefni á vegum Alþjóðasamtaka flugvalla, ACI (Airports Council International), og hefur fengið viðurkenningu fjölda alþjóðlegra stofnana, m.a. frá Rammasamningi Sameinuðu þjóðanna um loftslagsbreytingar (UNFACCC), Umhverfisstofnun Sameinuðu þjóðanna (UNEP), Alþjóðaflugmálastofnuninni (ICAO) og Evrópusambandinu.

Fjórða stigi náð í kolefnisvottunarkerfi alþjóðasamtaka flugvalla

Bakad1.png

Kaffihúsið Bakað hefur verið opnað á Keflavíkurflugvelli. Kaffihúsið er staðsett á innritunarsvæðinu á 1. hæð flugvallarins og því aðgengilegt öllum sem um flugvöllinn fara.

Þar er í boði gómsætt bakkelsi, nýbakað brauð og pizzur, heilsusamlegir safar, salöt og rjúkandi heitt gæðakaffi frá Te & kaffi. Vöruúrval og opnunartími verður takmarkaður til að byrja með.„Við ætlum að leggja áherslu á góða en einfalda rétti, ferskt brauðmeti og pizzur og hlökkum til að fá að baka ofan í gesti flugvallarins og senda þá sadda og sæla í háloftin,” segir Ágúst Einþórsson, bakari og hugmyndasmiður að vöruframboði Bakað. „Við leggjum áherslu á hraða og góða þjónustu fyrir gesti sem eru á ferðinni en bjóðum líka upp á virkilega fallega hannað svæði fyrir þau sem vilja setjast niður og eiga notalega stund.“

bakad2.jpg

Það er HAF Studio sem sér um hönnun staðanna tveggja en hönnunarstofan hefur undanfarin ár komið að hönnun fjölmargra veitingastaða og mathalla.„Það var skemmtileg áskorun að skapa notalegt umhverfi og upplifun fyrir gesti Keflavíkurflugvallar. Við völdum náttúrulega eik í bland við fallegt leður í sætisrýminu, dempaða lýsingu og einfalt og stílhreint útlit. Við vildum skapa umhverfi þar sem gestum líður vel og vilja sitja og njóta fyrir flug,“ segir Hafsteinn Júlíusson, eigandi HAF Studio.Fyrra kaffihús Bakað hefur þegar verið opnað hjá innritunarrýminu en það síðara verður opnað síðar á árinu inni á verslunar- og veitingarými Keflavíkurflugvallar.„Eftir því sem farþegum fjölgar verða þarfirnar fjölbreyttari og því er Bakað alveg einstaklega góð viðbót í veitingaflóru flugvallarins. Við erum stöðugt að vinna að því að bæta upplifun farþega og þjónustu við þá og með Bakað fjölgar sannarlega valmöguleikum þeirra,“ segir Gunnhildur Erla Vilbergsdóttir, deildarstjóri verslunar og veitinga á Keflavíkurflugvelli.

Bakað á Keflavíkurflugvelli

mike-taxiway.jpg

Í dag var ný akbraut formlega tekin í notkun á Keflavíkurflugvelli. Akbrautin, sem hefur fengið nafnið Mike, tengir saman flughlað flugstöðvarinnar og flugbraut. Akbrautin er fyrsta viðbót Isavia við flugbrautarkerfið, en allar aðrar viðbætur voru lagðar af NATO eða Bandaríkjaher.

„Viðbót þessi við flugbrautarkerfi Keflavíkurflugvallar er stór áfangi í uppbyggingu Keflavíkurflugvallar og liður í að gera flugvöllinn samkeppnishæfari. Keflavíkurflugvöllur er í harðri alþjóðlegri samkeppni og við erum stöðugt að vinna að því að styrkja rekstrargrundvöll flugvallarins, bæta aðstöðuna fyrir flugfélögin og bæta upplifun farþega, “ segir Guðmundur Daði Rúnarsson, framkvæmdastjóri viðskipta og þróunar hjá Isavia.Með nýrri akbraut er öryggi flugbrautarkerfisins aukið með bættu flæði í komum og brottförum. Þetta þýðir að flugvélar munu komast fyrr af flugbrautum og fyrr inn á þær, sem eykur skilvirkni flugbrautakerfisins og hraðar afgreiðslu flugvéla. Akbrautin mun minnka biðtíma flugvéla að komast af akbraut eða komast í loftið á háannatíma og þar af leiðandi minnka kolefnisspor flugvéla á jörðu, sem er eitt af markmiðum flugvallarins.Fyrsta flugvélin sem ók eftir Mike var Fagradalsfjall, vél af gerðinni Boeing 737-Max-8 vél frá Icelandair sem var á leiðinni frá Keflavíkurflugvelli til Oslóar.Akbrautin er engin smásmíði þar sem hún er 1200 metra löng og 35 metrar á breidd. Til samanburðar myndi malbikið duga til að malbika 35 fótboltavelli. Kostnaður við akbrautina eru tæpir 4 milljarðar króna.Framkvæmdir við Mike hófust árið 2022 en þeim lauk í sumarbyrjun 2023.

Ný akbraut tekin í notkun á Keflavíkurflugvelli

staff.jpg

Á síðustu vikum hefur fjölbreyttur hópur sérfræðinga Isavia heimsótt Miðstöð símenntunar á Suðurnesjum og Samvinnu – starfsendurhæfingu. Tilgangur heimsóknanna er að veita innsýn í þau fjölbreyttu störf sem unnin eru á Keflavíkurflugvelli og við þróun hans. Áhersla er lögð á að eiga virkt samtal og efla einstaklinga til atvinnu.

Í vor fóru starfsmenn Isavia í heimsókn til MSS og Samvinnu – starfsendurhæfingar. Þar var haldin kynning fyrir um þrjátíu manns til að veita þeim innsýn í störf á flugvellinum og við þróun hans. Sérfræðingar Isavia og Mace fóru yfir starfsferil sinn og ræddu ákvarðanir sem leiddu þau til starfa hjá Isavia. Gagnlegt var að bera saman ólíka starfsferla og hvernig ólíkar ákvarðanir geta leitt aðila inn á sama vinnustaðinn.Í lokin gafst svo tækifæri til spurninga og að fá ráðleggingar hjá sérfræðingum Isavia um störf, tækifæri og atvinnuferil.Í sjálfbærnistefnu Isavia er lögð áhersla á markvissa vinnu í nærsamfélaginu, meðal annars með gagnkvæmri miðlun þekkingar og reynslu. Heimsóknin er hluti af því sem Isavia leggur til í starfsemi sinni til að auka samfélagslegt virði, meðal annars með samstarfi við stofnanir í nærsamfélaginu. Einnig með kynningu á störfum og á Isavia sem vinnustað og miðlun þekkingar sem verður til innan fyrirtækisins.

Isavia styður við starfsendurhæfingu á Suðurnesjum

Jómfrúin.png

Hin eina sanna Jómfrú hefur opnað veitingastað sinn á Keflavíkurflugvelli. Jómfrúin, sem er mörgum landsmönnum að góðu kunn, býður upp á danskt smurbrauð en einnig klassíska heita rétti, úrval af kökum og tertum og auðvitað alls kyns drykki.

„Það eru mjög spennandi tímar framundan hjá Jómfrúnni. Ég hef lengi haft mikinn áhuga á rekstri á flugvellinum og það er mín skoðun að veitingastaður eins og Jómfrúin eigi mjög vel heima í þessu flugvallarumhverfi. Undanfarin ár hef ég fylgst með nýjum áherslum, bæði á Kastrup flugvelli og Gardermoen, og mér finnst það flott nálgun að upplifun fólks af borginni sem það heimsækir geti teygt sig til flugvallarins. Keflavíkurflugvöllur er aðalgáttin að Íslandi en völlurinn er einnig hliðið að Reykjavík, þar sem minn staður hefur starfað með stolti í bráðum 28 ár. Við Jómfrúarfólk hlökkum til að bjóða flugvallargestum upp á hina heilögu þrenningu; smubrauð, öl og snaps,“ segir Jakob E. Jakobsson, eigandi Jómfrúarinnar.Klassískar smurbrauðssneiðar, eins og egg & rækjur, rauðspretta og roast beef, verða allar á sínum stað. Úrval af bjór á dælu og snöfsum verður þar að sjálfsögðu einnig og hægt að panta með smurbrauðinu – eða eitt og sér. Það er því kjörið að eiga notalega stund á Jómfrúnni fyrir flug en fyrir þau sem ekki hafa tíma til þess verður einnig hægt að fá tilbúnar smurbrauðsneiðar sem grípa má með sér, hratt og auðveldlega.Það er alþjóðafyrirtækið SSP sem sér um rekstur Jómfrúarinnar á Keflavíkurflugvelli en fyrirtækið sérhæfir sig í rekstri veitingastaða á flugvöllum og rekur yfir 2.600 slíka staði víða um heim.„Við hjá SSP erum gríðarlega ánægð með að standa að opnun Jómfrúarinnar á Keflavíkurflugvelli. Að okkar mati er hún virkilega góð viðbót við framboðið sem fyrir er á flugvellinum. Við vonumst til þess að flugfarþegar grípi tækifærið til að hefja fríið enn fyrr en ella og komi sér fyrir í notalegu umhverfi sem margir þekkja nú þegar, frá Jómfrúnni í miðborginni.“ segir Jón Haukur Baldvinsson, framkvæmdastjóri SSP á Íslandi.Veitingastaðurinn Jómfrúin hefur þegar verið opnaður og er staðsettur við hliðina á gleraugnaversluninni Eyesland, þar sem verslunin Penninn/Eymundsson var áður.

Jómfrúin er ferðbúin!

grunnskólanemar.jpg

Á síðustu vikum hefur fjölbreyttur hópur sérfræðinga Isavia í rekstri og þróun flugvalla heimsótt nemendur í Heiðarskóla.

Tilgangur heimsóknanna er að veita nemendum innsýn í þau fjölbreyttu störf sem unnin eru á Keflavíkurflugvelli og við þróun hans. Áhersla er lögð á að virkja sköpunarkraft nemenda, ögra staðalímyndum og eiga virkt samtal við nemendur.Í lok maí tóku nemendur í 9. og 10. bekk á móti starfsfólki Isavia. Þeir fengu kynningu á mögulegum framtíðarstörfum á flugvellinum þar sem áhersla var lögð á að ögra staðalímyndum starfa á flugvöllum og í byggingariðnaði. Starfsfólk Isavia sagði einnig frá þróunaráætlun Keflavíkurflugvallar, sem lýsir því hvernig flugvöllurinn getur þróast á næstu 25 árum, og hvaða störf verða mikilvæg í tengslum við þá vinnu. Þá voru þau hvött til að giska á hvaða störfum og hlutverkum gestirnir sinna hjá Isavia og höfðu svo loks tækifæri til að spyrja nánar út í störf hvers og eins.Í byrjun júní hittu sérfræðingar Isavia nemendur í 4. bekk. Flugvallarsamfélagið, starfsumhverfi þess og þróun Keflavíkurflugvallar var kynnt á skemmtilegan og skapandi hátt. Nemendur fengu síðan það verkefni að hanna fræðsludeild fyrir flugvöllinn til að aðstoða sérfræðinga Isavia. Óhætt er að segja að þar hafi hugmyndirnar farið á flug. Næst byggðu nemendurnir fræðsludeildina úr endurnýtanlegu efni sem þau höfðu safnað. Útkoman var frumleg og skemmtileg og mun án efa nýtast Isavia við þróun Keflavíkurflugvallar. Það sem allir hóparnir áttu sameiginlegt var að í fræðsludeildinni var gert ráð fyrir sýndarveruleika þar sem börn hefðu tækifæri til að prófa ólík störf. Að lokum fengu þau að sjá myndir frá fræðsludeildum fyrir börn á flugvöllunum í Manchester og Kraká og rætt var við þau um hvort þetta væri eitthvað sem þau myndu vilja sjá á flugvellinum.Í sjálfbærnistefnu Isavia er áhersla á markvissa vinnu með nærsamfélaginu, meðal annars með gagnkvæmri miðlun þekkingar og reynslu. Heimsóknir sem þessar eru mikilvægur liður í því auk þess sem nemendur veita starfsfólki Isavia frábæran innblástur. Í ljósi árangursins með Heiðarskóla skoðar Isavia nú hvort hægt sé að bjóða fleiri skólum upp á samstarf.

Grunnskólanemar fá innsýn í framtíðarstörf á flugvellinum

komulandamærinn.jpeg

Ný komulandamæri fyrir farþega sem koma til Íslands frá löndum utan Schengen-svæðisins hafa verið opnuð, í tímabundinni og endurnýtanlegri viðbyggingu. Nýju landamærin munu greiða fyrir og bæta afgreiðslu farþega sem koma inn svæðið í samræmi við nýjar Evrópureglur.

Með opnun nýju landamæranna mun flæði í flugstöðinni batna töluvert, þar sem reynt verður að sporna við löngum röðum við landamæraeftirlit og stytta biðtíma með aukinni skilvirkni, m.a. með sjálfsafgreiðsluvélum.Byggingin sem reist var fyrir nýju landamærin verður notuð þar til búið verður að koma upp nýrri og varanlegri aðstöðu fyrir ytri landamæri Schengen í nýrri tengibyggingu sem nú er í hönnun. Í samræmi við áherslu á endurnýtingu við þróun Keflavíkurflugvallar er byggingin hönnuð með þeim hætti að hægt verður að taka hana niður og nýta í annað þegar hlutverki hennar við landamæraeftirlit lýkur.Byggingin er er á einni hæð og er staðsett austan megin við Suðurbyggingu.

Nýju komulandamærin opnuð

eyesland.jpg

Glæsileg gleraugnaverslun Eyesland hefur verið opnuð á Keflavíkurflugvelli.

Í versluninni eru seld mörg af eftirsóknarverðustu merkjunum á gleraugum og sólgeraugum í dag auk annarra nýrri og minna þekktra merkja sem þó þykja ekki gefa hinum neitt eftir í gæðum. Þá verður að sjálfsögðu hægt að kaupa vörur eins og linsur og linsuvökva auk hágæða augndropa sem geta komið sér sérstaklega vel á ferðalagi. Áhersla verslunarinnar er svo á þjónustuna og mun starfsfólk kappkosta við að aðstoða flugfarþega við val á gleraugum, glerjum eða öðru sem þau þurfa á að halda.„Eyesland hefur ávallt lagt áherslu á framúrskarandi þjónustu og við munum halda því áfram í nýrri verslun okkar á Keflavíkurflugvelli. Við verðum með sjónmælingatæki á vellinum sem er nýtt á markaðnum og er með gervigreind sem býður upp á hraðar og nákvæmar sjónmælingar. Þannig að farþegar geta fengið sjónmælingar á staðnum á örskömmum tíma. Auk þess bjóðum við upp á heimsþekkt vörumerki eins og Ray Ban, Valentino, Balmain, Max Mara, Dita Lancier og Oakley, svo dæmi séu tekin. Við hlökkum til að taka á móti farþegum með vönduðum vörum á góðu verði," segir Sigrún Andersen, framkvæmdastjóri Eyesland.Verslunin þykir sérstaklega vel heppnuð en það er teiknistofan Gláma Kím sem á heiðurinn af hönnun hennar. Verslunin er staðsett við hliðina á útganginum úr Fríhöfninni og því kjörið að skoða t.d. falleg sólgleraugu eða næla sér í lesgleraugu á leið í flug.

eyesland1.jpg

eyesland2.jpg

eyesland3.jpg

eyesland4.jpg

eyesland5.jpg

Ný og glæsileg gleraugnaverslun opnuð

elda1.png

Það er gleðiefni að tilkynna að veitingastaðurinn Elda hefur verið opnaður á Keflavíkurflugvelli en með honum fjölgar enn valmöguleikum stækkandi hóps farþega sem fer um flugvöllinn.

Á Elda er áhersla lögð á gæði og gott hráefni. Maturinn er ferskur og fjölbreyttir kostir verða í boði fyrir alla; trufflu hamborgari, kjötsúpa, bleikjusalat og fiskur og franskar, svo dæmi séu tekin. Á morgnana verða í boði léttari kostir; Egg Benedikt, pönnukökur með sírópi og Avocado Toast. Svo er Ísey skyrbar inni á staðnum sem verður alltaf opinn með ferskar skálar. Og fyrir þau sem eru á hraðferð verður alltaf gott úrval tilbúinna rétta til að grípa með sér.Hönnunin á Elda er einstaklega falleg, með vísun í íslenska arfleifð og náttúru – og þægindi farþega í fyrirrúmi.

elda2.png

„Við erum virkilega stolt af matnum á Elda sem er gerður úr gæðahráefni. Þetta eru mikið til klassískir réttir en með íslensku hráefni. Svo leggjum við auðvitað mikið upp úr því að koma til móts við fjölbreytta hópa, við verðum t.d. með frábæra hraðþjónustu fyrir þau sem liggur á. Þá verðum við með flotta grænmetis- og veganrétti og virkilega metnaðarfullan barnamatseðil. Við hlökkum mjög til að kynna Elda fyrir flugvallargestum“, segir Jón Haukur Baldvinsson, rekstrarstjóri SSP á Íslandi.Elda er í eigu SSP, alþjóðlegs fyrirtækis sem sérhæfir sig í rekstri veitingastaða á flugvöllum og rekur yfir 2.500 staði víða um heim.„Við erum mjög ánægð að hafa fengið SSP til liðs við okkur á Keflavíkurflugvelli. Elda er frábær viðbót við veitingaflóruna hjá okkur. Stór hluti farþega hefur verið að kalla eftir meiri gæðum og Elda svarar því kalli vel. Matseðillinn er mjög girnilegur og því vert að mæta snemma í flug og gefa sér góðan tíma.“ segir Gunnhildur Erla Vilbergsdóttir, deildarstjóri verslunar og veitinga hjá Isavia.Staðurinn hefur þegar verið opnaður og er staðsettur beint á móti útganginum úr Fríhöfninni.Isavia óskar Elda og SSP til hamingju með opnunina og hlakkar til samstarfsins á Keflavíkurflugvelli.

Veitingastaðurinn Elda opnaður á Keflavíkurflugvelli

sustainable1.jpg

Fjölmenni var á fundinum Sjálfbær Suðurnes sem haldinn var af Suðurnesjavettvanginum á dögunum.

Á fundinum var rætt um sjálfbærni í framkvæmdum og rekstri sveitarfélaga, orkuskipti í flugi, eldsneyti framtíðarinnar og þá nýjung sem felst í sameiginlegu kolefnisbókhaldi. Suðurnesjavettvangurinn er samstarf sveitarfélaganna fjögurra á Suðurnesjum – þ.e. Grindavíkur, Reykjanesbæjar, Suðurnesjabæjar og Voga, Isavia, Kadeco og Sambands sveitarfélaga á Suðurnesjum.

sustainable2.jpg

Meðal gesta á fundinum voru Guðlaugur Þór Þórðarson, umhverfis- orku og loftslagsráðherra, sem flutti erindi um leiðina að árangri í loftslagsmálum. Þar fór hann m.a. yfir þau markmið að Ísland verði kolefnishlutlaust árið 2040 og óháð jarðefnaeldsneyti fyrst ríkja. Hann fór yfir áskoranirnar á veginum og hvernig væri verið að færa okkur nær þessum markmiðum með kortlagningu möguleikanna og aukinni samvinnu.

sustainable3.jpg

Hrönn Ingólfsdóttir, forstöðumaður stefnumótunar og sjálfbærni hjá Isavia, og Stefán Kári Sveinbjörnsson, verkefnastjóri hjá Isavia, fóru einnig yfir sjálfbærnivegferð félagsins. Þar var rætt um leiðina að kolefnisleysi í rekstri Isavia sem á að ná árið 2030. Farið var yfir kortlagningu á kolefnisspori Keflavíkurflugvallar sem hefur verið unnin, tæknilegar áskoranir fyrir mismunandi ný flugvélaeldsneyti vegna orkuskipta í flugi á Keflavíkurflugvelli og orkuþörf millilandaflugs sem áætlað er að verði orðin sem samsvarar að lágmarki 14,7-16,5 Svartsengis virkjunum árið 2050.

Sjálfbær Suðurnes á fundi Suðurnesjavettvangsins

options1.png

Nú styttist í að fyrstu nýju veitingastaðirnir verði opnaðir á Keflavíkurflugvelli.

Fréttaflutningur um nýja staði á sér iðulega stað eftir að niðurstöður úr útboðum Isavia eru kynntar en þá er eftir vinna við að gera staðina klára. Nú í maí er hins vegar komið að því að fyrstu staðirnir verði opnaðir og því er tilvalið að fara yfir það sem er fram undan.Veitingastaðurinn Elda opnar um miðjan maímánuð. Staðurinn verður í bistró stíl og þar verður boðið upp á heita og kalda rétti en einnig hraða þjónustu. Í júní opnar veitingastaðurinn Jómfrúin sem landsmönnum er þegar að góðu kunn og býður upp á ekta danskt smurbrauð. Um mitt sumar opnar svo fyrri Bakað staðurinn af tveimur. Þar verður boðið upp á ferskt brauðmeti, pizzur, salöt og úrval af heilsusamlegum djús-drykkjum. Seinni Bakað staðurinn verður opnaður í haust. Í aðdraganada jóla verður Loksins bar, sem ófáir þekkja, svo færður um set og opnaður að nýju sem Loksins café & bar.

options2.png

Auk þessara staða hefur pizzastaðurinn Sbarro nú þegar bæst við veitingaflóruna á Keflavíkurflugvelli með svokallaðann pop-up stað. Margir þekkja staðinn en þar er boðið upp á tilbúnar pizzur, salöt og lasagna svo nokkuð sé nefnt. Þá eru fyrir í flugstöðinni fjölmargir góðir veitingastaðir. Mathús, Nord, Segafredo, Maikai og Loksins bar er alla að finna fljótlega eftir að komið er út úr fríhafnarversluninni eftir öryggisleit og svo eru það staðirnir Hjá Höllu og Kvikk Café sem eru staðsett á svæði D-hliða, eftir að gengið er út landganginn.Þá styttist óðum í opnun nýrrar gleraugnaverslunar, Eyesland. Áætluð opnun er um miðjan maí en fram að því má næla sér í gleraugu í pop-up verslun Eyesland. Þá er fjölmargar aðrar freistingar að finna í þeim verslunum sem þegar eru í flugstöðinni. Fyrstar á vegi brottfararfarþegar eru Fríhöfnin, Elko, Rammagerðin, 66°Norður, Blue Lagoon og Penninn Eymundsson. Innar í flugstöðinni er skartgripaverslunin Jens auk þess sem nokkrar af framangreindum verslunum eru með útibú; Penninn Eymundsson, Rammagerðin, 66°Norður, Fríhöfnin og Mathús.Eins og sjá má er úrval verslana og veitingastaða á flugvellinum og því tilvalið að gefa sér góðan tíma í flugstöðinni á áður en farið er flug.

Fleiri kostir fyrir ferðalanga

fundur1.png

Árangursrík vinnustofa um starfsþróun og sjálfbærni á Keflavíkurflugvelli var haldin í gær, 18. apríl.

Vinnustofunni var ætlað að halda áfram samtali um hvernig Isavia og Keflavíkurflugvöllur sem vinnustaður geti komið á móts við þarfir fólks í nærsamfélaginu. Hvernig hægt er að hafa áhrif á að fleiri velji sér menntun eða starfsframa í störfum sem þar eru í boði, eða finni leið af t.d atvinnuleysisbótum inn á vinnustaðinn.Fulltrúar mættu frá Ístak, Kadeco, Miðstöð Símenntunar á Suðurnesjum (MSS), Keili, Fjölbrautaskóla Suðurnesja (FSS), Samtökum iðnaðarins, Reykjanesbæ, Suðurnesjabæ,Vinnumálastofnun, Virk og Rafiðnaðarsambandinu.Síðasta vinnustofa var haldin 27. september í fyrra þar sem mikla jákvæðni mátti finna í hópnum,Fjögur erindi voru haldin:Theodóra Þorsteinsdóttir, Verkefnastjóri í Þróunardeild Isavia kynnti Þróunaráætlun Keflavíkurflugvallar. Til að tryggja að fyrirhugaðar framkvæmdir við þróun Keflavíkurflugvallar séu í samræmi við stefnu Isavia þegar kemur að sjálfbærni þá var ákveðið að setja skýran ramma með sjálfbærniviðmiðum fyrir allar þær framkvæmdir sem framundan eru.Í máli hennar kom fram að Isavia vill opna umræðuna á að bæta við kröfum um samfélagsábyrgð í útboðsferli, en í dag eru gerðar kröfur tengdar umhverfismálum.

fundur2.png

Pálmi Freyr Randverson, framkvæmdastjóri Kadeco, kynnti nýja þróunaráætlun fyrir nærsvæði Keflavíkurflugvallar, sem miðar að því að nýta styrkleika flugvallarins og þau miklu tækifæri sem er að finna á Reykjanesinu sem drifkraft efnahagslegrar fjárfestingar, atvinnusköpunar og almennra lífsgæða á svæðinu og fyrir samfélagið í heild.Þróunaráætlunin nær til ársins 2050 en fyrstu skrefin eru núþegar hafin, t.d. þróun grænna iðngarða við Helguvíkurhöfn, bættar almenningssamgöngur á milli flugvallar og höfuðborgar og uppbygging íbúða.Bjarki Þór Iversen, mannauðstjóri Ístak, fjallaði um stöðuna hjá Ístaki almennt og á svæðinu nálægt Keflavíkurflugvelli, aðgerðir til að stuðla að nýliðun og aðgerðir í nærumhverfi suðurnesja.Bjarki ræddi að það sé að verða alvarlegur skortur á starfsfólki í nokkrum greinum. Ístak vill geta ráðið fólk úr nærumhverfinu, en hröð aukning þýðir oft að grípa þurfi til erlends starfskrafts. Þar kemur þó áskorunin að skortur á húsnæði gerir starfsfólki sem kemur hingað utan frá eigi erfitt að finna sér húsaskjól.Helsta áskorun Ístaks þegar það kemur að því að hafa áhrif á nærumhverfið, er að minni samningar og stuttur verktími gerir þeim erfitt að hafa raunveruleg áhrif. Stærri og lengri verkefni bjóða hinsvegar upp á aðrar aðstæður til að styðja við vinnumarkaðinn í nærumhverfinu.

fundur3.png

Tia Patel frá Mace kynnti framtíðarstörf sem vænta má að fylgi uppbyggingu Keflavíkurflugvallar á næstu árum, en meðal þeirra eru störf fyrir rafvirkja, smiði, pípara, verkafólk, múrara, verk- og tæknifræðinga svo dæmi séu tekin.Umræður mynduðust um hvað þurfi til þess að nærsamfélagið gæti mætt þessari starfsþróun. Tungumálakennsla var ofarlega í huga fundargesta, en margir telja þörf á sérstökum námskeiðum þar sem orðaforði tengdur hverju og einu starfi er kenndur svo aðilar hafi nauðsynlegan orðaforða til að sinna starfi sínu.Tia ræddi einnig nýlega auglýst „graduate program“ þar sem nýútskrifuðum háskólanemum er boðið tækifæri að starfa í verkefnastjórnun hjá Mace og fá starfsþjálfun og stuðning fyrstu 2 árin í starfsferli sínum. Um er að ræða fulla ráðningu og greitt starf, að erlendri fyrirmynd.Fundargestir tóku vel í slíka starfsþjálfun en velt var upp hvort slík þjálfun væri einnig gagnleg fyrir stöður sem ekki krefjast háskólaprófs t.d. iðnmennt eða vélastjórnun, og tækifæri fyrir yngra fólk sem hefur ekki áhuga á hefðbundnu námi en mundi hafa áhuga á starfsmenntun sem þessari.Eftir kynningarnar voru um 40 mínútur nýttar í opnar umræður, en ákveðið var að setja á fót vinnuhóp sem getur komið oftar saman og komið með tillögur að því hvernig mæta megi áskorunum framtíðarinnar.

Fundur um Keflavíkurflugvöll og nærsamfélagið

töskusalurconcept.jpg

Maren Lind Másdóttir, forstöðumaður mannvirkja og innviða hjá Isavia, var í viðtali við Túrista á dögunum og ræddi þar meðal annars um nýtt farangurskerfi í nýrri austurálmu sem tekið verður í notkun í sumar.

„Við verðum með fjögur ný færibönd í fyrsta áfanga. Þau fyrstu tvö verða tekin í notkun í júlí í sumar. Þarna í gegn fer allur farangur sem er að koma með flugi til landsins, Töskurnar koma af hlaðinu, fara á færibönd á fyrstu hæð, þaðan í kjallarann og síðan inn í nýjan komu- og móttökusal. Allur búnaður sem snertir töskuna verður nýr.”Hún segir að undirbúa verði marga þætti starfseminnar mjög vel áður en svona kerfi er tekið í notkun. „Það gerir lífið á flugvelli svo skemmtilegt - sérstaklega líf á flugvelli sem er að ganga í gegnum framkvæmdafasa. Allir þurfa að vera tilbúnir að nota þann nýja búnað og þá aðstöðu sem við erum að koma upp. Við getum ekki bara sagt: Gjörið svo vel, hér er nýr búnaður og aðstaða! Það verður að vera búið að reikna út hvaða tíma það tekur afgreiðsluaðila að koma koma töskunum inn. Þurfa þeir að breyta verklagi sínu? Þurfa viðhaldsteymin að bæta við sig þekkingu eða breyta þeirra verklagi? Það eru ýmsar pælingar sem fara verður í gegnum áður en svona kerfi er tekið í notkun.”Hún segir að nýja tæknin muni e.t.v. ekki þýða að farþegar muni fá farangurinn fyrr en nú er, en aðgengið að farangri verður betra og sem og upplifun farþega. „Ólíklegra er að færibandið fyllist og ekkert pláss verði fyrir töskuna þína. Þá erum við að skoða hversu miklar upplýsingar við getum veitt farþeganum um hvar taska hans er í kerfinu.”

„Það gerir lífið á flugvelli svo skemmtilegt”

masterplan.png

Guðmundur Daði Rúnarsson, framkvæmdastjóri viðskipta og þróunar hjá Isavia, var í ítarlegu viðtali við Túrista í vikunni og ræddi þar um framkvæmdir og uppbyggingu á Keflavíkurflugvelli og í nærumhverfi hans.

„Framkvæmdunum sem nú er unnið að er ætlað að búa okkur undir afkastaaukningu á flugvellinum. Við byrjum á að stækka flugstöðina til austurs. Því verki lýkur undir lok næsta árs. Síðan verður byggður nýr tengigangur í suðurátt. Þessu fylgir því miður töluverð röskun en hún er nauðsynleg til að búa flugvöllinn fyrir framtíðina og þær stækkanir sem þá verða.“Nýlega var kynnt þróunaráætlun fyrir Suðurnes og segist Guðmundur Daði vera mjög ánægður með þann ramma sem þar er settur fyrir þróun svæðisins. „Það er gríðarlega spennandi að byggja um Keflavíkurflugvöll og nærumhverfi hans. Það eru mikil samlegðartækifæri fólgin í þeirri vinnu sem Þróunarfélag Keflavíkurflugvallar, Kadeco, hefur verið að vinna í kringum flugvöllinn og niður í Helguvík – að þróa og byggja upp heildrænt þetta svæði allt. Þegar horft er til orkuskipta í fluginu er líklegt að þörf sé á innviðum dálítið fyrir utan flugvöllinn. Svo eru uppi hugmyndir um grængarða hér á svæðinu. Þá væntum við mikils af áformum um að aukið landeldi á fiski skili sér í meiri tekjum fyrir Keflavíkurflugvöll.“

Nauðsynlegur undirbúningur fyrir framtíðina

sustainable.png

Egill Björn Thorstensen, verkefnastjóri í stefnumótun og sjálfbærni hjá Isavia, ræddi sjálfbærnistefnu og sjálfbærniramma vegna fyrirhugaðra framkvæmda á Keflavíkurflugvelli í viðtali við Fréttablaðið.

„Við erum með ítarleg markmið í sjálfbærnistefnu okkar og horfum þar meðal annars til loftslagsmála og auðlindanýtingar. Við erum með aðgerðaáætlun sem nær yfir árin 2022 til 2026 og auk þess erum við með skilgreind markmið og aðgerðir til ársins 2030,“ segir hann.Í viðtalinu segir Egill Björn frá BREEAM vottun framkvæmda á Keflavíkurflugvelli. „Það er kerfi sem þekkt er á heimsvísu og gerir ýmsar kröfur varðandi efnisval, mengun, úrgangsmál, auðlindanýtingu og fleira. Við ætlum okkur að ná BREEAM Excellent-vottun sem er háleitt markmið fyrir þessa tegund bygginga. Við erum með reynda ráðgjafa til að aðstoða okkur við að ná þessu markmiði enda þarf til þess að uppfylla strangar kröfur,“ segir Egill Björn.

EGILL.jpg

„Næsta stóra verkefnið okkar er tengibygging milli norður- og suðurbyggingarinnar í Keflavík, þar sem landgangurinn er núna. Hann verður rifinn og önnur bygging byggð þar á milli sem verður rúmlega 20 þúsund fermetrar.Þar verðum við með mun víðtækari og ítarlegri kröfur tengdar sjálfbærni. Í þessu verkefni munum við nálgast aðfangakeðjuna með nýjum hætti sem kallast Smart Procurement. Efnið kemur þá frá framleiðendum sem eru vel upplýstir um kröfurnar sem tengjast bæði BREEAM og sjálfbærnirammanum okkar, þannig getum við gert aðfangakeðjuna hagkvæmari og framkvæmdirnar sjálfbærari,“ segir Egill Björn og bendir á að á vefsíðunni kefplus.is sé hægt að lesa nánar um uppbygginguna á flugvallarsvæðinu.„Sjálfbærni er hluti af daglegum rekstri okkar og höfð að leiðarljósi í öllu því sem félagið gerir. Það er þó alltaf hægt að gera betur og við höfum sett okkur það markmið að bæta okkur stöðugt í þeim efnum. Við nýtum hvert tækifæri til að gera íslenskan framkvæmdamarkað sjálfbærari, okkur öllum til farsældar. Því saman náum við árangri.“

Sjálfbærni höfð að leiðarljósi í öllu sem við gerum

mike-desktop.jpg

Á dögunum fór fram Desktop trial eða „prófun á korti“ fyrir nýju akbrautina Mike sem opnuð verður í sumar.

Prófunin er mikilvægur þáttur í undirbúningi endanotenda til að taka akbrautina í rekstur. Þar sem framkvæmdinni er ekki lokið og heildstæð prófun með flugvélum er erfið í framkvæmd þá er svona prófun á korti gott tól til að bera kennsl á óþekkt atriði og fara í gegnum ferlin með endanotendum. Prófunin er gerð í öruggu umhverfi og gefur snemmbúna sýn á hverju þarf að skerpa á eða bæta í undirbúningi fyrir opnun og skerpir á hlutverkum og ábyrgð.Það eru margir hagaðilar að verkefni sem þessu og tóku starfsmenn frá flugturninum, flugvallaþjónustunni, flugfélögum, öryggis og vinnuvernd, mannvirki og innviðum og eftirliti flugverndar meðal annars þátt í prófuninni.

Uppbygging eykur gæði þjónustunnarUppbygging eykur gæði þjónustunnar

Ekkert fannst

Uppbygging eykur gæði þjónustunnarUpp­bygg­ing eyk­ur gæði þjón­ust­unnar

Ekkert fannst

Uppbygging eykur gæði þjónustunnarUppbygging eykur gæði þjónustunnar