Nýjar akbrautir, aukið rými, fleiri brottfararhlið, nýr töskusalur og allt hitt sem gerir Keflavíkurflugvöll enn betri.

Verkefnin

Nytt hotel KEF.webp

Hótel á Keflavíkurflugvelli

Áformin um nýtt hótel eru hluti af uppbyggingaráætlun svæðisins. Fyrir liggur áreiðanleikakönnun sem greindi fýsilegustu stærð hótels, þjónustustig og fleiri atriði sem höfð verða að leiðarljósi við frekari þróun og uppbyggingu þess.Keflavíkurflugvöllur hefur vaxið ört undanfarin ár, flugfarþegum hefur fjölgað, bæði vegna vinsælda Íslands sem áfangastaðar og vegna aukinna vinsældar Keflavíkurflugvallar sem tengistöðvar milli Evrópu og Norður-Ameríku.Mikil eftirspurn er eftir 3-4 stjörnu hóteli á flugvallarsvæðinu samkvæmt þeirri áreiðanleikakönnun sem unnin var. Þessi eftirspurn er gott tækifæri fyrir flugvallarhótel sem kemur bæði til móts við tengifarþega og aukinn fjölda ferðamanna til Íslands en framboð á hótelgistingu á flugvallarsvæðinu hefur ekki fylgt aukinni eftirspurn. Auk vaxtar undanfarinna ára eru einnig uppi áform um að hefja beint flug frá Keflavíkurflugvelli til Asíu á næstu árum.

Mætum eftirspurn

Nytt hotel KEF tolur.webp

<ul><li>Markmiðið er að reisa 3-4 stjörnu hótel á aðkomusvæði flugvallarins sem tryggir farþegum góða þjónustu. Sá möguleiki að hafa tvö aðskilin hótel, annars vegar þriggja stjörnu og hins vegar fjögurra stjörnu, verður einnig skoðaður.</li><li>Áætluð lóð fyrir nýtt hótel er 13.000 fermetrar að stærð með möguleika á 20.000 fermetra byggingu á fjórum hæðum auk möguleika á kjallara.</li><li>Eftirspurn er einnig eftir hótelaðstöðu og -þjónustu eins og fundarherbergjum, veitingaþjónustu og líkamsræktarstöð.</li></ul>Lóðin, sem í dag er nýtt undir bílastæði, er staðsett um 200 metra frá núverandi flugstöðvarbyggingu.Framtíðaráform gera ráð fyrir frekari stækkun flugstöðvarbyggingarinnar og þá í átt að hótelinu sem myndi stytta fjarlægðina enn frekar og jafnvel þannig að innangengt gæti verið milli bygginganna.

Hótelið

Isavia leitar að reyndum samstarfsaðilum til að taka þátt í útboðinu sem er áætlað árið 2026. Staðsetning flugvallarins, bæði milli Evrópu og Norður-Ameríku, sem og út frá Reykjavík þykir samkvæmt greiningum mjög aðlaðandi tækifæri. Hröð aukning farþega undanfarinna ára hefur aukið umtalsvert eftirspurn eftir hótelum á flugvallarsvæðinu.

Spennandi tækifæri

Nytt hotel KEF airport.webp

Hótelið verður partur af áframhaldandi uppbyggingu og endurbótum sem stendur yfir á aðkomusvæði Keflavíkurflugvallar og mun stórbæta flugvallarsvæðið á næstu árum. Þar er sérstaklega lögð áhersla á að bæta upplifun farþega og þjónustu.Þróun Keflavíkurflugvallar fylgir sérstakri þróunaráætlun sem unnin hefur verið og gildir til ársins 2045. Samhliða Þróunaráætlun flugvallarins liggur fyrir sérstök þróunaráætlun fyrir aðkomusvæðið sem var samþykkt af stjórn Isavia haustið 2022. Sú áætlun leggur áherslu á að bæta upplifun farþega á sama tíma og leitað er tækifæra til að hámarka tekjumöguleika Isavia. Áætlunin inniheldur ýmsa þætti, meðal annars þróun flugvallarhótels, auk þess sem hún lýtur til möguleika til verslunar, samgangna og annarrar þjónustu.

Áframhaldandi þróun á aðkomusvæðinu

Nytt hotel KEF airport connections.webp

Frekari upplýsingar

Thorunn KEF contact.webp

Forstöðumaður - Viðskiptatekjur og sala

Þórunn Marinósdóttir

Johann Torfi KEF connection.webp

Deildarstjóri - Samgöngu- og fasteignatekjur

Jóhann Torfi Ólafsson

Nýtt flugvallarhótel

Tímabundinn tengigangur - Mynd1.png

Meðan á stækkun suðurbyggingar stendur mun tímabundni gangurinn tengja saman norður- og suðurbyggingar.

Tímabundin hjáleið meðan tengibyggingin rís

Tímabundinn tengigangur verður settur upp á Keflavíkurflugvelli til að tengja saman norður- og suðurbyggingu á meðan framkvæmdir við stækkun á suðurbyggingu standa yfir, en framkvæmdirnar munu hafa áhrif á núverandi tengingu bygginganna. Framkvæmdir á flugvelli í fullum rekstri kalla á mikla skipulagningu, bæði svo að framkvæmdirnar geti gengið vel, en ekki síður til að lágmarka áhrif á flugvallarstarfsemina og farþega. Tímabundni tengigangurinn er hluti af lausn við þeim áskorunum. Áætlað er að framkvæmdir við að reisa hann hefjist haustið 2026, fyrsti hluti hans verði tekinn í notkun sumarið 2027 en hann verði kominn í fulla notkun í árslok 2027.

Mikil uppbygging hefur átt sér stað á Keflavíkurflugvelli undanfarin ár. Framundan er önnur af tveimur stærstu stækkunum flugvallarins, nýbyggingu (SLN21) sem tengir norður- og suðurbyggingu vallarins. Hin stóra stækkunin var austurálma sem var formlega opnuð 21. mars 2025. Nýja tengibyggingin verður fullkláruð um 30 þúsund fm2, og má segja að hún verði nokkurs konar hjarta flugvallarins þar sem hún mun tengja saman flesta anga hans og allir farþegar munu fara í gegnum hana, auk þess sem hún verður forsenda frekari stækkana Keflavíkurflugvallar. Hún verður þó reist í nokkrum áföngum en strax með fyrsta fasa hennar munu aðstæður og þjónusta fyrir farþega stórbatna, ekki síst tengifarþega.

Stækkun KEF

Screenshot 2026-07-10 180118.png

Áskoranir fylgja því að standa í framkvæmdum á flugvelli sem er í fullum rekstri þar sem bæði dagleg flugvallarstarfsemi og framkvæmdir verða að geta gengið eðlilega fyrir sig. Tengigangurinn er tímabundin lausn við þessu og gerir farþegum kleift að fara á milli byggingarhluta (terminals) þrátt fyrir umfangsmiklar framkvæmdir. Á framkvæmdatíma verður tengigangurinn eina samfellda farþegaleiðin á milli norður- og suðurbyggingar flugvallarins. Gangurinn mun styðja við svokallað tvíátta (two-way) farþegaflæði, mikla umferð á álagstímum og áframhaldandi aðgengi að hliðum. Þannig getur rekstur flugvallarins haldið áfram án truflana.Vegna framkvæmdanna hefur flugvélastæðum 1, 3 og 5 verið lokað en stæði 5 er aðeins lokað tímabundið. Það er stæðið sem þjónar sem hlið A15 og D15.

Framkvæmdir á flugvelli í fullum afköstum 

<ul><li>Heildarlengd tengigangsins er áætluð um það bil 150 metrar, sem gerir hann að einu stærsta tímabundna farþegamannvirki sem reist hefur verið á Keflavíkurflugvelli.</li><li>Tengigangurinn verður eina farþegaleiðin sem tengir norður- og suðurbyggingu flugstöðvarinnar á meðan framkvæmdir standa yfir.</li><li>Hluti tengigangsins tryggir áframhaldandi notkun flugvélastæðis númer 5 á framkvæmdatímanum, en það er stæðið sem þjónar hliðum A15 og D15.</li><li>Gangurinn er byggður úr forsmíðuðum einingum sem settar eru saman á staðnum.</li><li>Mannvirkið er reist í tveimur áföngum svo notkun geti hafist eins snemma og mögulegt er.</li><li>Að notkun lokinni verða einingarnar endurnýttar í öðrum verkefnum á flugvellinum.</li></ul>

Fróðleiksmolar um tengiganginn

Tímabundinn tengigangur

staekkun sudur KEF.webp

Með stækkun Suðurbyggingar skapast aukið rými fyrir farþega sem gerir biðina eftir ferðlaginu ánægjulegri.

Aukið rými fyrir farþega

Suðurbyggingin stendur sunnan við gömlu flugstöðina. Byggingin var opnuð árið 2001 og stækkuð rúmum áratug síðar til að sinna auknum farþegafjölda og bæta upplifun farþega. Framkvæmdir við stækkun suðurbyggingar hófust í janúar 2024 og eru áætluð verklok á þessari 1.900 fermetra stækkun um mitt ár 2025. Breytingunum fylgir stórbætt aðstaða fyrir farþega, til að mynda með stærra biðrými, nýjum brottfararhliðum auk þess sem veitinga- og verslunarrými stækkar.

<ul><li>Bætt aðstaða fyrir farþega 
Stækkun suðurbyggingar felur í sér betri aðstöðu fyrir farþega við brottfararhlið í austurenda Suðurbyggingar.</li><li>Spennandi verslanir og veitingastaðir 
Stækkun suðurbyggingar fylgir aukin fjölbreytni í verslun og veitingum fyrir farþega.</li><li>Stærra biðrými 
Biðrými fyrir farþega á leið í flug stækkar.</li><li>Áætluð verklok 
Ný suðurbygging var formlega vígð á Keflavíkurflugvelli 2018. Framkvæmdir við stækkun byggingarinnar hófust í janúar 2024 og eru verklok áætluð 2025.</li></ul>

Í hverju felast breytingarnar?

Um miðjan 10. áratuginn var afkastageta flugstöðvarinnar komin að þolmörkun og aukin þörf á stækkun var orðin ljós. Þessi aukna þörf fyrir stækkun lá að vissu leyti í fullri aðild Íslands að Schengen samstarfinu sem gerði kröfu um fullan aðskilnað farþega innan og utan svæðisins. Ný suðurbygging, suður af gömlu flugstöðinni, sem í daglegu tali nefnist nú Norðurbygging, var því tekin í notkun árið 2001.Rúmum áratug síðar var hins vegar orðið ljóst að þörf væri á að stækka suðurbygginguna og hefur sú stækkun sýnt sig og sannað sem mikilvægur liður í uppbyggingu á Keflavíkurflugvelli eftir mikla fjölgun farþega um völlinn frá árinu 2010, þá sérstaklega í flugi til og frá Norður-Ameríku og Bretlandseyjum.Nú er kominn tími til að stækka suðurbygginguna enn frekar með 1900 fermetra viðbyggingu á tveimur hæðum og með stórbættri þjónustu fyrir farþega.

Aukin þjónusta með stækkun viðbyggingar

<ul><li>Flatarmál 1.900 fermetrar 
Stækkun suðurbyggingar er alls 1.900 fermetrar sem jafn stór og safnahúsið í Hamraborg í Kópavogi.</li><li>Lengd 30 metrar 
Viðbyggingin verður 30 metrar að lengd og er því jafn löng og dómkirkjan í Skálholti.</li><li>Breidd 26 metrar 
Stækkun suðurbyggingar er 26 metra beið en til samanburður er körfuboltavöllur 28 metrar á lengd.</li><li>Hæð 14 metrar 
Heildarhæð er 14 metrar sem svipað og fjögurra hæða íbúðarhús.</li></ul>

Suðurbyggingin í tölum

Stækkun suðurbyggingar

Car rental area kef improved.webp

Frekari framkvæmdir eru fram undan í komusal flugvallarins í kjölfars útboðs á rekstri bílaleigna í KEF.

Bætt aðstaða og aðgengi

Framkvæmdirnar eru hafnar og munu standa yfir fram á vor 2026. Breytingarnar snúa að aðstöðu fyrir bílaleigur sem staðsett er í norðausturhorni komusalsins, en tímabundin aðstaða fyrir afgreiðslu bílaleiga hefur verið reist með gámaeiningum.Í kjölfar útboðs sem lauk í desember 2025 verður gerð veruleg breyting á aðstöðu fyrir bílaleigur á KEF. Fjöldi rekstraraðila mun aukast úr þremur í fjóra, eftir að þrír rekstraraðilar hafa haft aðstöðu í flugstöðinni síðustu tuttugu ár. Hönnun á svæðinu fylgir stefnu nýrra úrbóta á svokölluðum tollagangi, með það að markmiði að bæta þjónustu og upplifun fyrir bæði gesti og starfsfólk.

Car rental area kef improved 2.webp

Breytingar gætu haft í för með sér tímabundið rask fyrir gesti flugvallarins og starfsfólk bílaleigna sem halda úti rekstri í komusalnum. Um er að ræða svæði flugvallarins sem hefur að mestu staðið óbreytt síðustu áratugi og því tímabær uppfærsla á innviðum vallarins.Hægt er að lesa meira um breytingar á tollagangi <a href="/kefplus/projects/better-arrival-area" target="_self">hér.</a>

Ný og betri aðstaða fyrir bílaleigur

Betra komusvæði kef  better arrivals.webp

Betra komusvæði KEF improved arrivals area.webp

Umtalsverðar framkvæmdir eru framundan á komusvæði flugvallarins, sem munu standa fram á vormánuði 2026.

Betra komusvæði

Um er að ræða eitt elsta svæði flugvallarins sem hefur að mestu staðið óbreytt síðustu áratugi. Breytingarnar hafa í för með sér tímabundið rask fyrir gesti flugvallarins og starfsfólk en þær snúa að svokölluðum tollagangi, sem er gangurinn sem flugvallargestir ganga eftir við komu til landsins á leið sinni úr töskusal, og svæðinu þar fyrir framan.

Betra komusvæði kef tollagangur.webp

Breytingarnar eru gerðar með upplifun farþega í huga og munu hafa í för með sér bætt flæði og aukin þægindi fyrir farþega en svara einnig þörfum vaxandi flugvallarstarfsemi.Anddyrið komumegin verður stækkað og um leið færist aðstaða fyrir bílaleigur og rútufyrirtæki sem eftir breytingarnar verða saman á endurhönnuðu svæði.

Stærra anddyri og sérstakt þjónustusvæði

bike pit kef airport.webp

Áhugi og notkun á vistvænum samgöngumáta hefur aukist mjög auk þess sem fjöldi hjólreiðarfólks sækir Ísland heim árlega.

Vistvænar samgöngur

Við uppbyggingu á aðkomusvæðinu við Keflavíkurflugvöll er horft til þessa og stendur til að bæta aðstöðu fyrir vistvænan samgöngumáta, þ.m.t. hjólreiðar.Nú þegar er til staðar göngu- og hjólastígur sem tengir flugvöllinn við Reykjanesbæ en nokkur fjöldi starfsfólks mætir daglega til vinnu á hjóli. En eftir framkvæmdir verður einnig bætt aðstaða fyrir ferðafólk til að taka í sundur og setja saman hjól, geymsluskápar fyrir hjólatöskur og hjólastæði fyrir starfsfólk. Eins verður boðið upp á hleðslustöðvar fyrir rafmagnshjól starfsfólks.

bike pit kef airport new.webp

Þessi aðstaða verður staðsett við komusvæði á skammtímastæðum á P2. Aðstaðan verður vel tengd við núverandi göngu- og hjólastíg og á að gagnast bæði starfsfólki og ferðafólki.

bike pit samgongur fyrir.webp

bike pit samgongur eftir.webp

Hjólreiðaaðstaða

Rutur og leigubilar KEF.webp

Auknum fjölda flugfarþega fylgir meiri umferð um aðkomusvæði Keflavíkurflugvallar.

Betra aðgengi fyrir rútur og leigubíla

Stærra og aðgengilegra svæði fyrir rútur sem og leigubíla eru því hluti af uppbyggingu aðkomusvæðis flugvallarins enda ferðast stór hluti ferðamanna með þessum fararkostum.

Rútur á Keflavíkurflugvelli skiptast í tvo flokka; rútur í föstum áætlanaferðum milli flugvallar og höfuðborgarsvæðis og svo aðrar rútur. Þessir tveir flokkar sækja farþega á tvo mismunandi staði. Fyrri flokkurinn leggur á svokölluðum innri stæðum, nálægt flugstöð, en þær rútur þjóna gestum flugvallarins með áætlunarferðum á öllum tímum sólarhringsins. Seinni flokkurinn, sem eru allar aðrar rútur og og áætlunarbílar og mun fjölmennari flokkur, leggja á svokölluðum ytri rútustæðum sem staðsett eru fjær flugstöðinni.Við tilfærslu ytri rútustæða fjölgar stæðum fyrir þær og svæði fyrir farþega stækkar. Fjarlægð frá komusal flugstöðvarbyggingarinnar að ytri rútustæðum verður um 300 metrar en byggt verður yfir gönguleiðirnar frá flugstöðvarbyggingunni og að rútustæðum. Með þessu eykst skilvirkni, afköst við byrðingu og þægindi fyrir farþega enda fæast með breytingunni mun stærra svæði fyrir rúturnar. Áætlað er að framkvæmdum ljúki að fullu árið 2026.Framkvæmdir við ný rútustæði fyrir áætlanaferðir eru langt komnar. Samtals verða stæðin fjögur talsins. Fyrstu stæðin hafa þegar verið tekin í notkun en eru áætluð verklok á fyrri hluta árs 2025.

Rútuaðstaða

Leigubílastæðum við flugvöllinn fjölgar úr 24 í 30 stæði. Þá verða einnig útbúin fleiri biðstæði en það eru bílastæði fyrir leigubíla til að nota þangað til pláss í stæðunum upp við flugstöðvarbygginguna losnar.Með fjölgun stæðanna hliðrast þau lítillega til austur frá því sem nú er. Tilfærslan er tilkomin vegna uppbyggingar á flugstöðinni en bygging Austurálmu hefur tímabundin áhrif á skipulag, aðkomu og bílastæði við flugstöðina, en með henni stækkar jafnframt svæði fyrir leigubíla.Áætluð verklok eru árið 2025.

Leigubílaaðstaða

Rutur og leigubilar KEF fyrir.webp

Rutur og leigubilar KEF eftir.webp

Rútu- og leigubílaaðstaða

Hreingtenging.webp

Vaxandi umsvifum á Keflavíkurflugvelli fylgir aukin umferð. Til að mæta slíku og ekki síður til að bæta öryggi vegfarenda er í þróun breyting á aðkomu akandi vegfarenda við flugvöllinn.

Breyting á aðkomu að Keflavíkurflugvelli

Verður það gert með því að útbúa hringtengingu fyrir framan flugstöðina. Hringtorg verður sett á gatnamótum Reykjanesbrautar og Arnarvalla og eftir að komið verður út úr því verður ein akstursátt fyrir framan flugstöðina.Í framhaldi af þeim vegi sem þegar er til staðar fyrir framan flugstöðina bætist við vegspotti þaðan sem vegurinn endar í dag og alla leið að Reykjanesbrautinni sem skapar hringtengingu. Með þessari breytingu má draga úr umferð næst flugstöðinni og koma í veg fyrir þveranir ökutækja yfir akreinar. Þá mun öll þjónustuumferð, svo sem umferð vegna framkvæmda og flutninga með aðföng, fara fram um aðra aðkomu að flugstöðinni. Þetta stór bætir öryggi og aðkomu við flugvöllinn.

Hreingtenging fyrir.webp

Hreingtenging eftir.webp

Hringtenging

yfirbyggdar gonguleidir kef.webp

Gönguleiðir liggja á aðkomusvæði flugvallarins, frá flugstöðvarbyggingunni og að ýmsum þjónustusvæðum; bílaleigusvæðum, bílastæðum og rútustæðum.

Nýjar gönguleiðir á aðkomusvæði

Þar sem allra veðra er von á landinu er áformað að yfirbyggja allar helstu leiðirnar og veita farþegum þannig skjól fyrir vatni og vindum.Yfirbyggingu gönguleiða hefur verið skipt upp í tvo áfanga og er undirstöðuvinna hafin. Í þeim fyrri verður byggt yfir gönguleiðir að innri rútustæðum og bílastæðum sem staðsett eru við komusvæði, nánar tiltekið skammtímastæðum á P2. Í seinni áfanga framkvæmdanna verður byggt yfir gönguleiðir að langtímastæðum á P3 og ytri rútustæði.

yfirbyggdar gonguleidir kef 2.webp

yfirbyggdar gonguleidir kef 3.webp

<ul><li>Aukið öryggi 
Eykur öryggi gangandi vegfaranda á aðkomusvæðinu</li><li>Skjól 
Skjól frá vatni og vindum</li><li>Tveir áfangar 
Unnið í tveimur áföngum.</li><li>550 
550 metrar af yfirbyggðum gönguleiðum</li></ul>

yfirbyggdar gonguleidir kef fyrir.webp

yfirbyggdar gonguleidir kef eftir.webp

Yfirbyggðar gönguleiðir

Hjarta KEF.webp

Byggingin verður hjarta Keflavíkurflugvallar. Þar fara allir farþegar í gegn á leið sinni áfram – á vit ævintýranna á Íslandi, út í hinn stóra heim með tengiflugi eða aftur heim.

Ný tengibygging á milli Norðurbyggingar og Suðurbyggingar

Tengibyggingin er annar stóru áfanganna í uppbyggingu Keflavíkurflugvallar. Þessi nýja bygging mun, með Austurálmunni sem nú er í byggingu, stækkar flugstöðina um 70%. Ekki nóg með að tengibyggingin muni tengja saman upprunalegu flugstöðina og Suðurbyggingu, heldur mun hún einnig stórbæta þjónustu fyrir tengifarþega á Keflavíkurflugvelli.

<ul><li>Tenging milli ólíkra bygginga 
Nýja tengibyggingin er stundum kölluð hjarta Keflavíkurflugvallar þar sem hún tengir saman norður- og suðurhluta flugstöðvarinnar.</li><li>Kennir ýmissa grasa 
Hjarta flugvallarins mun hýsa nýtt veitingasvæði, komu-landamæri, þrjú biðsvæði og rútuhlið.</li><li>Forsenda stækkunar 
Nýja tengibyggingin er forsenda þess að hægt sé að stækka flugvöllinn til framtíðar.</li><li>Annar stóru áfangana 
Tengibyggingin er annar stóru áfangana í stækkun KEF.</li></ul>

Með nýju og björtu miðjurými skapast betri tenging milli álmna flugstöðvarinnar. Landgangurinn verður breikkaður, aðstaða komufarþega batnar með vegabréfaskoðun, nýrri fríhöfn og auknu þjónusturými. Einnig mun hlið við landgang verða uppfærð með stærra biðsvæði.Vegna tilvonandi hlutverks tengibyggingarinnar á Keflavíkurflugvelli mun hún kallast Hjarta Keflavíkurflugvallar. Hönnunarvinna stendur yfir.

<ul><li>Flatarmál 26.900 fermetrar 
Tengibyggingin verður tæpir 27 þúsund fermetrar sem er svipað og tónlistarhúsið Harpa við Reykjavíkurhöfn.</li><li>Grunnflötur 9.432 fermetrar 
Grunnflötur tengibyggingarinnar verður 9.432 fermetrar, sem er litlu minna en knattspyrnusalur Egilshallar.</li><li>Breidd 127 metrar 
Þar sem tengibygginginn er breiðust, er hún 127 metrar, sem er jafn mikið Harpa er horn í horn.</li><li>Lengd 134 metrar 
Tengibyggingin er 134 á lengd, sem er svipað langt og er frá flugstöð Keflavíkurflugvallar og út langtímabílastæðin.</li></ul>

Tengibyggingin í tölum

Hjarta Keflavíkurflugvallar

Austuralma KEF.webp

Ný austurálma hefur risið við Keflavíkurflugvöll sem stórbætir bæði aðkomu komufarþega og svæði fyrir brottfararfarþega með nýju biðsvæði og fleiri brottfararhliðum. Álman stækkar flugstöðina um 30% og hafa fyrsta og önnur hæð álmunnar opnað.

Flugstöðin stækkar um 30%

Framkvæmdir við austurálmu hófust í sumarbyrjun 2021 þegar fyrsta skóflustunga var tekin af þáverandi fjármálaráðherra. Jarðvinna gekk vel og var á stuttum tíma búið að grafa út fyrir 49.000 rúmmetra holu sem varð á endanum 55.000 rúmmetrar og 7,5 metrar að dýpt.

Álman er tekin í notkun í áföngum en fyrsti stóri áfanginn í augum farþega á Keflavíkurflugvelli var líklega um mitt ár 2023 þegar fyrsta hæð álmunnar opnaði. Fyrsta hæðin hýsir meðal annars nýjan og rúmbetri komusal með farangursmóttöku og nýtt farangursflokkunarkerfi í kjallara.Í nýja töskusalnum eru þrjú stærri og breiðari farangursmóttökubönd, en gert er ráð fyrir að síðar geti tvö bönd bæst við.

Nýr töskusalur og betri farangursmóttaka

Árið 2024 stækkaði komuverslun Fríhafnarinnar auk þess sem nýtt veitingasvæði opnaði á annarri hæð. Veitingasvæðið fékk nafnið Aðalstræti og var það hönnunarteymið HAF Studio sem hannaði svæðið. Áhersla var lögð á að skapa heildrænt rými sem minnir á útisvæði og stemningu miðborgar Reykjavíkur.Á fyrstu mánuðum 2025 voru svo nýir landgangar og rútuhlið tekin í notkun auk þess sem nýtt biðsvæði opnaði á annarri hæð álmunnar.

Veitingasvæði og nýir landgangar

Austurálman felur í sér nærri 30% stækkun flugstöðvarinnar og er lykilþáttur í framtíðarþróun flugvallarins. Nýir landgangar og rútuhlið bæta afgreiðslu flugvéla og upplifun farþega.Á framkvæmdatíma munu 4-5 af núverandi landgöngum lokast. Fyrstu árin munu nýir landgangar og rútuhlið í austurálmu því gera mögulegt að halda uppi þjónustustigi á meðan framkvæmdir við tengibyggingu standa yfir. Næsti áfangi í þróun flugvallarins, bygging tengibyggingar, er þegar hafin.

Lykilþáttur í framtíð KEF

<ul><li>Nýtt farangursflokkunarkerfi 
Nýtt farangursflokkunarkerfi eykur afköst og greiðir fyrir afhendingu farangurs til farþega.</li><li>Stærra og betra veitingasvæði 
Með rýmra og betra veitingasvæði ættu öll að geta fundið eitthvað við sitt hæfi.</li><li>Nýr komusalur og meira rými 
Rýmri og betri aðstaða fyrir farþega felur meðal annars í sér stærri komusal með færiböndum og rúmgott veitingasvæði.</li><li>Fjórir nýir landgangar 
Fjórir nýir landgangar þar sem farþegar geta gengið beint út í flugvél og tvö ný rútustæði sem flytja farþega að yfirbyggðum fjarstæðum.</li></ul>

Myndir

Austuralma kef gallery 1.webp

Austuralma kef gallery 2.webp

Austuralma kef gallery 3.webp

<ul><li>Flatarmál 25.000 m2 
Austurálma verður um 25 þúsund fermetrar en til samanburðar er Laugardalshöll 17 þúsund fermetrar.</li><li>Lengd 124,5 m 
Lengd Austurálmu verður 124,5 og verður hún því álíka löng og Bankastræti í Reykjavík.</li><li>Breidd 66 m 
Austurálma verður 66 m á breidd sem svipað og dæmigerður knattspurnuvöllur.</li><li>Hæð 31 m 
Austurálma verður 31 m á hæð en til samanburðar eru turnar Akureyrarkirkju 26 m.</li></ul>

Austurálman í tölum

Austurálma

Timabundin landamaeri.webp

Byggingin hýsir komulandamæri fyrir farþega sem ferðast til Íslands utan Schengen-svæðisins var tekin í notkun sumarið 2023.

Tímabundin og endurnýtanleg viðbygging

Landamærin greiða fyrir og bæta afgreiðslu farþega sem koma inn svæðið í samræmi við nýjar Evrópureglur.Breytingarnar bæta flæði í flugstöðinni töluvert þar sem reynt er að sporna við löngum röðum við landamæraeftirlit með styttum biðtíma og aukinni skilvirkni.Byggingin verður notuð þar til búið verður að koma upp nýrri og varanlegri aðstöðu fyrir ytri landamæri Schengen í nýrri tengibyggingu sem nú er í hönnun. Í samræmi við áherslu á endurnýtingu við þróun Keflavíkurflugvallar er byggingin hönnuð með þeim hætti að hægt verður að taka hana niður og nýta í annað þegar hlutverki hennar við landamæraeftirlit lýkur.Byggingin er á einni hæð og hefur verið tekin í notkun eins og áður segir. Með breytingunum er markmiðið að landamæraeftirlit verði skilvirkara og betra. Byggingin er staðsett austan megin við Suðurbyggingu.

<ul><li>Miðlægt kerfi 
Ný aðferðarfræði hefur verið tekin í notkun til að halda utan um komur, brottfarir og dvalartíma íbúa utan Schengen-svæðisins.</li><li>Engin þörf fyrir vegabréf 
Með nýju landamæraeftirliti verður engin þörf fyrir því að stimpla vegabréf heldur fylgja mynd og fingrafar skráningu til þess að auka gæði og bæta landamæraeftirlit.</li><li>Áhersla á endurnýtingu 
Flugvöllurinn er í stöðugri þróun og því mun einungis vera þörf á landamærabyggingunni tímabundið. Í framkvæmdum er því lögð áhersla á sjálfbærni og verður efniviðurinn nýttur í önnur verkefni síðar meir.</li><li>Opnaði 2023 
Byggingin er tilbúin og var tekin í notkun þegar ný Evrópureglugerð tók gildi fyrir ytri landamæri Schengen.</li></ul>

Innleiðing Evrópusambandsins frá árinu 2022 felur í sér nýja aðferð til þess að skrá ferðir farþega til og frá landinu. Sömuleiðis nær þessi aðferð til að halda utan um upplýsingar um synjun á komu ríkisborgara frá löndum utan Schengen-svæðisins og ákveða skilyrði fyrir afgreiðslu í gegnum komu- og brottfararkerfið út frá sjónarmiðum löggæslu.Þetta miðlæga kerfi heldur utan um komur, brottfarir og dvalartíma íbúa utan Schengen-svæðisins. Þá þarf ekki lengur að stimpla vegabréf heldur munu mynd og fingrafar fylgja allri skráningu með það að markmiði að auka gæði og bæta landamæraeftirlit.

Miðlægt kerfi flýtir fyrir

<ul><li>Flatarmál 1.700 fermetrar 
Flatamál byggingarinnar sem er á einni hæð myndi rúma 6 tennisvelli í fullri stærð með góðu móti.</li><li>Lengd 46 metrar 
Byggingin er 46 metrar á lengt sem svipað og lengdin á Íþróttahúsi Keflavíkur.</li><li>Breidd 38 metrar 
Breidd byggingarinnar er 38 metrar sem er nokkrum metrum meira en lengdin á Íþróttahúsinu í Sandgerði.</li><li>Hæð 10 metrar 
Hæðin er 10 metrar en til samanburðar er gamli vitinn á Garðskagatá rúmir 12 metrar.</li></ul>

Temporary annex in numbers

Tímabundin landamærabygging

MIKE akbraut.webp

Brautin sem er kölluð Mike, var tekin í notkun sumarið 2023.

Ný akbraut við Keflavíkurflugvöll

Mike er akbraut sem tengir saman flughlað flugstöðvarinnar og flugbraut. Markmið akbrautarinnar er að auka öryggi flugbrautakerfisins með bættu flæði í komum og brottförum. Flugvélar komast nú fyrr af flugbrautum og fyrr inn á þær, sem eykur afkastagetu flugbrautakerfisins og hraðar afgreiðslu flugvéla.Þetta minnkar þörf fyrir nýja flugbraut en mun líka bæta upplifun farþega sem munu komast fyrr frá borði en ella.

MIKE akbraut 1.webp

<ul><li>Styttri vegalengdir 
Með akbrautinni styttist tími á milli lendinga, sem og aksturvegalengd flugvéla.</li><li>Hvað verður Mike stór? 
Akbrautin er 1200 metra löng og 35 metrar á breidd.</li><li>Aukið öryggi 
Mike stuðlar að auknu öryggi flugbrautarkerfisins með bættu flæði á flugvellinum.</li><li>Verklok sumarið 2023 
Framkvæmdum var að miklu leyti lokið árið 2022 en hluti þeirra beið fram á sumar 2023.</li></ul>

Meira um Mike

Myndir af framkvæmdum við Mike

MIKE akbraut 2.webp

<ul><li>Lengd 1.200 m 
Mike er 1.200 metrar á lengd, en til samanburðar er brúin yfir Skeiðará, sú lengsta á Íslandi, 880 metra löng.</li><li>Breidd 35 m 
Mike er 35 metrar á breidd sem er álíka og heildarbreidd vegstæðis Reykjanesbrautar þar sem hún er breiðust.</li><li>Malbik 
Magn malbiks sem notað er í Mike myndi duga til að malbika 35 fótboltavelli.</li><li>2023 
Mike var tekin í notkun sumarið 2023, en 85% framkvæmdanna fóru fram sumarið 2022.</li></ul>