Vinnustaðurinn og laus störf
Ert þú klár í ferðalag til framtíðar? Ert þú klár í ferðalag til framtíðar?
Á Keflavíkurflugvelli blómstrar stórt og fjölbreytt samfélag þar sem ólík og spennandi störf eru í boði. Hér stíga íslenskir ferðalangar sín fyrstu skref í átt að nýjum ævintýrum og erlendir gestir hefja Íslandsdvöl sína eða halda leið sinni áfram út í heim.
Störf í boði
Eigum við samleið?
Hjá okkur hefur starfsfólk tækifæri til að eflast, þróast og nýta hæfni sína og styrkleika í starfi. Saman vinnum við að því að tryggja einstaka upplifun fyrir viðskiptavini okkar, farþegana og flugfélögin sem eiga leið um flugvöllinn.
Hvert og eitt okkar spilar lykilhlutverk í að skapa eftirminnilega upplifun fyrir ferðalanga og veita flugfélögum og samstarfsaðilum traustan stuðning.
Vertu hluti af öflugu teymi og taktu þátt í að móta framtíðina á einum stærsta og líflegasta vinnustað landsins. Tækifærin eru mörg og þú getur lagt þitt af mörkum, allt frá rekstri til þjónustu við gesti okkar. Hér fá nemendur líka tækifæri til að hefja farsælan starfsferil í umhverfi þar sem hvert hlutverk skiptir máli.
Af hverju Isavia?
- Uppbyggileg fyrirtækjamenning sem gefur öllum pláss
Við leggjum áherslu á að gefa öllum tækifæri til að njóta sín og blómstra. Þegar starfsfólkið okkar upplifir öryggi og traust til að vera það sjálft þá skapast alvöru framfarir. - Styrkleikamiðað vinnurými í takt við nútímalegar kröfur
Vinnuaðstaðan er fjölbreytt og samræmist ólíkum kröfum starfsfólks. Þar eru róleg svæði til að einbeita sér og opin rými fyrir teymisvinnu sem eru öll búin nýjustu tækni. - Rútuþjónusta og framúrskarandi mötuneyti
Starfsfólk hefur aðgang að samgöngum í og úr vinnu frá höfuðborgarsvæðinu og Reykjanesbæ. Mötuneytin okkar eru notaleg, með niðurgreiddar og næringarríkar máltíðir og gott kaffi. - Heilsuvernd sem ýtir undir heilbrigði og vellíðan
Starfsfólk hefur aðgang að reglubundinni þjálfun og námskeiðum í stuðningsríku umhverfi. Einnig er boðið upp á heilsufarsskoðanir, líkamsræktarstyrki og fjölbreytta heilsueflingu. - Öflug liðsheild og fjörugt félagslíf
Kraftmikill starfsandi okkar skín í gegn á tíðum viðburðum starfsmannafélagsins. Það er alltaf eitthvað spennandi framundan sem vekur eftirvæntingu og hristir hópinn saman. - Fjölbreytt verkefni og tækifæri til vaxtar
Við erum eitt stórt samfélag þrátt fyrir að sinna ólíkum hlutverkum. Starfsfólk hefur tækifæri til að skipta um umhverfi og vaxa í starfi eftir því hvar áhuginn liggur og hvernig starfsferlinum vindur fram.
Frekari upplýsingar
Viltu vita meira?
- Allar umsóknir fara í gegnum ráðningarvefinn nema annað sé tekið fram.
- Farið er með allar umsóknir og fyrirspurnir um störf sem trúnaðarmál.
- Umsækjendur fá staðfestingu á móttöku umsóknar í tölvupósti.
- Öllum umsóknum um auglýst störf er svarað þegar búið er að ráða í starfið. Umsóknarferlið tekur að jafnaði 4-8 vikur frá því að laust starf er auglýst.
- Umsóknir eru gildar í 6 mánuði og geymdar samkvæmt lögum um Þjóðskjalasafn Íslands.
- Aðeins mannauðsráðgjafar og stjórnandi þess sviðs sem auglýst starf tilheyrir hafa aðgang að þeim umsóknum sem berast.
- Allt starfsfólk sem hefur störf hjá okkur þarf að standast bakgrunnsskoðun Ríkislögreglustjóra vegna aðgangs að haftasvæði flugverndar.
Við leitumst við að hafa vinnutímann sveigjanlegan þar sem það er hægt að koma því við. Jafnframt leggjum við áherslu á að það sé jafnvægi milli vinnu og einkalífs.
Starfsfólk setur fram óskir um vaktir eða daga sem þeim hentar að vinna innan tímabilsins, að ákveðnum skilyrðum uppfylltum, t.d. varðandi hvíldartíma. Þegar óskir starfsfólks liggja fyrir eru óskir heildarinnar skoðaðar út frá mönnunarþörf hverju sinni og gerðar breytingar ef þurfa þykir. Markmið okkar er að mæta óskum starfsfólks að mestu leyti og að lágmarki 50%.
2-2-3 Tveggja vikna vaktarúlla þar sem unnið er ýmist tvo eða þrjá daga í senn og frídagar eru jafnmargir á móti. Vaktirnar eru 12 tímar en vinnutími fer eftir deildum. Vaktakerfið er sett upp í tveggja vikna tímabil sem raðast til dæmis svona: Frí frá föstudegi til sunnudags, vinna mánudag og þriðjudag, frí miðvikudag og fimmtudag, vinna frá föstudegi til sunnudags, frí mánudag og þriðjudag, vinna miðvikudag og fimmtudag.
5-5-4 Vaktarúlla þar sem skipst er á að vinna fimm eða fjóra daga í senn. Vaktirnar eru 12 tímar en vinnutími fer eftir deildum. Kerfinu er stillt upp þannig að starfsfólk byrjar á að vinna í fimm daga, er svo í fríi í fimm daga og vinnur síðan í fjóra daga. Því næst er frí í fimm daga, vinna í fimm daga og frí í fjóra daga.