Fyrir börnin
Við viljum tryggja að fjölskyldufólk eigi ánægjulegar stundir á flugvellinum, jafnvel þótt biðtíminn geti stundum verið krefjandi.
Leiksvæði má finna við hlið C í Suðurbyggingu. Á svæðinu er einnig veitingasala og setusvæði fyrir gesti.
Fyrir framan Aðalstræti er iWall leikjaskjár með fjölmörgum hreystileikjum.
Þegar ferðast er með börn mælum við með því að mæta tímanlega á flugvöllinn. Þannig forðastu mögulega streitu og byrjar ferðina með hugarró og tíma til að njóta þín. Fylgdu fluginu þínu í símanum ef þú hefur innritaðan farangur. Þannig geturðu fylgst með því hvenær þú getur innritað farangurinn.
Vissir þú að hægt er að fá lánaða barnakerru á flugvellinum? Þannig geturðu innritað þína kerru en fengið lánaða kerru á meðan dvöl þinni á flugvellinum stendur. Kerrurnar er hægt að finna víðsvegar um flugstöðina og öllum farþegum er frjálst að grípa til þeirra sé þeirra þörf.
Þarftu aðstoð?
Algengar spurningar þegar ferðast er með börn.
Til að mæta þörfum barnsins alla ferðina er barnamatur undanþeginn vökvatakmörkunum. Leyfilegt er að hafa eftirfarandi meðferðis í handfarangi í meira en 100 ml magni -
Barnamat
Poka með mauki og smoothie
Þurrmjólk og nauðsynlegt vatn
Soðið vatn
Það er ákvörðun hvers flugfélags hvort koma megi með barnakerru um borð í flugvélina. Mikilvægt er að kynna sér reglur þess flugfélags sem flogið er með fyrir brottför. Í mörgum tilfellum þarf að innrita barnakerrur og -vagna sem sérstærðarfarangur (e. odd-size baggage).
Yfirleitt þarf að innrita bílstóla sem sérstærðarfarangur. Það eru flugfélögin sem setja reglur um hvaða farangur skuli innritaður og hvað megi koma með inn í farþegarými flugvélarinnar. Vinsamlega athugaðu reglurnar hjá þínu flugfélagi fyrir brottför – hafðu samband við þitt flugfélag.
Barnakerrur og -vagnar falla undir sérstærðarfarangur (e. odd size baggage) og eru innritaðar á sérstöku svæði í innritunarsal.
Nei, það er ekki hægt að panta þær fyrirfram, en þær er að finna víðsvegar um flugstöðina og öllum farþegum er frjálst að grípa til þeirra sé þeirra þörf. Fyrsti staður sem hægt væri að finna þær er undir stiganum sem leiðir að öryggisleitinni.