Við óskum eftir að ráða traustan og öflugan tæknimann í viðhald tæknibúnaðar á Keflavíkurflugvelli. Viðkomandi mun starfa í hópi metnaðarfullra tæknimanna við viðhald á fjölbreyttum tæknibúnaði í mjög lifandi umhverfi. Í starfinu felast almenn rafvirkjastörf (lágspennu) og framkvæmd viðhalds samkvæmt viðhaldsáætlunum eignastjóra. Tæknimennirnir hafa það hlutverk að styðja við öruggan og skilvirkan rekstur á Keflavíkurflugvelli með kerfisbundnu viðhaldi. Viðkomandi býðst að ganga bakvaktir þegar reynsla og þekking hefur hlotist af bilanagreiningum, viðhaldi og viðgerðum.
Helstu verkefni:
- Almenn rafvirkjastörf og viðhald eigna
- Eftirlit með eignum og bilanagreining
- Styður við uppsetningu eigna
- Skráning viðhaldssögu
- Önnur tilfallandi verkefni
Menntunar- og hæfniskröfur:
- Sveinspróf í rafiðngreinum
- Góð hæfni í samskiptum
- Frumkvæði, þjónustulund og skipulögð vinnubrögð
- Góð almenn tölvukunnátta
- Góð íslensku- og enskukunnátta
Starfsstöð er á Keflavíkurflugvelli.
Isavia er vinnustaður þar sem við sýnum hvert öðru virðingu og erum heiðarleg gagnvart sjálfum okkur og öðrum. Við gætum þess að viðhalda gleðinni, erum hugrökk, uppbyggileg og tökum ábyrgð á eigin frammistöðu. Saman náum við árangri.
Við bjóðum upp á hollan og góðan mat í mötuneytum okkar, farsímaáskrift og allt starfsfólk hefur aðgang að heilsu- og líkamsræktarstöðvum sér að kostnaðarlausu.
Umsóknarfrestur er til og með 2.október 2025.
Frekari upplýsingar um starfið veitir Sveinn Óskarsson, í gegnum netfang [email protected] eða í síma 837-6265.
Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið.
Við hvetjum áhugasama aðila, án tillits til kyns og uppruna, til að sækja um.