Beint í efni
Keflavíkur Flugvöllur

    Búist er við 5,6 milljónum gesta í sumar á Keflavíkurflugvelli

    Áætlað er að 8,2 milljónir gesta muni ferðast um Keflavíkurflugvöll (KEF) á árinu og þar af munu 5,6 milljónir þeirra ferðast um völlinn í sumar.
    5 mín lestur

    Áætlað er að 8,2 milljónir gesta muni ferðast um Keflavíkurflugvöll (KEF) á árinu og þar af munu 5,6 milljónir þeirra ferðast um völlinn í sumar. Að meðaltali munu 180 flug fara daglega frá flugvellinum yfir sumartímabilið. Hægt verður að fljúga til 89 áfangastaða í sumar og munu 27 flugfélög fljúga beint frá KEF í sumar.

    Mik­ill fjöldi gesta yfir sum­ar­mán­uð­ina

    Farþegaspá KEF gerir ráð fyrir að yfir sumarmánuðina, apríl til október, verði á pari við fyrra ár. Gert er ráð fyrir að 5,6 milljónir gesta muni leggja leið sína um völlinn, þar af 1,7 milljón að tengja úr einu flugi í annað. Á sama tíma er búist við 1,5 milljón erlendra ferðamanna leggi leið sína um völlinn og 400 þúsund Íslendingar leggi land undir fót.

    Í sumar munum við taka á móti 5,6 milljónum gesta en við sjáum fram á hóflegan vöxt í farþegafjölda frá fyrra sumri. Fyrr á árinu var ný austurálma tekin að fullu í notkun, þar sem bættust við fjórir nýir landgangar sem leiða beint út í vél. Með þessu getum við bætt upplifun gesta flugvallarins enn frekar, sérstaklega á álagstímum eins og yfir sumarið.

    Grétar Már GarðarssonForstöðumaður flugfélaga og markaðsmála
    Grétar Már Garðarsson, forstöðumaður flugfélaga og markaðsmála

    Nýir og spenn­andi áfanga­stað­ir í sum­ar

    Alls bætast við 11 nýir og spennandi áfangastaðir í sumar hjá flugfélögunum. Icelandair bætir við tveimur nýjum áfangastöðum og mun fljúga beint til Nashville og Gautaborgar. Þá mun Play fljúga til fjögurra nýrra áfangastaða í sumar sem eru Álaborg, Antalya, Faro og Valencia.

    Auk þess mun Air Baltic fljúga til Tallinn og easyJet til Basel. Þá bætast við tvö ný flugfélög í sumar en það eru Discover Airlines frá München og LOT Airlines frá Varsjá. 

    Sann­kallað sumar­æv­in­týri fram und­an

    Um 180 flug munu fara að meðaltali daglega frá KEF yfir sumartímabilið. Flogið verður beint til 89 áfangastaða með 27 flugfélögum frá flugvellinum í sumar. 

    Flogið verður sex sinnum daglega til Kaupmannahafnar og New York, fimm sinnum til London, og fjórum sinnum á dag til Amsterdam, Boston, Parísar og Óslóar. 

    Hreyfingar til og frá Keflavíkurflugvelli í sumar, komur og brottfarir samanlagt, verða tæplega 38 þúsund talsins. Það er svipað og í fyrra en töluverð aukning frá síðustu árum. 

    Ís­lensku flug­fé­lög­in bæta í flug­ið

    Íslensku flugfélögin boða breytingar í sumar. Icelandair hóf fyrsta flug til Nashville í apríl og mun fljúga 4 sinnum í viku út sumarið. Næsti áfangastaður hjá þeim er Gautaborg sem hefst í lok júní og verður flogið 2 í viku út ágúst. Í September bætist svo við beint flug til Istanbúl fjórum sinnum í viku. Í heildina eru yfir 50 áfangastaðir hjá Icelandair í sumar og þar af 19 í Norður Ameríku. 

    Play er með yfir 30 áfangastaði í sumar til að velja úr og þar af eru fjórir nýir, Álaborg í Danmörku, Antalya í Tyrklandi, Faro í Portúgal og Valencia á Spáni. 

    Ís­land góð­ur áfanga­stað­ur

    Alþjóðlegu flugfélögin boða sömuleiðis breytingar og bæta við nýjum áfangstöðum með beinu flugi til KEF. Flugfélagið easyJet bætti við Basel í Sviss í byrjun apríl og mun fljúga út október 2 sinnum í viku. Þetta er viðbót við fimm aðra áfangastaði sem easyJet býður upp á yfir sumartímann til Keflavíkur.  

    WestJet hefur aukið framboð um 40% í sumar og fer í dagleg flug á tímabili yfir hásumarið, þetta er annað árið hjá WestJet á Keflavíkurflugvelli frá Calgary í Kanada.  

    Það er ánægjuleg þróun að sjá að erlendu flugfélögin hafi trú á Íslandi sem áfangastað. Sem dæmi þá heldur WestJet áfram með beint flug til KEF frá Calgary sem þeir hófu í fyrra, auk þess sem flugfélögin LOT og Discover bætast við í sumar. Þetta endurspeglar sterka stöðu Íslands sem eftirsóknarverðs áfangastaðar.

    Grétar Már GarðarssonForstöðumaður flugfélaga og markaðsmála