Beint í efni
Keflavíkur Flugvöllur

    712 þúsund farþegar í september

    Alls fóru 711.978 gestir um Keflavíkurflugvöll í september 2026.
    3 mín lestur

    Sept­em­ber 2026

    Alls fóru 711.978 farþegar um Keflavíkurflugvöll í september 2026, sem er 5,2% fækkun miðað við sama mánuð á síðasta ári. Þrátt fyrir örlítinn samdrátt var líflegt á vellinum, en alls buðu 25 flugfélög upp á beint flug til 69 áfangastaða.

    Mestur var erillinn sunnudaginn 6. september, en þá fóru 28.855 farþegar um flugstöðina á einum degi.

    Vin­sæl­ustu áfanga­stað­irn­ir í sept­em­ber

    Í september buðu 25 flugfélög upp á beint flug til 69 áfangastaða frá Keflavíkurflugvelli. Vinsælustu áfangastaðir mánaðarins voru Kaupmannahöfn, London og New York.

    Banda­ríkja­menn fjöl­mennast­ir en mik­il fjölg­un frá Kanada og Kína

    Samkvæmt tölum Ferðamálastofu voru Bandaríkjamenn fjölmennastir meðal erlendra brottfararfarþega í september. Þeir voru um 73 þúsund talsins og stóðu fyrir 31,9% allra brottfara, sem er 2,1% samdráttur milli ára.

    Athyglisverðar breytingar urðu á öðrum mörkuðum:

    • Kanada: Kanadískum farþegum fjölgaði um 66,6% frá september í fyrra. Þeir voru um 15 þúsund talsins (6,5% af heildinni) og voru þriðji stærsti hópurinn.
    • Kína: Brottförum kínverskra ferðamanna fjölgaði um 31,6% milli ára, alls um 18 þúsund farþegar (8,0% af heildinni).

    Á sama tíma fóru um 58 þúsund Íslendingar utan í september, sem er 1,1% samdráttur miðað við sama mánuð í fyrra.

    Fyrstu níu mán­uð­ir árs­ins: Stöð­ug­leiki með­al er­lendra gesta

    Á fyrstu níu mánuðum ársins, frá janúar til september, fóru um 1,792 milljónir erlendra farþega frá Íslandi um Keflavíkurflugvöll. Það er 0,8% fækkun frá sama tímabili í fyrra og bendir til þess að heildarfjöldi erlendra gesta haldist nokkuð stöðugur á milli ára.

    Brottförum Íslendinga fækkaði hins vegar meira á sama tímabili. Frá janúar til september hafa um 493 þúsund Íslendingar flogið utan, sem er 9,5% samdráttur miðað við fyrstu níu mánuði síðasta ár