Stefna og skipulag

Skýr stefna og framtíðarsýn eru lykillinn að því að starfsfólk geti tengt störf sín við hana og unnið eftir henni. Við erum þjónustufyrirtæki sem gegnir því mikilvæga hlutverki að hafa með höndum rekstur, viðhald og uppbyggingu á innviðum, sem er grunnur að flugsamgöngum landsins, tengingum við umheiminn og flugi á milli heimsálfa. Þessir innviðir eru mjög mikilvægir fyrir ferðaþjónustuna og hafa veruleg áhrif á lífsgæði og velsæld í landinu. Markmið okkar er að reka framúrskarandi flugvöll sem vex á sjálfbæran hátt og styður við velsæld á Íslandi.

Framtíðarsýn

Framtíðarsýn okkar er að tengja heiminn í gegnum Ísland. Hún felur í sér fjölgun á flugtengingum á milli heimsálfa og þar með bættu aðgengilandsmanna að erlendum mörkuðum sem stuðlar að aukinni samkeppnishæfni og velsæld landsins. Við stefnum að því að vaxa með viðskiptavinum okkar og bregðast við aukinni eftirspurn eftir flugsamgöngum.

Tilgangur

Tilgangur okkar er að leiða flugvallarsamfélag sem eykur lífsgæði og velsæld á Íslandi. Starfsemi Keflavíkurflugvallar sem stærsti alþjóðaflugvöllur á Íslandi gegnir lykilhlutverki í að styðja við hagkerfið, gera flutning vara og þjónustu mögulega og efla ferðaþjónustu. Hann er jafnframt stærsti vinnustaður nærsamfélagsins.

Stefnuáherslur

Stefnuáherslur okkar eru fimm þar sem lögð er áhersla á þjónustu við viðskiptavini með skilvirkri þjónustu til flugfélaga og einstakri upplifun farþega, byggja upp liðsheild á trausti, arðbæran vöxt með stöðugum umbótum, að vera til fyrirmyndar í sjálfbærni á íslandi og að vera drifkraftur öryggis.

Menningin okkar

Isavia er með menningarsáttamála í staðin fyrir gildi. Allt starfsfólk okkar starfar í samræmi við menningarsáttmála félagsins sem er í anda þeirrar kjörmenningar sem við vinnum að.

• Siðareglur
• Verklagsregla um uppljóstrun (Whistleblowing ferli)
• Eigandastefna dótturfélaga
• Mannauðs- og jafnréttisstefna
• Aðgerðaáætlun mannauðs- og jafnréttisstefnu
• Siðareglur birgja
• Sjálfbærnistefna
• Öryggisstefna 
• Áhættustefna
• Upplýsingaöryggisstefna 
• Meðferð persónuupplýsinga
• Vinnuverndarstefna
• Arðgreiðslustefna

Isavia á og þróar landsvæði í kringum Keflavíkurflugvöll og veitir þannig afkastagetu á Keflavíkurflugvelli. Starfsemin gengur út á að þjónusta flugfélög og farþega og leiða flugvallarsamfélagið á Keflavíkurflugvelli í náinni samvinnu við viðskiptafélaga okkar. Við leggjum til auðlindir í starfsemi okkar sem skapa virði með rekstri félagsins fyrir mismunandi hagaðila. Við leggjum okkur fram við að veita áreiðanlega, skilvirka og örugga þjónustu á sjálfbæran hátt þar sem samskipti við starfsfólk einkennast af trausti, vinsemd, vellíðan, öryggi og fyrirsjáanleika. Við höfum metnað til að veita upplýsingar í rauntíma og leggjum áherslu á að veita skilvirka þjónustu með persónulegri aðstoð eftir þörfum. Isavia stundar sjálfbær innkaup og vinnur stöðugt að umbótum í umhverfismálum. Lögð er áhersla á samfélagslega virðissköpun af rekstrinum.