Með leigubíl
Kannaðu verðið áður en ferð hefst
Hafðu í huga
- Farþegum er frjálst að velja bíl eftir sínum þörfum
- Leigubílstjórum er óheimilt að neita fari
- Kannaðu áður hversu langt er á áfangastað
- Skoðaðu verðskrá leigubíls áður en þú sest inn
- Fast gjald fyrir ferð þarf að byggja á verðskrá
- Fast gjald til Reykjavíkur fyrir ferð þarf að byggja á verðskrá
- Leigubílstjórum ber að taka líka á móti greiðslum með korti og síma
- Fáðu kvittun fyrir greiðslu
- Tilkynna má brot á [email protected]
Frá KEF
Leigubílar eru í boði allan sólarhringinn við Keflavíkurflugvöll og eru staðsettir beint fyrir utan komusal flugstöðvarinnar. Þeir bjóða upp á beina og þægilega ferð til Reykjavíkur, á höfuðborgarsvæðið, á Suðurnes eða til annarra áfangastaða um landið.
Leigubíll hentar sérstaklega vel farþegum sem vilja ferðast á eigin tíma, fara beint á áfangastað eða ferðast með mikinn farangur.
Allir leigubílar taka við greiðslu með greiðslukortum og algengum snjallsímalausnum. Mælt er með að spyrja um verð áður en lagt er af stað.
Fjarlægðin frá Keflavíkurflugvelli til miðborgar Reykjavíkur er um 50 km.
Til KEF
Leigubíll er þægilegur kostur fyrir farþega sem vilja komast beint að flugstöðinni. Hægt er að panta leigubíl frá Reykjavík, höfuðborgarsvæðinu og öðrum stöðum á Suðurnesjum og víðar um land.
Aksturstími frá miðborg Reykjavíkur að Keflavíkurflugvelli er að jafnaði um 45 mínútur, en getur verið breytilegur eftir umferð og veðri. Farþegum er ráðlagt að leggja af stað með góðum fyrirvara, sérstaklega á annatímum.
Leigubílar stoppa við brottfararsvæði flugstöðvarinnar þar sem stutt er að innritun og öryggisleit.
Gott er að semja um verð eða fá verðáætlun áður en ferð hefst.
Hvar stoppa leigubílar?
Staðsetningu leigubílastæðis á Keflavíkurflugvelli má sjá á gagnvirku korti.
