Framtíðarstarf - Matreiðslumaður í mötuneyti KEF
Við leitum að þjónustulunduðum og jákvæðum einstaklingi til starfa í mötuneyti okkar á Keflavíkurflugvelli. Starfið felur í sér þjónustu við starfsfólk, gesti og viðskiptafélaga í fjölbreyttu og líflegu starfsumhverfi þar sem öryggi, umhverfismál og framúrskarandi þjónusta eru höfð að leiðarljósi.
Um fullt starf er að ræða en til greina kemur að ráða í dagvinnu 8-16 eða á vaktir, með 2-2-3 fyrirkomulagi.
Gestir okkar og samstarfsaðilar eru bæði íslenskir og erlendir og því er góð tungumálafærni mikilvæg. Við leggjum áherslu á gott vinnuumhverfi, sterkan starfsanda og velferð starfsfólks.
Þetta er umsókn um starf matreiðslumanns í mötuneyti KEF
Isavia rekur glæsilegt mötuneyti fyrir starfsfólk sitt og leitar að einstaklingi sem býr yfir metnaði, þjónustulund og góðri hæfni í mannlegum samskiptum. Viðkomandi þarf að hafa gæði, fjölbreytni og lýðheilsu að leiðarljósi.
Helstu verkefni og ábyrgð
- Vera leiðtogi í eldhúsi í fjarveru rekstrarstjóra.
- Umsjón með daglegum störfum starfsfólks og gæðum starfseminnar.
- Matreiðsla, undirbúningur og frágangur matvæla.
- Móttaka vara, frágangur á lager og eftirlit með hitastigi matvara.
- Innkaup á matvælum og rekstrarvöru í samstarfi við rekstrarstjóra eða í fjarveru hans.
- Undirbúningur veitinga fyrir fundi og viðburði.
- Eftirlit með tækjum og búnaði mötuneytisins og samráð um viðhald.
- Ábyrgð á að ræstingu sé framfylgt.
- Önnur tilfallandi verkefni samkvæmt ákvörðun næsta yfirmanns.
Næsti yfirmaður er rekstrarstjóri mötuneytis.
Menntun og hæfniskröfur
- Menntun á sviði matreiðslu er skilyrði.
- Góð samskiptafærni og þjónustulund.
- Sjálfstæði, skipulagshæfni og metnaður í starfi.
Við hvetjum öll áhugasömum, óháð kyni eða uppruna, til að sækja um sem fyrst.
Frekari upplýsingar um störfin eða umsóknarferlið veitir Rekstrastjóri mötuneytis Isavia Stefán Hlynur Karlsson á netfanginu [email protected]