Við leitum að metnaðarfullum og skipulögðum einstaklingi í starf ORAT sérfræðings. ORAT (Operational Readiness, Activation & Transition) er aðferðafræði sem stuðst er við í framkvæmdaverkefnum á Keflavíkurflugvelli og snýr að því að tryggja samræmda þátttöku hagaðila frá upphafsstigi hönnunar þar til nýir innviðir eru teknir í rekstur. Markmiðið er að tryggja að byggingar, kerfi, ferlar og fólk séu tilbúin á tilsettum tíma og stuðla þannig að farsælli innleiðingu nýrra innviða í rekstur.
Fram undan eru fjölbreytt og spennandi uppbyggingarverkefni á Keflavíkurflugvelli. Við leitum því að einstaklingi sem er skipulagður, lipur í samskiptum og lausnamiðaður og hefur áhuga á að taka virkan þátt í þeim verkefnum.
Starf ORAT sérfræðings er staðsett innan deildar Verkefnaskrár og samhæfingar á sviði Flugvallarþróunar.
Helstu verkefni:
- Leiða samskipti og samráð við hagaðila og aðrar einingar Isavia vegna undirbúnings nýrra innviða fyrir rekstur
- Skipuleggja og halda utan um verkefnaskjöl í samræmi við staðla og verklag
- Samræma og þróa tímaáætlanir ORAT og tryggja samþættingu þeirra við heildartímaáætlanir framkvæmda
- Samræma og þróa kynningar-, innleiðingar- og þjálfunaráætlanir
- Stýra verkefnum eða einstökum verkþáttum
- Þróa ORAT aðferðarfræðina og stuðla að stöðugum umbótum í verklagi
Menntunar- og hæfniskröfur:
- Háskólamenntun sem nýtist í starfi
- Þekking og reynsla af rekstri flugvalla er kostur
- Reynsla af verkefnastjórnun er æskileg
- Sjálfstæði í vinnubrögðum, frumkvæði og jákvætt viðhorf
- Góð tæknikunnátta og áhugi á stafrænum lausnum
- Góð kunnátta í íslensku og ensku
- Góð skipulags– og samskiptahæfni
Starfsstöð er á Keflavíkurflugvelli.
Isavia er vinnustaður þar sem við sýnum hvert öðru virðingu og erum heiðarleg gagnvart sjálfum okkur og öðrum. Við gætum þess að viðhalda gleðinni, erum hugrökk, uppbyggileg og tökum ábyrgð á eigin frammistöðu. Saman náum við árangri.
Við bjóðum upp á hollan og góðan mat í mötuneytum okkar, farsímaáskrift og allt starfsfólk hefur aðgang að heilsu- og líkamsræktarstöðvum sér að kostnaðarlausu.
Umsóknarfrestur er til og með 23.nóvember 2026.
Frekari upplýsingar um starfið veitir Marta Sigurðardóttir deildarstjóri, í gegnum netfang [email protected].
Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið.
Við hvetjum áhugasama aðila, án tillits til kyns og uppruna, til að sækja um.