Bílastæðaskilmálar

1. Þú ert að aka inn á bifreiðastæði Isavia ohf. (hér eftir KEF Parking) á Keflavíkurflugvelli og samþykkir þar með eftirfarandi skilmála.
2. Gjaldskylda er á bifreiðastæðum KEF Parking nema sérstaklega sé annað tekið fram. Gjald fer eftir gildandi gjaldskrá hverju sinni.
3. Á bifreiðastæðum KEF Parking eru sjálfvirkar myndavélar sem lesa bílnúmer við komu og brottför. Eftirlitsmyndavélar eru einnig á bifreiðastæðum KEF Parking. Upplýsingar um vinnslu Isavia á persónupplýsingum, réttindi einstaklinga, þ.m.t. aðgang að gögnum, og fleira má nálgast á persónuverndaryfirlýsingu félagsins.
4. Greiðsla fer fram í forbókun eða við brottför, í gegnum smáforrit, á vef eða í þar til gerðum sjálfsafgreiðslustöndum sem staðsettir eru í og við flugstöðina.
5. Sé gjald ekki greitt innan 48 klst. eftir útkeyrslu er krafa send í heimabanka eiganda/umráðamanns ökutækisins að viðbættu þjónustugjaldi kr. 1.490. Ógreiddar kröfur munu verða sendar í innheimtu.
6. Eigandi og umráðamaður ökutækis bera ábyrgð á að fylgja fyrirmælum, merkingum og reglum sem í gildi eru á bifreiðastæðum KEF Parking. Eigandi ökutækis ber jafnframt ábyrgð á greiðslu gjalda sem falla til samkvæmt gjaldskrá og skilmálum KEF Parking. Sé ökutæki notað í atvinnuskyni ber vinnuveitandi einnig ábyrgð samkvæmt skilmálum þessum.
7. Verði aðili uppvís að misnotkun á aðstöðu varðar það 50.000 kr. vangreiðslugjaldi ásamt því að greiðsla verður innheimt eftir gildandi gjaldskrá fyrir raunnotkun. Eigandi og skráður umráðamaður ökutækis eru ábyrgir fyrir greiðslu gjalds samkvæmt þessari grein.
8. Verði aðili uppvís að ítrekaðri misnotkun áskilur KEF Parking sér rétt til að meina viðkomandi aðgang að bifreiðastæðum KEF Parking.
9. Ökutæki á bifreiðastæði KEF Parking eru alfarið á ábyrgð eiganda/umráðamanns viðkomandi ökutækis. KEF Parking ber t.a.m. ekki ábyrgð á tjóni sem kann að verða á ökutækjum, fylgihlutum þeirra eða öðrum hlutum í eða á þeim m.a. vegna óhappa, skemmdarverka eða þjófnaðar sem kann að eiga sér stað á meðan á geymslu stendur. Nær þetta einnig til tjóns er verður á bifreiðum sem þarf að fjarlægja vegna þess að þeim hefur verið lagt ólöglega og/eða þannig að þau hindri umferð.
10. Heimilt er að leggja bifreið í merkt bifreiðastæði eða í samræmi við gefnar leiðbeiningar, merkingar og/eða almennar umferðarreglur. Stöðubrot getur varðað sektum, vangreiðslugjaldi og/eða að ökutæki verði fjarlægð á kostnað umráðanda.
11. Allur þjófnaður er kærður til lögreglu.
12. Óheimilt er að nýta lang- og skammtímabifreiðastæði P1, P2 eða P3 við Keflavíkurflugvöll til afhendingar eða skila á bílaleigubifreiðum.
13. Ef dvöl bifreiðar í brottfararrennunni tefst sannanlega vegna ytri aðstæðna sem rekja má til þriðja aðila, er ekki rukkað gjald fyrir þann tíma sem umfram er vegna tafarinnar, enda hafi aðstæðurnar hindrað útakstur bifreiðarinnar úr rennunni. Viðskiptavinur skal tilkynna um slík atvik til KEF Parking innan tíu (10) daga frá þeim degi sem atvikið átti sér stað.
14. Bifreiðastæði KEF Parking er eingöngu heimilt til nota fyrir einka- og atvinnubifreiðar skráðum fyrir átta (8) eða færri farþega og vega undir 3.500 kg að skráðri heildarþyngd, nema annað sé sérstaklega tekið fram við innaksturshlið eða sérstaklega um samið áður en ökutæki kemur inn á bifreiðastæði. Óheimilt er að fara inn á bifreiðasvæði KEF Parking með eftirvagna. Brot á þessu varðar 20.000 kr. gjaldi sem endurnýjast á 6 klukkustunda fresti.
15. Sé ökumaður ekki skráður umráðamaður ökutækis og/eða ef ökutækið sem er í eigu bílaleigu eða fjármögnunarfyrirtækis, hvort sem er í skammtíma- eða langtímaleigu, er ekki unnt að greiða fyrir bílastæðið eftir útkeyrslu sbr. 5. gr. Í slíkum tilvikum ber að ganga frá greiðslu í gegnum smáforrit eða í þar til gerðum sjálfsafgreiðslustöndum áður en ekið er út af bílastæðinu. Sé greiðsla ekki innt af hendi áður en ekið er út af bílastæði, áskilur KEF Parking sér rétt til að senda kröfu í heimabanka skráðs eiganda eða umráðamanns ökutækisins, að viðbættu þjónustugjaldi að fjárhæð 1.490 kr.
16. Bílastæðaþjónusta KEF áskilur sér rétt til að takmarka eða banna aðgang að bifreiðastæðum sínum gagnvart eiganda, umráðamanni eða notanda ökutækis sem:
1. Er með gjaldfallnar og ógreiddar skuldir við KEF Parking,
2. Hefur ítrekað brotið gegn skilmálum þessum,
3. Hefur misnotað þjónustuna eða valdið truflun á starfsemi bifreiðastæða KEF.

Aðgangstakmarkanir geta tekið til eins eða fleiri ökutækja í eigu, umráðum eða notkun sama einstaklings eða lögaðila og geta meðal annars falist í synjun innkeyrslu með bílnúmeralestri eða annarri tæknilegri aðgangsstýringu.

Sé ökutæki lagt inn á svæði Bílastæðaþjónustu KEF, þrátt fyrir gildandi aðgangsbann eða með öðrum hætti í trássi við skilmála þessa áskilur Bílastæðaþjónusta KEF sér rétt til að láta fjarlægja ökutækið á kostnað eiganda eða umráðamanns.

Eigandi eða umráðamaður ber ábyrgð á öllum kostnaði sem af slíkum aðgerðum hlýst, þar á meðal kostnaði vegna dráttar, vörslu, innheimtu og annarri nauðsynlegri umsýslu.

Áður en aðgangur er takmarkaður eða bannaður mun Bílastæðaþjónusta KEF, eftir því sem unnt er, tilkynna viðkomandi eiganda og/eða umráðamanni um ákvörðunina og ástæður hennar. Þó er heimilt að grípa tafarlaust til aðgerða ef það telst nauðsynlegt til að vernda hagsmuni rekstrarins eða annarra notenda.