8.jpg

Heildarfjöldi gesta Keflavíkurflugvallar (KEF) var 2.222.402 í apríl-júní 2025.

Heildarfjöldi gesta Keflavíkurflugvallar (KEF) var 2.222.402 á öðrum ársfjórðungi ársins, apríl-júní 2025. <a href="https://www.kefairport.is/frettir/hoflegur-voxtur-farthegafjolda-2025-og-metar-komu-ferdamanna" target="_self">Farþegaspá KEF</a> gerði ráð fyrir 2,23 milljón gestum og var því mismunur 9 þúsund færri gestir eða -0,4% undir spá.Brottfararfarþegar voru 759 þúsund en spáin hafði gert ráð fyrir 746 þúsund. Voru brottfararfarþegar því 13 þúsund fleiri eða +2% yfir spá flugvallarins.Aukning um 5% varð á sætaframboði flugfélaga á öðrum ársfjórðungi ársins miðað við sama tímabil árið á undan. Þá var heildarfjöldi farþega 5% fleiri á öðrum ársfjórðungi ársins í ár borið saman við annan ársfjórðung í fyrra.

Brottfararfarþegar yfir spá

annar-arsfjordungur.jpg

Tengifarþegar, eða farþegar sem nýta KEF sem tengistöð án þess að dvelja á Íslandi, voru 684 þúsund á öðrum ársfjórðungi ársins. Hafði farþegaspáin áætlað 717 þúsund tengifarþega á þessu tímabili, sem gerir 33 þúsund færri tengifarþega eða -5% undir spá.

Færri tengifarþegar

11.jpg

Íslendingar voru á faraldsfæti á öðrum ársfjórðungi ársins og voru brottfarir þeirra fleiri en spáin hafði gert ráð fyrir. Áætlað var að fjöldi Íslendinga sem ferðuðust frá KEF yrði 187 þúsund en var rúmlega 219 þúsund. Því fóru 32 þúsund fleiri Íslendingar af landi brott eða 17% yfir spá.

Íslendingar ferðaþyrstir

9.jpg

Erlendir farþegar voru 539 þúsund frá apríl-júní á þessu ári. Hafði farþegaspá KEF gert ráð fyrir 559 þúsund erlendum ferðamönnum á öðrum ársfjórðungi. Voru erlendir gestir því um 20 þúsund færri en áætlað var og 4% undir spá. Samkvæmt talningu frá <a href="https://ferdamalastofa.is/" target="_self">Ferðamálastofu</a> voru Bandaríkjamenn stærsti hópur erlendra ferðamanna á öðrum ársfjórðungi ársins eða rúmlega 183 þúsund, sem er 34% af öllum erlendum ferðamönnum. Þar á eftir fylgdu Bretar sem voru 43 þúsund (8% af heild), Þjóðverjar voru 37 þúsund (7% ), Pólverjar voru 24 þúsund (4%) og síðan voru Kínverjar 23 þúsund (4%).

Færri erlendir ferðamenn 

10.jpg

Farþegar á öðrum ársfjórðungi á pari við spá

aF1p33fc4bHWiwfi_Skrifstofa.jpg

Unnið er hörðum höndum að því að klára fjórðu hæð austurálmu Keflavíkurflugvallar (KEF).

Unnið er hörðum höndum að því að klára fjórðu hæð austurálmu Keflavíkurflugvallar (KEF). Þar mun rísa nýtt skrifstofurými fyrir starfsfólk flugvallarins. Framkvæmdir við fjórðu hæðina hófust í fyrra en gert er ráð fyrir því að hæðin verði tekin í notkun í lok þessa árs.

Skrifstofa.00_00_00_00.Still002.png

Skrifstofa.00_00_27_04.Still004.png

Um er að ræða 1.450 fermetra skrifstofurými sem tengt hefur verið við skrifstofur í  norðurbyggingu flugstöðvarinnar með göngubrú. Í <a href="https://youtu.be/Ar_yLHK4VfE?si=xKeMSKtrLdctJdFu" target="_self">meðfylgjandi myndbandi</a> er hægt að sjá hvernig hæðin lítur út núna meðan á framkvæmdum stendur.

Framkvæmdir við austurálmu KEF

Framkvæmdir við austurálmuna sjálfa hófust árið 2021 og hefur hún verið tekin í notkun í áföngum. Árið 2023 opnaði nýr komusalur og farangursmóttaka og fyrr á þessu ári fóru fyrstu farþegarnir í gegnum landgöngubrýrnar og rútuhliðin á annarri hæð álmunnar.Þegar fram í sækir verður þriðja hæðin notuð til að taka móti gestum sem koma til Íslands frá löndum utan Schengen-svæðisins.Lesa má meira um austurálmuna <a href="https://www.kefplus.is/verkefni/ny-austuralma-ris" target="_self">hér</a>.

1.jpg

4.jpg

gestir-juni.jpg

Við tókum á móti 867.310 gestum á Keflavíkurflugvelli (KEF) í júní.

Sumarið er heldur betur lent á Keflavíkurflugvelli (KEF) og heldur gestum áfram að fjölga milli mánaða. Alls lögðu 867.310 gestir leið sína um flugvöllinn í júní. Það er tæplega 1% færri gestir en í júní árið á undan. Flogið var til 79 áfangastaða og voru þeir vinsælustu Kaupmannahöfn, London, New York, París og Amsterdam. Alls flugu 26 flugfélög frá KEF í júní.Mest var að gera þann 29. júní þegar 35 þúsund gestir fóru um völlinn þann daginn.

KEF_Farthegatolur_Juni_2025_1200x624_IS.png

Brottfarir Íslendinga voru tæplega 72 þúsund í júní, samkvæmt <a href="https://www.ferdamalastofa.is/is/um-ferdamalastofu/frettir/234-thusund-brottfarir-erlendra-farthega-i-juni" target="_self">talningu frá Ferðamálastofu</a>. Það gerir rúmlega 10% fleiri brottfarir en í júní árið á undan. Frá áramótum hafa Íslendingar farið utan um 372 þúsund sinnum, sem er 24,9% aukning frá sama tíma í fyrra.Brottfarir erlendra gesta frá landinu voru um 234 þúsund í júní. Það gerir rúmlega 10% fleiri en í sama mánuði árið á undan. Flestar brottfarir eru tilkomnar vegna Bandaríkjamanna (42%), næst Þjóðverja (8%), svo Kanadamanna (5%), Breta (4%) og Frakka (4%).Frá áramótum (janúar-júní) hafa um 955 þúsund erlendir gestir farið frá landinu um KEF. Um er að ræða 0,8% færri brottfarir en á sama tíma í fyrra.Sumarið er á bullandi siglingu og við hlökkum til að sjá ykkur á Keflavíkurflugvelli í sumarskapi!

Um 870 þúsund gestir í júní

KEF-MyndefniFyrirVef-SKJ-Oryggi-4-1920px-280225.jpg

Eldgos hafið rétt norður af Grindavík. Flug til og frá Keflavíkurflugvelli (KEF) er með hefðbundnum hætti og samkvæmt áætlunum.

Eldgos er hafið rétt norður af Grindavík. Flug til og frá Keflavíkurflugvelli er með hefðbundnum hætti og samkvæmt áætlunum. <a href="https://www.kefairport.is/flug/brottfarir" target="_blank">Hér má fylgjast með flugupplýsingum</a>. Helstu upplýsingar um eldgos á svæðinu má nálgast á <a href="https://www.vedur.is/um-vi/frettir" target="_blank">vef Veðurstofu Íslands</a> og <a href="https://www.almannavarnir.is/" target="_blank">vef Almannavarna</a>. Upplýsingar til ferðafólks um eldgosin má nálgast á <a href="https://www.ferdamalastofa.is/is" target="_blank">vef Ferðamálastofu</a>.

Frekari upplýsingar og flýtileiðir

Starfsemi Keflavíkurflugvallar með reglubundnum hætti þrátt fyrir eldgos

33.jpg

Nýir sjálfsalar, verslun með bakkelsum, pítsum og öðru góðgæti, verslun með landsliðsvarningi og sælkeraverslun, eru meðal nýjunga sem bættust við á Keflavíkurflugvelli (KEF) fyrir ferðasumarið 2025.

Nýir sjálfsalar, verslun með bakkelsum, pítsum og öðru góðgæti, verslun með landsliðsvarningi og sælkeraverslun, eru meðal nýjunga sem bættust við á Keflavíkurflugvelli (KEF) fyrir ferðasumarið 2025. Flugvöllurinn er í stöðugri þróun til að sinna þörfum gesta sem eru fjölbreyttur og síbreytilegur hópur.

81.jpg

Í vor opnuðu tvær nýjar verslanir á Keflavíkurflugvelli, Point og Icelandic Deli sælkeraverslun. Verslanirnar eru góð viðbót við það frábæra úrval af veitingum sem nú er í flugstöðinni en þar geta gestir flugvallarins verslað mat, ferðavörur og íslenskar sælkeravörur.

76.jpg

Í <a href="https://www.kefairport.is/verslanir/icelandic-deli">Icelandic Deli </a>er að finna úrval af íslenskum handverksostum, reyktu og þurrkuðu kjöti, hágæða súkkulaði og íslenskum kryddum. Einnig er þar til sölu handvalið úrval af íslensku víni og öðrum áfengum drykkjum.

Icelandic Deli

57.jpg

58-1.jpg

62.jpg

<a href="https://www.kefairport.com/restaurants/point">Point</a> er nýr veitingastaður þar sem boðið er upp á fjölbreytt úrval af ferðavörum, snarli, drykkjum, ferskum bakstri, pizzum og öðru góðgæti.

Point

77-1.jpg

75.jpg

68.jpg

Víða um flugstöðina er nú einnig að finna svokallaða Point sjálfsala þar sem gestir flugvallarins geta nælt sér í allt það helsta úr verslunum Point, hratt og örugglega. Sjálfsalarnir hafa vakið mikla lukku enda er fjöldi farþega á hraðferð um flugvöllinn og getur það því létt undir með fólki að geta gripið bita hratt og örugglega.

point.png

Í sumar opnaði glæsileg pop-up verslun Fyrir Ísland, staðsett á móti Aðalstræti veitingasvæðinu, í hjarta verslunar- og veitingasvæðis flugvallarins. Þar má finna flottan landsliðsvarning fyrir stuðningsmenn íslenska landsliðsins á leið á EM í fótbolta. Verslunin býður upp á gott úrval af landsliðstreyjum, derhúfum, treflum, lyklakippum og ýmislegt fleira til að vera klár í slaginn með Íslandi í sumar.

Fyrir Ísland

35.jpg

36.jpg

42.jpg

Landsliðsvarningur, sjálfsalar og aðrar nýjungar á KEF

Isavia styrkir Landsbjorgu.JPG

Isavia ohf. og Slysavarnafélagið Landsbjörg hafa undirritað samning til næstu þriggja ára þar sem Isavia mun styrkja öflugt starf Landsbjargar um  30 milljóna króna.

Með samkomulaginu er Styrktarsjóður Isavia og Slysavarnafélagsins Landsbjargar endurvakinn eftir að hafa legið í dvala síðan í heimsfaraldri. Sjóðurinn var stofnaður árið 2012 með það að markmiði að efla hópslysaviðbúnað í nágrenni flugvalla og fjölfarinna ferðmannastaða á Íslandi.að voru þeir Sveinbjörn Indriðason, forstjóri Isavia ohf., og Kristján Þór Harðarson, framkvæmdastjóri Slysavarnafélagsins Landsbjargar, sem undirrituðu samninginn í höfuðstöðvum Landsbjargar.„Við hjá Isavia metum mikils okkar góða samstarf við Landsbjörgu og viljum áfram leggja okkar að mörkum til að efla það góða starf sem björgunarsveitirnar vinna um allt land,“ segir Sveinbjörn Indriðason, forstjóri Isavia. „Við erum ánægð að vera búin að endurvekja styrktarsjóðinn því það skiptir okkur öll máli að hafa öflugar björgunarsveitir til taks þegar hætta steðjar að.“

Kristján Þór Harðarson

Það skiptir meginmáli að starf sjálfboðaliða Slysavarnafélagsins Landsbjargar eigi sér jafn öfluga bakhjarla og Isavia er og það er okkur mikið gleðiefni að Styrktarsjóðurinn skuli nú endurvakinn. Net björgunarsveita er þéttriðið um allt land og afar mikilvægt að tryggja það net, því þegar einhverskonar vá verður, er lykilatriði að stutt sé í aðstoð vel þjálfaðs og reynds björgunarfólks með réttan búnað.

Isavia styrkir Landsbjörgu um 30 milljónir

bus_cars.png.png

Fjölbreyttar samgönguleiðir standa ferðalöngum til boða sem ferðast til og frá Keflavíkurflugvelli. Hvort sem ferðast er með einkabíl, leigubíl, bílaleigubíl, rútum eða með almenningssamgöngum, þá eru margar leiðir í boði.

Fjölbreyttar samgönguleiðir standa ferðalöngum til boða sem ferðast til og frá Keflavíkurflugvelli. Hvort sem ferðast er með einkabíl, leigubíl, bílaleigubíl, rútum eða með almenningssamgöngum, þá eru margar leiðir í boði.Hvað er þægilegast, fljótlegast eða ódýrast? Hér verður farið yfir helstu samgöngumáta til og frá flugvellinum og á höfuðborgarsvæðið. Þannig ættu allir ferðalangar að geta fundið þann ferðamáta sem hentar þeim best, allt eftir þörfum, tíma og fjárhag.

Flugrútan / Flybus sinnir skipulögðum ferðum milli Reykjavíkur og Keflavíkurflugvallar. Rúturnar ganga með reglulegu millibili í tengslum við flugáætlanir, allan sólarhringinn, milli flugvallar og höfuðborgarsvæðis. Mælt er með því að bóka flugmiða í rúturnar fyrir fram.

Með rútu

32.jpg

Flugrútan keyrir með farþega frá BSÍ til KEF samkvæmt tímatöflu Keflavíkurflugvallar en hana er hægt að skoða á flybus.is. Komufarþegar eru síðan keyrðir til höfuðborgarsvæðis 40 mínútum eftir lendingu hvers flugs og mun örar á álagstímum. Farþegar rútunnar geta stigið úr rútunni við Aktu Taktu í Garðarbæ og Fjörukrána í Hafnarfirði, auk þess sem rútan sækir og skutlar á fjölda gististaða og biðstöðvar innan Reykjavík. Farþegar sem leita upplýsinga geta fundið þær á upplýsingaborði Flugrútunnar sem er staðsett í komusal KEF eða á flybus.is. Miðakaupin fara fram á vefnum, upplýsingaborði eða í sjálfsölum á Keflavíkurflugvelli. Sjálfsalarnir eru staðsettir í komusal, eftir að komið er út um tollahliðið.<ul><li>Verð: Frá 3.999 kr.</li><li>Ferðatími: 45 mínútur frá BSÍ</li><li>Frekari upplýsingar: <a href="https://www.re.is/is/tour/flybus/">Vefsíða Flugrútunnar</a></li></ul>

Gestum flugvallarins, sem kjósa að keyra sjálfir á flugvöllinn, bjóðast nokkrar tegundir bílastæða sem henta ólíkum hópum flugfarþega. Bílastæðin geta þó fyllst á álagstímum og er því gestum bent á að bóka stæðin tímanlega.<ul><li>Frekari upplýsingar: <a href="https://www.kefairport.is/thjonusta/bilastaedi">Bílastæði á KEF</a></li></ul>

Á einkabíl

24.jpg

P1 - SkammtímastæðiSkammtímastæðin merkt P1  eru staðsett beint fyrir framan brottfararsalinn. Þessi stæði henta vel þeim sem vilja gera betur við sig og labba styttra í flugstöðina. Hentar einnig þeim sem eru að dvelja í skamman tíma á flugvellinum.P3 – Almenn stæðiAlmenn stæði eru merkt P3 og eru langtímastæði. Þessi stæði eru á hagstæðasta verðinu og eru ætluð þeim sem vilja skilja bílinn eftir til lengri tíma.ÚrvalsstæðiÚrvalsstæði eru stæðin sem bjóða uppá hvað mestu þægindin. Bílnum er lagt í sérmerkt stæði við brottfararhlið og lyklum skilað í lyklabox í brottfararsal. Því næst leggur starfsfólk flugvallarins bílnum í öruggt stæði. Við heimkomu er honum skilað aftur upp við flugvöllinn.

Á Keflavíkurflugvelli eru leigubílar til taks allan sólarhringinn og standa að jafnaði fyrir framan flugvöllinn í röðum. Ferðalangar geta því komist  á áfangastað sinn áreynslulaust. Farþegar sem vilja bóka leigubíl á Keflavíkurflugvelli geta gert það á vefsíðum leigubílafyrirtækja, símleiðis eða með því að hafa samband við leigubílstjóra. Mælt er með því að spyrja um verð áður en haldið er af stað.<ul><li>Verð: Breytilegt eftir áfangastað.</li><li>Ferðatími: Breytilegur og háð umferð. Áætlaður u.þ.b. 30-90 mínútur</li><li>Leigubílaröð: <a href="https://www.kefairport.is/taxi">Hér má fylgjast með lausum leigubílum</a>.</li></ul>

Með leigubíl

leigubill.jpg

Fyrir þá sem fá far upp á flugvöll er hægt að stöðva bílinn í svokallaðri “rennu” við brottfararinngang flugstöðvarinnar á meðan farþegum er hleypt út, farangur er losaður og kveðjustund á sér stað. Fyrstu 5 mínúturnar í rennunni gjaldfrjálsar en eftir þær er gjald tekið. Á P2-bílastæðunum við flugstöðina er svo hægt að leggja bílnum til lengri tíma. Nýlega var gjaldfrjáls tími á P2-bílastæðunum lengdur úr 15 mínútum í 30 mínútur.

Skutlað á flugvöllinn

25.jpg

Ef valið er að fara með Strætó til Keflavíkurflugvallar er farið með leið 55, en vagninum er ekið daglega á milli höfuðborgarsvæðisins og KEF. Strætómiða er ekki hægt að bóka fyrir fram, heldur mæta viðskiptavinir á biðstöðina á þeim tíma sem vagninn á að koma og greiða með greiðslukorti um borð í vagninum. Strætó keyrir ekki í samræmi við flugáætlun heldur byrjar að keyra klukkan hálf sjö á morgnana og gengur með reglulegu millibili þar til um klukkan 11 á kvöldin. Þessi lausn hentar því betur farþegum sem eiga flug yfir daginn.

Með Strætó

29.jpg

Farþegum sem taka Strætó frá höfuðborgarsvæðinu á Keflavíkurflugvöll er hleypt út beint fyrir framan inngang flugstöðvarinnar. Komufarþegar sem ætla sér að fara frá Keflavíkurflugvelli til höfuðborgarsvæðisins nota biðstöð Strætó við Kjóavelli, sem er staðsett brottfararmegin, um 150 metra frá flugstöðinni.<ul><li>Verð: Frá 2.280 kr.</li><li>Tímalengd: 1 klst og 20 mín frá KEF að BSÍ</li><li>Frekari upplýsingar: <a href="https://www.straeto.is/skipuleggja-ferd/ferdir-um-leifsstod">Vefsíða Strætó</a>.</li></ul>

Fyrir gesti flugvallarins sem óska eftir að leigja bíl við komu sína til landsins, býður KEF upp á beinan aðgang að þjónustu fjögurra mismunandi bílaleiga. Bílaleigurnar Avis, Bílaleiga Akureyrar, Budget og Hertz, eru allar með aðstöðu innan flugstöðvarinnar, nánar tiltekið í komusal. Viðskiptavinum er ráðlagt að bóka bílaleigubílinn fyrir fram til þess að auðvelda ferðaáætlun og tryggja að ökutæki sé tiltækt við komu. Með því að nýta sér þessa þjónustu geta ferðamenn  tekið við lyklum og hafið ferðalag sitt um Ísland strax við komu. Bílaleigubílar eru sóttir við Kjóavelli, sem eru um 5 mínútna spöl frá komusalnum. Nánari upplýsingar um staðsetningu og aðgengi má finna á vefsíðum hvers bílaleigufyrirtækis.<ul><li>Verð: Breytilegt og fer eftir tegund bíla og lengd leigu</li><li>Ferðatími: Breytilegur og háð umferð. Áætlaður u.þ.b. 30-90 mínúturFrekari upplýsingar: <a href="https://www.isavia.is/keflavikurflugvollur/bilastaedi-og-samgongur/bilaleigur">Vefsíða KEF</a></li></ul>

Bílaleigur

Samgöngur til og frá Keflavíkurflugvelli í sumar

May gestir.jpg

Alls lögðu 701.900 gestir leið sína um Keflavíkurflugvöll (KEF) í nýliðnum maímánuði.

Gestir Keflavíkurflugvallar (KEF) voru 701.900 í maímánuði, sem er 2,7% fjölgun frá maí á síðasta ári. Farþegafjöldi mun halda áfram að aukast yfir sumarmánuðina og gerir <a href="https://www.kefairport.is/frettir/hoflegur-voxtur-farthegafjolda-2025-og-metar-komu-ferdamanna" target="_self">farþegaspá KEF</a> ráð fyrir að yfir sumarið, apríl til október, muni 5,6 milljónir gesta leggja leið sína um völlinn.Alls flugu 28 flugfélög til 76 áfangastaða í maí. Vinsælustu áfangastaðirnir sem var flogið beint til voru Kaupmannahöfn, London, New York, París og Amsterdam.Mest var að gera í maímánuði þann 25. maí þegar 27.871 gestir fóru um KEF.

KEF_Farthegatolur_Mai_2025_1200x624_IS.png

Brottfarir Íslendinga voru 67 þúsund í maí samkvæmt talningu <a href="https://www.ferdamalastofa.is/is/um-ferdamalastofu/frettir/159-thusund-brottfarir-erlendra-farthega-i-mai" target="_self">Ferðamálastofu</a>. Það er 25% aukning frá maí á síðasta ári.Brottfarir erlendra gesta frá landinu um KEF voru 159 þúsund. Það gerir 1,3% aukningu frá maí árinu á undan. Flestar brottfarir voru tilkomnar vegna Bandaríkjamanna (24% af heildarbrottförum), Breta (8%), Þjóðverja (7%), Pólverja (6%) og Kanadamanna (5%).

Yfir 700 þúsund gestir á ferð í maí

3.png

Öryggisdagar flugvallarsamfélagsins á Keflavíkurflugvelli náðu hápunkti í dag með hinni árlegu FOD göngu, sem fram fór með virku og góðu samstarfi við flugvallarsamfélagið.

Öryggisdagar flugvallarsamfélagsins á Keflavíkurflugvelli náðu hápunkti í dag með hinni árlegu FOD göngu, sem fram fór með virku og góðu samstarfi við flugvallarsamfélagið. Starfsmenn gengu saman um svæðið, leituðu að FOD eða aðskotahlutum og tóku þannig virkan þátt í að efla öryggi flugvallarins. Gangan var hluti af viðburðum tileinkuðum öryggisvitund, umhverfisvernd og brunavörnum sem haldnir hafa verið dagana 26.–28. maí.

FOD ganga á Keflavíkurflugvelli

FOD ganga myndir.png

FOD stendur fyrir Foreign Object Debris, eða aðskotahluti sem geta reynst hættulegir á svæðum flugvalla. Slíkir hlutir, jafnvel smávægilegir, geta valdið verulegu tjóni og slysum. Frægt dæmi er slysið á Concorde-þotunni árið 2000, sem mátti rekja til lítils málmbrots á flugbraut. Markmið göngunnar var því bæði að auka vitund og tryggja öryggi í flugi með því að fjarlægja mögulega hættulega aðskotahluti af brautum flugvallarins.

FOD ganga myndir (1).png

Starfsmenn gengu saman um svæðið, leituðu að FOD eða aðskoðtahlutum og tóku þannig virkan þátt í að efla öryggi í flugi. Fyrir marga var þetta jafnframt einstakt tækifæri til að sjá flugvöllinn frá nýju sjónarhorni og taka beinan þátt í mikilvægu öryggisverkefni. Gangan tók um 30 mínútur og í kjölfarið var boðið upp á hressingu fyrir þátttakendur. Einnig voru veitt sérstök verðlaun fyrir þann sem fann skrýtnasta aðskotahlutinn.FOD göngunni lauk með ánægjulegri samveru og jákvæðri stemningu meðal starfsfólks, sem á sinn þátt í að tryggja að Keflavíkurflugvöllur sé áfram öruggur og vel vaktaður staður.

FOD ganga myndir (2).png

Öryggisdagarnir halda áfram að undirstrika mikilvægi öryggismála og virkrar þátttöku starfsfólks. Á mánudegi var lögð áhersla á brunavarnir og rýmingu, með slökkvitækjaþjálfun í boði og á þriðjudegi var vakin athygli á öryggisvitund með myndskeiði þar sem starfsfólk deildi reynslu sinni. Lokaorð dagsins í dag voru skýr: „Sérðu eitthvað – gerðu eitthvað.“ Með sameiginlegu átaki tryggjum við öryggi allra sem starfa og ferðast um flugvöllinn.

Gerðu Keflavíkurflugvöll öruggari saman

Frettir banner.jpg

Gestir Keflavíkurflugvallar voru 653.207 talsins í nýliðnum apríl mánuði.

Nóg var að gera á Keflavíkurflugvelli í apríl þegar 653.207 gestir lögðu leið sína um völlinn. Það gerir 17,5% aukningu frá apríl á síðasta ári og er á pari við <a href="https://www.kefairport.is/frettir/hoflegur-voxtur-farthegafjolda-2025-og-metar-komu-ferdamanna" target="_self">farþegaspá flugvallarins</a>.Á fyrstu fjórum mánuðum ársins hafa alls 2.163.475 gestir farið um Keflavíkurflugvöll. Í janúar voru gestir flugvallarins 469.059, febrúar 477.833 og mars 563.376. Áfram verður nóg að gera á Keflavíkurflugvelli í maí-ágúst og mun farþegafjöldinn fara vaxandi á næstu mánuðum.Framboð áfangastaða heldur áfram að aukast á Keflavíkurflugvelli en alls flugu 24 flugfélög til 74 áfangastaða í apríl mánuði. Vinsælustu áfangastaðirnir voru London, Kaupmannahöfn, New York, París og Amsterdam.

KEF_Farthegatolur_April_2025_1200x624_IS (1).png

Mest var að gera á flugvellinum í apríl mánuði þann 17. apríl þegar 27.460 gestir fóru um Keflavíkurflugvöll.Brottfarir Íslendinga voru 81 þúsund í apríl samkvæmt talningu <a href="https://www.ferdamalastofa.is/is/um-ferdamalastofu/frettir/146-thusund-brottfarir-erlendra-farthega-i-april" target="_self">Ferðamálastofu</a>. Það er 80% aukning frá apríl í fyrra en vinsælasta ferðahelgi Íslendinga, páskahátíðin, var í apríl í ár en í mars á síðasta ári.Brottfarir erlendra gesta frá landinu um Keflavíkurflugvöll voru 146 þúsund. Það gerir 6,5% aukningu frá apríl árinu á undan. Flestar brottfarir voru tilkomnar vegna Bandaríkjamanna (22% af heildarbrottförum), Breta (14%), Kínverja (6%), Þjóðverja (6%) og Frakka (5%).Farþegafjöldi mun aukast á næstu mánuðum en <a href="https://www.kefairport.is/frettir/hoflegur-voxtur-farthegafjolda-2025-og-metar-komu-ferdamanna" target="_self">farþegaspá Keflavíkurflugvallar</a> gerir ráð fyrir að yfir sumarmánuðina, apríl til október, muni <a href="https://www.kefairport.is/frettir/5.6-milljonir-gesta-sumar" target="_self">5,6 milljónir gesta</a> leggja leið sína um völlinn.

Yfir 650 þúsund gestir í apríl

5.jpg

Heildarfjöldi gesta Keflavíkurflugvallar (KEF) var 1.510.109 í janúar-mars 2025.

Heildarfjöldi gesta Keflavíkurflugvallar (KEF) var 1.510.109 á fyrsta ársfjórðungi ársins, janúar-mars 2025. <a href="https://www.kefairport.is/frettir/hoflegur-voxtur-farthegafjolda-2025-og-metar-komu-ferdamanna">Farþegaspá flugvallarins</a> gerði ráð fyrir 1.505.928 gestum. Heildarfjöldinn var 4.181 farþegum fleiri en spá gerði ráð fyrir (0,3%).

Fjöldi meiri en spá gerði ráð fyrir

Af þeim 1.510.109 gestum voru komu- og brottfararfarþegar 1.136.569, á meðan spá gerði ráð fyrir 1.130.787 farþegum. Mismunur var því 5.782 gestir eða 0,5% yfir spá.Tengifarþegar voru aftur á móti 1.601 undir spá. Spáin gerði ráð fyrir 375.141 tengifarþegum en raunfjöldi tengifarþega var 373.540, mismunur var því -0,4%.

Tengifarþegar færri

2.jpg

Spá um ferðalög Íslendinga frá Keflavíkurflugvelli var vel yfir spá. Hafði spáin gert ráð fyrir að tæplega 114 þúsund Íslendingar væru á ferðinni á fyrsta ársfjórðungi en samkvæmt <a href="https://www.ferdamalastofa.is/is/um-ferdamalastofu/frettir">upplýsingum frá Ferðamálastofu</a> voru þær rúmlega 152 þúsund. Það er mismunur upp á rúmlega 39 þúsund Íslendinga eða 34,4% yfir spá.

Brottfarir Íslendinga yfir spá

3.jpg

Á sama tíma var spá um erlenda ferðamenn rúmlega 453 þúsund en raun var tæplega 416 þúsund. Það er mismunur upp á 37 þúsund manns eða 8,3% frá spá.Bandaríkjamenn voru stærsti hópur erlendra ferðamanna á fyrsta ársfjórðungi ársins eða rúmlega 95 þúsund, sem er 22,9% af heild. Bretar voru einnig stór hluti erlendra ferðamanna eða 80 þúsund, sem gerir 19,2% af öllum erlendum ferðamönnum. Þar á eftir voru Kínverjar sem voru 27 þúsund (6,5% af heild), Þjóðverjar 26 þúsund (6,3%) og Frakkar voru 19 þúsund (4,6%).

Bandaríkjamenn stærsti hópur erlendra ferðamanna

Fyrsti ársfjórðungur gefur fyrirheit um viðburðarríkt ár

Brynjar Mar.jpg

Öflugur hópur 249 sumarstarfsmanna Isavia hefur tekið til starfa á Keflavíkurflugvelli.

Öflugur hópur 249 sumarstarfsmanna Isavia hefur tekið til starfa á Keflavíkurflugvelli. Brynjar Már Brynjólfsson, mannauðsstjóri Isavia, segir að vel hafi gengið að manna sumarstörfin í ár hjá einum líflegasta vinnustað landsins.Sumarið er komið á fullt á Keflavíkurflugvelli og hafa sumarstarfsmenn hafið störf við fjölbreytt og skemmtileg verkefni. Búist er við að um 5,6 milljónir gesta fari um völlinn yfir sumarmánuðina og því skiptir miklu máli að vel sé mannað í þau störf sem sinna þjónustu við gesti flugvallarins.

shutterstock_2563147831 (1).jpg

Brynjar Már Brynjólfsson

Okkur bárust 1.091 umsóknir um sumarstörf hjá Isavia í ár, sem sýnir að mikill áhugi er á því að starfa hjá Keflavíkurflugvelli. Sumarstörfin eru frábært tækifæri fyrir einstaklinga til að öðlast dýrmæta reynslu í alþjóðlegu umhverfi og kynnast líflegum og góðum vinnustað.

Alls voru 249 einstaklingar ráðnir í sumarstörf hjá Isavia á flugvellinum í ár. „Um 33,7% þeirra sem ráðnir voru höfðu starfað hjá Isavia áður, sem þýðir að við erum með öflugan hóp fólks – bæði nýliða og reynda starfsmenn,“ segir Brynjar enn fremur.

sumarstarfsmenn.jpg

Fjölbreytt sumarstörf Isavia eru í boði á flugvellinum. Stærsti hluti sumarráðninga er í öryggisleit og eftirliti, þar sem 150 einstaklingar voru ráðnir. Þá voru 49 ráðnir í farþegaþjónustu, sem sinnir meðal annars aðstoð við gesti með skerta hreyfigetu. Einnig var meðal annars ráðið í störf tengd farþegaakstri, bílastæðaþjónustu, flugvallarþjónustu og fleira.Ljóst er að líflegt sumar er fram undan á Keflavíkurflugvelli þar sem góður hópur starfsfólks mun taka vel á móti og þjónusta fjölmarga gesti yfir sumartímabilið.

Öflugur hópur sumarstarfsfólks tekur til starfa

Gretar 4.png

Áætlað er að 8,2 milljónir gesta muni ferðast um Keflavíkurflugvöll (KEF) á árinu og þar af munu 5,6 milljónir þeirra ferðast um völlinn í sumar.

Áætlað er að 8,2 milljónir gesta muni ferðast um Keflavíkurflugvöll (KEF) á árinu og þar af munu 5,6 milljónir þeirra ferðast um völlinn í sumar. Að meðaltali munu 180 flug fara daglega frá flugvellinum yfir sumartímabilið. Hægt verður að fljúga til 89 áfangastaða í sumar og munu 27 flugfélög fljúga beint frá KEF í sumar.

<a href="https://www.kefairport.is/frettir/hoflegur-voxtur-farthegafjolda-2025-og-metar-komu-ferdamanna">Farþegaspá KEF</a> gerir ráð fyrir að yfir sumarmánuðina, apríl til október, verði á pari við fyrra ár. Gert er ráð fyrir að 5,6 milljónir gesta muni leggja leið sína um völlinn, þar af 1,7 milljón að tengja úr einu flugi í annað. Á sama tíma er búist við 1,5 milljón erlendra ferðamanna leggi leið sína um völlinn og 400 þúsund Íslendingar leggi land undir fót.

Mikill fjöldi gesta yfir sumarmánuðina

Grétar Már Garðarsson

Í sumar munum við taka á móti 5,6 milljónum gesta en við sjáum fram á hóflegan vöxt í farþegafjölda frá fyrra sumri. Fyrr á árinu var ný austurálma tekin að fullu í notkun, þar sem bættust við fjórir nýir landgangar sem leiða beint út í vél. Með þessu getum við bætt upplifun gesta flugvallarins enn frekar, sérstaklega á álagstímum eins og yfir sumarið.

isavia-routes-gretar-3-1.jpg

Alls bætast við 11 nýir og spennandi <a href="https://www.kefairport.is/afangastadir" target="_self">áfangastaðir</a> í sumar hjá flugfélögunum. <a href="https://www.kefairport.is/afangastadir?airline=Icelandair" target="_self">Icelandair</a> bætir við tveimur nýjum áfangastöðum og mun fljúga beint til Nashville og Gautaborgar. Þá mun <a href="https://www.kefairport.is/afangastadir?airline=Play" target="_self">Play</a> fljúga til fjögurra nýrra áfangastaða í sumar sem eru Álaborg, Antalya, Faro og Valencia.Auk þess mun <a href="https://www.kefairport.is/afangastadir?airline=Air+Baltic" target="_self">Air Baltic</a> fljúga til Tallinn og <a href="https://www.kefairport.is/afangastadir?airline=easyjet" target="_self">easyJet</a> til Basel. Þá bætast við tvö ný flugfélög í sumar en það eru <a href="https://www.kefairport.is/afangastadir?airline=Discover" target="_self">Discover Airlines</a> frá München og <a href="https://www.kefairport.is/afangastadir?airline=LOT" target="_self">LOT Airlines</a> frá Varsjá.

Nýir og spennandi áfangastaðir í sumar 

Screenshot 2025-01-16 101523.png

Um 180 flug munu fara að meðaltali daglega frá KEF yfir sumartímabilið. Flogið verður beint til 89 áfangastaða með 27 flugfélögum frá flugvellinum í sumar. Flogið verður sex sinnum daglega til Kaupmannahafnar og New York, fimm sinnum til London, og fjórum sinnum á dag til Amsterdam, Boston, Parísar og Óslóar. Hreyfingar til og frá Keflavíkurflugvelli í sumar, komur og brottfarir samanlagt, verða tæplega 38 þúsund talsins. Það er svipað og í fyrra en töluverð aukning frá síðustu árum.

Sannkallað sumarævintýri fram undan

KEF airport (42).jpg

Íslensku flugfélögin boða breytingar í sumar. <a href="https://www.kefairport.is/afangastadir?airline=Icelandair" target="_self">Icelandair</a> hóf fyrsta flug til Nashville í apríl og mun fljúga 4 sinnum í viku út sumarið. Næsti áfangastaður hjá þeim er Gautaborg sem hefst í lok júní og verður flogið 2 í viku út ágúst. Í September bætist svo við beint flug til Istanbúl fjórum sinnum í viku. Í heildina eru yfir 50 áfangastaðir hjá Icelandair í sumar og þar af 19 í Norður Ameríku. <a href="https://www.kefairport.is/afangastadir?airline=Play" target="_self">Play</a> er með yfir 30 áfangastaði í sumar til að velja úr og þar af eru fjórir nýir, Álaborg í Danmörku, Antalya í Tyrklandi, Faro í Portúgal og Valencia á Spáni.

Íslensku flugfélögin bæta í flugið

e9d68e8c-cea8-4c01-b2fd-ca79e46ab4a1keflavikurflugvollur.jpg

Alþjóðlegu flugfélögin boða sömuleiðis breytingar og bæta við nýjum áfangstöðum með beinu flugi til KEF. Flugfélagið <a href="https://www.kefairport.is/afangastadir?airline=easyjet" target="_self">easyJet</a> bætti við Basel í Sviss í byrjun apríl og mun fljúga út október 2 sinnum í viku. Þetta er viðbót við fimm aðra áfangastaði sem easyJet býður upp á yfir sumartímann til Keflavíkur.  <a href="https://www.kefairport.is/afangastadir?airline=WestJet" target="_self">WestJet</a> hefur aukið framboð um 40% í sumar og fer í dagleg flug á tímabili yfir hásumarið, þetta er annað árið hjá WestJet á Keflavíkurflugvelli frá Calgary í Kanada.

Ísland góður áfangastaður

Það er ánægjuleg þróun að sjá að erlendu flugfélögin hafi trú á Íslandi sem áfangastað. Sem dæmi þá heldur WestJet áfram með beint flug til KEF frá Calgary sem þeir hófu í fyrra, auk þess sem flugfélögin LOT og Discover bætast við í sumar. Þetta endurspeglar sterka stöðu Íslands sem eftirsóknarverðs áfangastaðar.

Búist er við 5,6 milljónum gesta í sumar á Keflavíkurflugvelli

heinemann duty free kef airport iceland new.jpg

Heinemann tekur formlega við rekstri fríhafnarverslana á Keflavíkurflugvelli miðvikudaginn 7. maí. Verslanirnar verða frá þeim degi reknar undir nafninu ÍSLAND Duty Free. 

Vegna tilfærslunnar verður ráðist í breytingar á fríhafnarverslunum í komu- og brottfararsal sem og við brottfararhlið og verður verslununum því lokað í nokkrar klukkustundir á meðan á breytingunum stendur. Lokanirnar munu ekki hafa áhrif á flæði farþega um flugstöðina. Verslununum verður loka tímabundið fyrir opnun sem hér segir:<ul><li>Brottfararverslun: Lokað 6. maí kl. 20:00 og opnuð aftur 7. maí kl. 04:00</li><li>Komuverslun: Lokað 6. maí kl. 23:00 og opnuð aftur 7. maí kl. 07:00.</li><li>Verslun við brottfararhlið: Lokað 6. maí kl. 20:00 og opnuð aftur 7. maí kl. 9:00.</li></ul>Þeir farþegar sem ekki geta verslað í ÍSLAND Duty Free þegar verslanirnar eru lokaðar fá 20% afsláttarmiða sem gildir í eitt ár og hægt verður að nota við næstu heimsókn í fríhafnarverslanirnar.

Breytingar á fríhafnarverslunum á Keflavíkurflugvelli

13.png

Á Keflavíkurflugvelli leggjum við mikla áherslu á að gera dvöl fjölskyldna með börn sem þægilegasta.

Á Keflavíkurflugvelli leggjum við mikla áherslu á að gera dvöl fjölskyldna með börn sem þægilegasta. Fyrir unga ferðalanga getur bið eftir flugi verið spennandi – en stundum líka krefjandi – og því skiptir máli að umhverfið sé bæði skemmtilegt og áhugavert.Við bjóðum upp á fjölbreytta afþreyingu sem gerir ferðalagið ánægjulegra – bæði áður en lagt er af stað og sem má taka með í flugið.

11.png

Í brottfararsalnum eru leiksvæði sem henta vel fyrir börn á leikskólaaldri og yngri grunnskólabörn. Þar geta yngstu ferðalangarnir dundað sér í leiktækjunum á meðan foreldrar og aðstandendur hafa það náðugt á setusvæðinu í kring. Leiksvæðin eru hlýleg, örugg og staðsett nálægt veitingastöðum sem bjóða ljúffenga og fjölskylduvæna matseðla.

Leiksvæði fyrir öll

20.png

Við Aðalstræti í austurálmu bíður spennandi viðbót – iWall leikskjár með fjölbreyttum hreystileikjum fyrir börn á aldrinum 6-13 ára. Öll eru þó velkomin að prófa! iWall er gagnvirkt leiktæki þar sem leikmenn stíga beint inn í ævintýrið og stýra leikjum með eigin hreyfingum. Frábær leið til að hreyfa sig, skemmta sér og láta tímann fljúga á meðan beðið er eftir flugi.

iWall leikskjár

16.png

Í sumar opnar glænýtt leiksvæði í nýrri austurálmu Keflavíkurflugvallar, hannað af Tulipop í samstarfi við ÞYKJÓ og IRMA. Svæðið er mótað sérstaklega fyrir börn og fjölskyldur og byggir á litríkum og skapandi heimi Tulipop. Leiksvæðið er hugsað sem skemmtilegt skjól innan vallarins – staður sem örvar ímyndunarafl, sköpun og leikgleði – og gerir biðtímann að eftirminnilegri upplifun fyrir yngstu ferðalangana.

KEF færir börnum töfraheim Tulipop

6.png

Góð afþreying getur gert ferðalagið bæði auðveldara og skemmtilegra fyrir alla fjölskylduna. Í bloggfærslu frá Elko má finna fjölbreyttar og gagnlegar tillögur að afþreyingu fyrir börn í flugi – bæði með og án skjánotkunar:🔗  <a href="https://blogg.elko.is/spjaldtolvuleikir-fyrir-flug/">Spjaldtölvu- og símaleikir fyrir flugið</a>🔗 <a href="https://blogg.elko.is/fritt-prentefni-fyrir-born/">Prentefni fyrir þau sem vilja minni skjátíma</a>

Á flugi – hvernig má stytta flugtíma barna?

Vissir þú að hægt er að fá lánaða barnakerru á flugvellinum? Þannig geturðu innritað þína kerru en fengið lánaða kerru meðan á dvöl þinni á flugvellinum stendur. Kerrurnar er hægt að finna víðs vegar um flugstöðina og öllum farþegum er frjálst að grípa til þeirra sé þeirra þörf.

Barnakerrur á vellinum

12.png

Hvort sem fjölskyldan er að leggja í langferð, fara í frí eða snúa aftur heim, viljum við á Keflavíkurflugvelli tryggja að upplifunin verði sem ánægjulegust – líka fyrir litlu ævintýrafarana. Við vinnum stöðugt að því að bæta aðstöðu og þjónustu fyrir börn og fjölskyldur – og hlökkum til að bjóða ykkur velkomin í ævintýrið.

Ævintýrið hefst í KEF

Fjölskylduvæn ferðaupplifun frá upphafi til enda

Fyrsta flug Antalya Play airplane.jpg

Fyrsta flug Antalya Play crew.jpg

Fyrstu flug til Antalya í Tyrklandi og Faro í Portúgal.

Það var söguleg stund þegar flugfélagið Play fór í sitt fyrsta áætlunarflug til tyrknesku borgarinnar Antalya í morgun, þriðjudaginn 15. apríl. Þetta er í fyrsta sinn sem flogið er í áætlunarflugi á milli Íslands og Tyrklands. Play flýgur einu sinni í viku til Antalya frá apríl fram í júní og svo aftur frá september til nóvember.

Play faro fyrsta flug.jpg

Þá fór Play í fyrsta flug til Faro í Portúgal laugardaginn 12. apríl síðastliðinn. Flogið verður tvisvar í viku til Faro fram í lok október. „Það er alltaf spennandi þegar flugfélögin okkar á KEF bæta við nýjum áfangastöðum,“ segir Grétar Már Garðarsson, forstöðumaður flugfélaga og markaðsmála á Keflavíkurflugvelli.

Við tökum vel á móti farþegum frá þessum tveimur nýju áfangastöðum og erum fullviss að Íslendingar eiga eftir að halda þangað einnig. Þetta eru nýjar tengingar en eins og ACI Europe – Evrópudeild Alþjóðasamtaka flugvalla – hafa bent á í rannsóknum þá bæta flugtengingar við hagvöxt. Við fögnum hverri nýrri flugtengingu sem bætist við á Keflavíkurflugvelli.

Play flýgur til tveggja nýrra áfangastaða

Vigdis kef afmaeli 4.jpg

Vigdis kef afmaeli 3.jpg

Vigdís Finnbogadóttir er 95 ára í dag, þriðjudaginn 15. apríl 2025. Í tilefni þess býður Keflavíkurflugvöllur gestum upp á einstaka sýningu í brottfarasalnum.

Sýningin ber heitið „Hjartans mál“ en á glervegg í salnum hafa verið settar upp myndir af Vigdísi frá ýmsum tímabilum í lífi hennar. Umhverfis myndirnar raðast orð á mörgum tungumálum sem öll lýsa Vigdísi.Vigdís Finnbogadóttir hefur ætíð verið málsvari kvenréttinda, menningar, náttúru og tungumála hérlendis og á erlendri grundu og hefur unnið að framgangi þessara hjartans mála af elju og staðfestu.

Vigdis kef afmaeli.jpg

Orðin sem valin voru til að lýsa Vigdísi voru til dæmis fyrirmynd, jafnrétti, brautryðjandi, viska og víðsýni. Vigdís hefur við ýmis tilefni sagt að tungumál séu lykill að heiminum. Orðin eru því endurtekin á fjöldamörgum tungumálum sem er vísun til þessa hjartans máls Vigdísar og líka til að endurspegla fjölbreytileika alþjóðasamfélagsins sem leggur leið sína um flugvöllinn.Vigdís Finnbogadóttir skipar sérstakan sess í sögu Keflavíkurflugvallar. Hún var forseti Íslands þegar Flugstöð Leifs Eiríkssonar var opnuð og gaf hún flugstöðinni nafn við vígsluathöfn hennar 14. apríl 1987. Við það tilefni sagði Vigdís: „Hver vegur að heiman er vegurinn heim“ og líkti flugvellinum við hið gullna hlið að Íslandi.Í ár eru 45 ár liðin síðan Vigdís Finnbogadóttir tók við embætti forseta Íslands en hún var fyrsti kjörni kvenforseti heims. Hún gegndi embætti forseta lýðveldisins í sextán ár, frá 1980-1996. Vigdís er velgjörðarsendiherra tungumála hjá Menningarmálastofnun Sameinuðu þjóðanna - UNESCO og gegnir því enn mikilvægu hlutverki á alþjóðavísu. Með því að setja upp þessa sýningu á Keflavíkurflugvelli, á vettvangi þar sem öll heimsins tungumál hljóma, er ævistarf Vigdísar kynnt fyrir gestum hvaðanæva að.„Hjartans mál“ verður til sýningar á Keflavíkurflugvelli fram á sumar.

Sýning til heiðurs Vigdísi Finnbogadóttur á Keflavíkurflugvelli

Lot Polish Airlines flights to Iceland.jpg

LOT Airlines Iceland Warsaw.jpg

Þann 12. apríl 2025 hóf pólska flugfélagið LOT beint áætlunarflug milli Varsjár og Keflavíkurflugvallar. Félagið flýgur fjórum sinnum í viku milli Varsjár og KEF yfir sumartímann og þrisvar í viku á vetraráætlun sinni.

Ísland er þriðji nýi áfangastaðurinn sem LOT bætir við leiðakerfi sitt nú í ár. Áður hóf félagið flug milli Varsjár og Lissabon annars vegar og Kraká og Paris-Orly hins vegar. Það styrkir því KEF enn frekar sem öflugan tengiflugvöll að fá LOT í flugvallarsamfélagið með flug til Varsjá þar sem Warsaw Frederic Chopin-flugvöllur (WAW) er öflugur tengiflugvöllur. Með þessari nýju tengingu opnast fleiri möguleikar fyrir ferðalanga sem vilja sækja á nýjar slóðir. Í tilkynningu á vef LOT er haft eftir Robert Ludera, yfirmanni leiðakerfis LOT,  að Ísland hafi vakið sífellt meiri athygli ferðamanna fyrir einstaka náttúru og áhugaverða sögu. Vaxandi áhugi væri á ferðalögum milli Póllands og Íslands sem styðji einnig við nánari tengsl í viðskiptum, menningu og samgöngum. Nýja flugleiðin væri þó meira en bara einföld tenging. Vart hefði orðið við mikinn áhuga farþega frá Mið- og Austur-Evrópu um að nýta sér tengingar um Varsjá með LOT til Íslands. „Við á Keflavíkurflugvelli hlökkum mikið til þess að eiga gott og kröftugt samstarf við LOT til langrar framtíðar,“ segir Grétar Már Garðarsson, forstöðumaður flugfélaga og markaðsmála á Keflavíkurflugvelli. „Það var afskaplega gaman að taka á móti fyrsta hópi farþega með félaginu og megi ferðir félagsins til og frá KEF verða sem flestar á komandi árum og áratugum.“

Fréttir

Framkvæmdir við austurálmu KEF

Um 870 þúsund gestir í júní

Starfsemi Keflavíkurflugvallar með reglubundnum hætti þrátt fyrir eldgos

Farþegar á öðrum ársfjórðungi á pari við spáFarþegar á öðrum ársfjórðungi á pari við spá

Ekkert fannst

Farþegar á öðrum ársfjórðungi á pari við spáFar­þegar á öðr­um árs­fjórð­ungi á pari við spá

Ekkert fannst

Farþegar á öðrum ársfjórðungi á pari við spáFarþegar á öðrum ársfjórðungi á pari við spá