tap air.jpg

Portúgalska flugfélagið TAP Air hefur áætlunarflug milli Keflavíkurflugvallar og Lissabon sumarið 2027. Flogið verður þrisvar í viku frá 1. apríl til 28. október, en með nýju leiðinni opnast jafnframt greiðar tengingar áfram til áfangastaða í Suður-Evrópu, Afríku og Suður-Ameríku.

Portúgalska flugfélagið TAP Air tilkynnti í dag að það ætlaði að hefja flug milli Keflavíkurflugvallar (KEF) og Lissabon á sumaráætlun sinni 2027. Flogið verður þrisvar í viku milli áfangastaðanna frá 1. apríl til 28. október 2027 TAP Air bætist þar með í hóp þeirra 28 flugfélaga sem hafa boðað að þau ætli að fljúga til og frá KEF næsta sumar. Með tengimiðstöð TAP í Lissabon opnast jafnframt góðar tengingar fyrir farþega til fjölmargra áfangastaða, þar á meðal til Faro og Madeira í Portúgal, auk áfangastaða í Afríku og Suður-Ameríku.

Grétar Már Garðarsson

Það er afar ánægjulegt að bjóða TAP Air velkomið til Keflavíkurflugvallar. Lissabon er vinsæll og spennandi áfangastaður og um leið öflug tengimiðstöð sem eykur valmöguleika farþega til fjölmargra áfangastaða í Suður-Evrópu, Afríku og Suður-Ameríku. Við hlökkum til samstarfsins.

TAP Air hefur flug milli KEF og Lissabon

DJI_20261026111103_0013_D.jpg

Kínverska flugfélagið Air China hóf í dag, mánudaginn 26. október 2026, áætlunarflug milli Peking og Keflavíkurflugvallar með viðkomu í Kaupmannahöfn. Flugfélagið mun fljúga þrisvar í viku allan ársins hring og færir leiðin KEF beina tengingu við eitt stærsta markaðssvæði heims.

Kínverska flugfélagið Air China hóf áætlunarflug milli Peking og Íslands með viðkomu í Kaupmannahöfn mánudaginn 26. október 2026. Þar með bættist mikilvæg ný Asíutenging við leiðakerfi Keflavíkurflugvallar og markar það tímamót fyrir KEF, íslenska ferðaþjónustu, atvinnulíf og alþjóðleg samskipti. Air China mun fljúga þrisvar í viku milli Peking og Keflavíkurflugvallar. Nýja leiðin tengir Ísland við eitt stærsta markaðssvæði heims og eykur jafnframt aðgengi ferðamanna frá Kína og öðrum mörkuðum Asíu að Íslandi og opnar nýja heima fyrir ferðalanga frá Íslandi.

Sveinbjörn Indriðason

Þetta er stór áfangi fyrir Ísland og KEF. Tengingin við Kína styrkir stöðu Íslands sem áfangastaðar og skapar ný tækifæri fyrir ferðaþjónustu, viðskipti og aukin samskipti milli landanna. Við erum afar ánægð að taka á móti Air China og hlökkum til farsæls samstarfs á komandi árum. Alþjóðasamtök flugvalla í Evrópu hafa sýnt fram á að 10% aukning í flugtengingum auki hagvöxt um 0,5% og fjölgi störfum um 1,6%. Tengistöðin á Keflavíkurflugvelli er því einn meginstólpi hagsældar á Íslandi og þessi nýja tenging styður enn frekar við lífskjör í landinu.

Ómar Svavarsson, framkvæmdastjóri viðskipta hjá Keflavíkurflugvelli, segir komu Air China marka mikilvæg tímamót fyrir þróun leiðakerfis flugvallarins.

Ómar Svavarsson

Þessi nýja leið færir Keflavíkurflugvelli mikilvæga tengingu við Asíu og styrkir enn frekar alþjóðlega tengingu Íslands við umheiminn. Þessi viðbót í leiðakerfið okkar skapar verðmæt tækifæri bæði fyrir íslenskt atvinnulíf og ferðaþjónustu. Við höfum unnið markvisst að því að auka fjölbreytni í leiðakerfi KEF og það er sérstaklega ánægjulegt að sjá þessa tengingu verða að veruleika.

Komu fyrsta flugsins var fagnað á Keflavíkurflugvelli í dag. Farþegar og áhöfn Air China fengu hlýjar móttökur við lendingu í KEF.

Air China tengir KEF við Asíu – fyrsta flug milli Peking og KEF í dag

DeltaAirlines.jpg

Sumaráætlun Keflavíkurflugvallar 2027 eflist enn frekar þegar Delta Air Lines hefur daglegt flug til og frá Boston. Nýja flugleiðin verður starfrækt frá apríl og fram í lok október á Boeing 757-200 vélum félagsins.

Bandaríska flugfélagið Delta Air Lines hefur tilkynnt að félagið muni hefja daglegt áætlunarflug milli Boston Logan-flugvallar og Keflavíkurflugvallar þann 12. apríl 2027. Félagið mun fljúga milli Boston og KEF fram til 30. október 2027. Flogið verður milli áfangastaðanna á Boeing 757-200 flugvélum Delta.  
Boston er ein af lykiltengimiðstöðvum Delta Air Lines fyrir flug til Evrópu og veitir farþegum aðgang að fjölbreyttu leiðakerfi innan Bandaríkjanna. Með nýju flugi til Keflavíkur bætist við enn einn valkostur fyrir ferðamenn sem vilja heimsækja Ísland eða halda áfram ferð sinni um Norður-Ameríku.  
Delta hefur verið með áætlunarflug til Íslands frá árinu 2011 þegar félagið hóf beint flug milli New York og Keflavíkur. Nýja leiðin milli Boston og KEF er því mikilvægt skref í áframhaldandi uppbyggingu félagsins á Íslandi.

Við fögnum því mjög að Delta Air Lines bæti við daglegu flugi frá Boston til Keflavíkur. Boston-svæðið er einn mikilvægasti markaður okkar í Norður-Ameríku og með þessari nýju tengingu opnast enn fleiri möguleikar fyrir farþega til að ferðast til og frá Íslandi. Flugið styrkir tengingar Íslands við Bandaríkin og eykur samkeppnishæfni Keflavíkurflugvallar sem alþjóðlegrar tengimiðstöðvar

Delta Air Lines bætir við daglegu flugi milli Boston og Keflavíkur á sumaráætlun 2027

KEF-Farthegatolur-Sept-1200x628px-ISL-2x-1026.png

Alls fóru 711.978 gestir um Keflavíkurflugvöll í september 2026.

Alls fóru 711.978 farþegar um Keflavíkurflugvöll í september 2026, sem er 5,2% fækkun miðað við sama mánuð á síðasta ári. Þrátt fyrir örlítinn samdrátt var líflegt á vellinum, en alls buðu 25 flugfélög upp á beint flug til 69 áfangastaða.Mestur var erillinn sunnudaginn 6. september, en þá fóru 28.855 farþegar um flugstöðina á einum degi.

September 2026

Í september buðu 25 flugfélög upp á beint flug til 69 áfangastaða frá Keflavíkurflugvelli. Vinsælustu áfangastaðir mánaðarins voru Kaupmannahöfn, London og New York.

Vinsælustu áfangastaðirnir í september

Samkvæmt tölum <a href="https://www.ferdamalastofa.is/is/um-ferdamalastofu/frettir/228-thusund-brottfarir-erlendra-ferdamanna-i-september" target="_self">Ferðamálastofu</a> voru Bandaríkjamenn fjölmennastir meðal erlendra brottfararfarþega í september. Þeir voru um 73 þúsund talsins og stóðu fyrir 31,9% allra brottfara, sem er 2,1% samdráttur milli ára.Athyglisverðar breytingar urðu á öðrum mörkuðum:<ul><li>Kanada: Kanadískum farþegum fjölgaði um 66,6% frá september í fyrra. Þeir voru um 15 þúsund talsins (6,5% af heildinni) og voru þriðji stærsti hópurinn.</li><li>Kína: Brottförum kínverskra ferðamanna fjölgaði um 31,6% milli ára, alls um 18 þúsund farþegar (8,0% af heildinni).</li></ul>Á sama tíma fóru um 58 þúsund Íslendingar utan í september, sem er 1,1% samdráttur miðað við sama mánuð í fyrra.

Bandaríkjamenn fjölmennastir en mikil fjölgun frá Kanada og Kína

Á fyrstu níu mánuðum ársins, frá janúar til september, fóru um 1,792 milljónir erlendra farþega frá Íslandi um Keflavíkurflugvöll. Það er 0,8% fækkun frá sama tímabili í fyrra og bendir til þess að heildarfjöldi erlendra gesta haldist nokkuð stöðugur á milli ára.Brottförum Íslendinga fækkaði hins vegar meira á sama tímabili. Frá janúar til september hafa um 493 þúsund Íslendingar flogið utan, sem er 9,5% samdráttur miðað við fyrstu níu mánuði síðasta ár

Fyrstu níu mánuðir ársins: Stöðugleiki meðal erlendra gesta

712 þúsund farþegar í september

Egilsstadir.jpg

Isavia stóð nýverið fyrir umfangsmikilli samhæfingaræfingu þar sem reynd var geta íslenska flugvallarsamfélagsins til að bregðast við aðstæðum sem gætu leitt til þess að millilandaflug þyrfti að beina frá Keflavíkurflugvelli til annarra flugvalla á Íslandi.

Markmið æfingarinnar var að styrkja samhæfingu, upplýsingamiðlun og sameiginlega stöðumynd þeirra fjölmörgu aðila sem koma að rekstri og þjónustu á íslenskum flugvöllum. Æfingin fór fram á hefðbundnum starfsstöðvum þátttakenda þar sem unnið var með raunhæfar forsendur, verklag, samskiptaleiðir og kerfi sem notuð eru við raunveruleg atvik. Meðal þátttakenda voru Neyðarstjórn Isavia, Innanlandsflugvellir, Avians, flugturninn á Keflavíkurflugvelli, Icelandair og fjölmargir aðrir samstarfs- og viðbragðsaðilar sem gegna lykilhlutverki í starfsemi íslenskra flugvalla. Í æfingunni var meðal annars reynt á miðlun upplýsinga milli aðila, samhæfingu vegna tilfærslu flugvéla, mat á afkastagetu innanlandsflugvalla og ákvarðanatöku við krefjandi aðstæður. Æfingarsviðsmyndin byggði á því að truflanir yrðu á starfsemi Keflavíkurflugvallar og að bregðast þyrfti við breytingum á flugumferð og þjónustu með skilvirkum hætti. Óvæntur en raunverulegur atburður varð jafnframt hluti af æfingunni þegar dekk á lítilli flugvél sprakk við lendingu á Reykjavíkurflugvelli. Í kjölfarið var flugvöllurinn tímabundið lokaður fyrir umferð. Atvikið var fellt inn í æfinguna og gaf þátttakendum tækifæri til að bregðast við breyttum forsendum í rauntíma, líkt og gerst getur í raunverulegu rekstrarumhverfi. Að lokinni æfingu fór fram sameiginleg rýni þar sem farið var yfir helstu lærdóma og reynslu þátttakenda.

Æfðu viðbrögð við truflun á flugumferð

easyJet.jpg

Breska flugfélagið easyJet mun hefja beint flug milli Keflavíkurflugvallar (KEF) og Napólí (NAP) á sumaráætlun sinni 2027.

Fyrsta flugið verður 2. júní 2027 og flogið verður tvisvar í viku. Flugleiðin verður í boði fram í september og gefur farþegum fleiri tækifæri til að ferðast beint til Suður-Ítalíu yfir sumarmánuðina.Nýja flugleiðin býður farþegum upp á enn fleiri tækifæri til að kanna Suður-Ítalíu. Hvort sem ferðinni er heitið til Napólí, meðfram Amalfi ströndinni eða til annarra spennandi áfangastaða í nágrenni borgarinnar.Napólí er jafnframt góður upphafspunktur fyrir ferðalög um Kampaníu-hérað, þar sem meðal annars má finna Pompeii, Sorrento og eyjarnar Capri og Ischia.Með nýju leiðinni bætist enn einn áfangastaður við framboð easyJet frá Keflavíkurflugvelli og gefst farþegum kostur á að tengjast Suður-Ítalíu með beinu flugi frá Íslandi.

Við fögnum því að easyJet bæti Napólí við leiðakerfi sitt frá Keflavíkurflugvelli sumarið 2027. Nýja leiðin styrkir enn frekar tengingar Íslands við Ítalíu og er skýrt merki um áframhaldandi vöxt og traust easyJet á íslenskum markaði.

napoli italy kef flights.jpg

easyJet bætir við flugi frá Napólí

KEF_airport_DSC1879.jpg

Fyrir tímabilið sem endaði 30. júní 2026.

Rekstrarafkoma af samstæðu Isavia fyrir afskriftir, fjármagnsliði og skatta (EBITDA) á fyrri helmingi ársins 2026 var jákvæð um 3.338 milljónirkróna samanborið við 4.245 milljónir  króna fyrir sama tímabil á síðasta ári. Lækkunin milli ára nemur um 907 milljónum króna. Tekjur samstæðunnar lækkuðu um 4.158 milljónir króna milli tímabila og námu 20.295 milljónum króna. „Lækkunina á tekjum samstæðunnar má annars vegar rekja til þess að rekstur fríhafnarverslunar á Keflavíkurflugvelli færðist frá dótturfélaginu Fríhöfninni ehf. til nýs rekstraraðila í maí 2025 og hins vegar fækkaði farþegum um Keflavíkurflugvöll milli ára vegna gjaldþrots flugfélagsins Play,“ segir Sveinbjörn Indriðason, forstjóri Isavia. Heildarafkoma tímabilsins var jákvæð  um 441 milljón króna samanborið við jákvæða afkomu upp á um 1.130 milljónir króna fyrir sama tímabil í fyrra. Fjárfestingar samstæðunnar námu um 5.659 milljónum króna á fyrstu 6 mánuðum ársins samanborið við  6.107 milljónir króna fyrir sama tímabil í fyrra.    Á fyrstu 6 mánuðum ársins fóru um 3,4 milljónir farþega um Keflavíkurflugvöll sem er um 8% fækkun á milli ára.     Lykiltölur úr hálfsársuppgjöri samstæðu Isavia 2026 <ul><li>Tekjur: 20.295 milljónir króna  </li><li>Rekstrarhagnaður fyrir afskriftir, fjármagnsliði og skatta (EBITDA): 3.338 milljónir króna </li><li>Heildarafkoma eftir skatta: 441 milljón króna </li><li>Handbært fé: 5.505 milljónir króna </li><li>Fjárfestingar í rekstrarfjármunum og óefnislegum eignum: 5.659 milljónir króna </li><li>Eigið fé í lok tímabils: 53.125 milljónir króna </li><li>Eiginfjárhlutfall: 42,06%  
</li></ul>

Árshlutauppgjör Isavia 2026 

Hægt er að skoða árshlutauppgjörið <a href="https://eu-assets.contentstack.com/v3/assets/bltde8e98ee10782d85/bltbf838c205ed3e147/6ab5296e5d8d824316aab777/Isavia_ohf_samstæðuárshlutareikningur_30_6_2026.pdf" target="_self">hér.</a>

Árshlutauppgjör Isavia 2026

Adalskipulag 1.jpg

KEF airport drone above.jpg

Skipulagsnefnd Keflavíkurflugvallar hefur samþykkt að auglýsa tillögu að nýju aðalskipulagi fyrir tímabilið 2023–2040.

<a href="https://www.kefairport.is/fyrirtaekid/skipulagsmal/skipulag-kynningu" target="_blank">Tillagan</a> er unnin í samstarfi Isavia ohf., Landhelgisgæslu Íslands, varnarmálasviðs í umboði utanríkisráðherra og skipulagsnefndar flugvallarins. Markmið hennar er að skapa stefnu fyrir þróun og uppbyggingu flugvallarsvæðisins til næstu ára, bæði með tilliti til vaxandi flugumferðar og þeirra öryggis- og varnarskuldbindinga sem Ísland hefur á svæðinu.

Keflavíkurflugvöllur er helsta alþjóðagátt landsins og gegnir lykilhlutverki í samgöngum, ferðaþjónustu og atvinnulífi þjóðarinnar. Nýtt aðalskipulag byggir meðal annars á Þróunaráætlun Isavia til ársins 2045, þar sem gert er ráð fyrir áframhaldandi vexti flugvallarins og stækkun innviða í takt við fjölgun farþega. Skipulagið á að tryggja að flugvöllurinn hafi nægt svigrúm til vaxtar, bætta þjónustu við notendur og styrka stöðu sína sem alþjóðlegur tengiflugvöllur milli Evrópu og Norður-Ameríku. Jafnframt er lögð áhersla á að skipulagið styðji við varnarskuldbindingar Íslands og starfsemi á öryggissvæði flugvallarins.

Mikilvægt skref í framtíðaruppbyggingu flugvallarins

Ein veigamesta breytingin í aðalskipulaginu felst í því að lagt er til að flugbraut 07/25 verði felld út. Flugbrautin hefur ekki verið í notkun í meira en 25 ár og samkvæmt greiningum hefur brautin lítil áhrif á nothæfi flugvallarins. Ávinningur af rekstri hennar er því talinn óverulegur á móti kostnaði. Með niðurfellingu hennar losnar jafnframt um landsvæði sem getur nýst til frekari uppbyggingar. Á svæðinu er gert ráð fyrir nýju flugþjónustusvæði með uppbyggingu sem tengist flugrekstri, vöruflutningum, þjónustu og annarri starfsemi sem þarf að vera í næsta nágrenni flugvallarins. Svæðið er talið skapa ný tækifæri fyrir flugtengda atvinnustarfsemi og bætta samnýtingu innviða.  Önnur mikilvæg breyting er aukið byggingarmagn bæði á flugþjónustusvæðum og innan öryggissvæðis flugvallarins. Byggingarheimildir á öryggissvæði B eru auknar verulega til að mæta þörfum vegna varnartengdrar starfsemi og framtíðaruppbyggingar. Jafnframt eru mörk milli flugvallarsvæðis (A-svæðis) og öryggissvæðis (B-svæðis) uppfærð til samræmis við nýrri lagaramma og skilgreiningar ríkisins.

Helstu breytingar frá gildandi aðalskipulagi

Í tillögunni er einnig horft til bættrar aðkomu að flugvellinum og betri tenginga við nærliggjandi sveitarfélög m.a. í ljósi tvöföldunar Reykjanesbrautar. Gert er ráð fyrir tengingum við nýtt flugþjónustusvæði nálægt Aðaltorgi og mögulegu sérrými fyrir almenningssamgöngur til framtíðar. Markmiðið er að bæta flæði farþega, starfsfólks og vöruumferðar. Mikil áhersla er jafnframt lögð á sjálfbærni. Skipulagið gerir ráð fyrir blágrænum ofanvatnslausnum, aukinni endurnýtingu jarðvegs sem fellur til vegna framkvæmda og aðstöðu fyrir meðhöndlun hans. Þá er undirbúið fyrir orkuskipti í flugi, m.a. með innviðum fyrir nýja orkugjafa og sjálfbært flugeldsneyti.

 Aukin áhersla á samgöngur og sjálfbærni

Skipulagsvinna við endurskoðunina hófst með kynningu skipulagslýsingar haustið 2023. Í kjölfarið var vinnslutillaga kynnt sumarið 2025 og bárust umsagnir frá sveitarfélögum, stofnunum, fyrirtækjum og öðrum hagsmunaaðilum. Þær athugasemdir hafa verið teknar til greina og unnin hefur verið endanleg tillaga til auglýsingar.  
Tillagan að Aðalskipulagi Keflavíkurflugvallar 2023–2040 hefur nú verið samþykkt til auglýsingar og er aðgengileg í <a href="https://skipulagsgatt.is/issues/2023/567" target="_blank">Skipulagsgátt Húsnæðis-, mannvirkja- og skipulagsstofnunar (HMS) frá 11. september til 23. október 2026.</a> Á því tímabili geta allir þeir sem telja sig eiga hagsmuna að gæta kynnt sér gögnin og sent inn athugasemdir. Að loknu auglýsingatímabili verður farið yfir innsendar umsagnir og athugasemdir áður en tekin verður endanleg ákvörðun um staðfestingu aðalskipulagsins.

Hvar er ferlið statt? 

Nýtt aðalskipulag KEF í kynningu

KEF-Farthegatolur-Agust-1200x628px-ISL-0926.png

Við tókum á móti 893.214 gestum á Keflavíkurflugvöll (KEF) í ágúst 2026.

Í ágúst 2026 fóru 893.214 farþegar um Keflavíkurflugvöll (KEF), sem er 9,9% fækkun frá sama mánuði í fyrra.Alls flugu 26 flugfélög beint frá Keflavíkurflugvelli til 74 áfangastaða í ágúst. Vinsælustu áfangastaðirnir í mánuðinum voru Kaupmannahöfn, New York og London.Mest var um að vera á Keflavíkurflugvelli 2. ágúst, þegar 31.662 farþegar fóru um flugvöllinn.

Ágúst 2026

Brottfarir erlendra ferðamanna frá Keflavíkurflugvelli voru um 314 þúsund í ágúst. <a href="https://www.ferdamalastofa.is/is/um-ferdamalastofu/frettir/314-thusund-brottfarir-erlendra-ferdamanna-i-agust" target="_self">Samkvæmt tölum Ferðamálastofu </a>voru brottfarir erlendra ferðamanna svipað margar og í sama mánuði í fyrra.Brottfarir Íslendinga voru tæplega 52 þúsund í ágúst, sem er 10% færri brottfarir en í sama mánuði í fyrra.Bandaríkjamenn voru fjölmennasti hópur erlendra farþega sem fór frá Íslandi í ágúst. Um 107 þúsund Bandaríkjamenn fóru frá landinu í mánuðinum, eða 33,9% allra brottfara erlendra farþega. Brottfarir Bandaríkjamanna voru 27,2% fleiri en í ágúst í fyrra.Kanadamenn voru næstfjölmennastir, um 23 þúsund talsins, eða 7,3% af heildarfjölda brottfara erlendra farþega. Það er 54,5% aukning frá sama mánuði í fyrra.Þjóðverjar voru þriðja fjölmennasta þjóðernið, með um 22 þúsund brottfarir, eða 7,1% af heildinni. Það er 5,7% fækkun frá fyrra ári.

Brottfarir erlendra ferðamanna

Þegar litið er á fyrstu átta mánuði ársins hafa um 1,56 milljónir erlendra farþega farið frá Íslandi. Það er svipaður fjöldi og á sama tímabili í fyrra, en brottförum erlendra farþega hefur fækkað um 1,0%.Á sama tímabili hafa Íslendingar farið í um 435 þúsund ferðir utan. Það er 10,4% færri ferðir en á sama tímabili í fyrra.

Fyrstu átta mánuðir ársins

893 þúsund gestir í ágúst

Island Duty Free Iceland Opens Keflavik airport 2.jpg

Island Duty Free Iceland Opens Keflavik airport.jpg

ÍSLAND Duty Free, íslenskt dótturfélag Gebr. Heinemann, hefur lokið endurbótum og endurnýjað að fullu fríhafnarverslanirnar á Keflavíkurflugvelli (KEF). Endurhönnunin hefur staðið yfir frá því Gebr. Heinemann tók við rekstri fríhafnarverslananna vorið 2025. Verslanirnar voru opnaðar formlega miðvikudaginn 9. september 2026. 

Gebr. Heinemann rekur þrjár verslanir á Keflavíkurflugvelli: brottfararverslun (um 1.600 m²), komuverslun (um 2.000 m²) og verslun við brottfararhlið. Lögð er áhersla á jákvæða upplifun viðskiptavina sem felst meðal annars í góðu aðgengi og þægindum fyrir viðskiptavini. Þá er lögð rík áhersla á fjölbreytt vöruúrval í helstu vöruflokkum eins og ilmvötnum og snyrtivörum, áfengi, sælgæti, tóbaki, og tísku- og lífsstílsvörum. Á bilinu 120 til 160 starfsmenn starfa hjá Ísland Duty Free, allt eftir árstíma og álagi. Kostnaður við verslanirnar þrjár nam meira en 1,5 milljarði króna en breytingarnar og endurhönnunin eru þær viðamestu sem gerðar hafa verið á fríhafnarverslun á Keflavíkurflugvelli frá upphafi og ein stærsta fjárfesting í ferðaþjónustuverslun á Íslandi.

Ein stærsta fjárfesting í ferðaþjónustuverslun hingað til 

Hönnuninni á verslunum er ætlað að skapa ósvikna íslenska upplifun. Að minnsta kosti 30% allra vörumerkja í verslunum Ísland Duty Free eru íslensk og meira en 370 m² af verslunarrými eru tileinkaðir íslenskum vörum, íslenskri frásagnarlist og upplifun af íslenskum vörumerkjum. Arkitektúr, efnisval og vöruúrval var unnið í samvinnu við Basalt arkitekta, eina af þekktustu arkitekta- og hönnunarstofu Íslands, og endurspegla íslensku þjóðarsálina á sama tíma og þörfum alþjóðlegra farþega er mætt. Í miðju verslunarinnar er sérstakt svæði tileinkað íslenskum vörumerkjum í sérhönnuðu umhverfi. Þá hafa verið sett upp svæði þar sem íslenskir hönnuðir og framleiðendur geta kynnt vörur sínar. Markmiðið er að veita innlendum framleiðendum tækifæri til að tengjast alþjóðlegum ferðamönnum og styrkja sýnileika íslenskrar nýsköpunar, handverks og frumkvöðlastarfs. Ferðalangar finna þannig þekkt íslensk nöfn á borð við Blue Lagoon Skin Science, BIOEFFECT, Nóa Síríus, Freyju, Saltverk, Circolo og Fischersund við hlið leiðandi alþjóðlegra vörumerkja eins og Sol de Janeiro, Maison Margiela, Summer Fridays, KESS, Parfums de Marly, Byredo, Diptyque, Tom Ford, Kérastase, Jo Malone London og LANEIGE í snyrtivörum og Neuhaus, Venchi, Summerbird, Godiva, Biscoff, Barebells, Ritter Sport og M&M's í sælgæti. Áfengisúrvalið spannar allt frá íslensku handverksbrennivíni til heimsþekktra alþjóðlegra framleiðenda. Í fyrsta skipti eru vörumerki eins Kess, Byredo, Creed, Fugazzi Fragrances, Initio Parfums Privés, Kilian, Parfums de Marly, Xerjoff, Babor, Isntree, Venchi, Summerbird, Henriot og Louis Bouillot til sölu á Íslandi og fást þau eingöngu í verslunum Ísland Duty Free.

Íslenskar vörur í öndvegi 

Í verslunum er lögð áhersla á gagnvirkar lausnir eins og svokallaða „lyftu og lærðu“ tækni (lift and learn) sem virkar þannig að þegar vara er tekin úr hillu birtast upplýsingar og áhugaverðar sögur á skjá sem auðveldar viðskipavinum að bera saman vörutegundir og veitir þeim frekari upplýsingar um vöruna. Í verslunum er einnig að finna sjálfs- og snjallsímaafgreiðslu, stafræna hillumiða og stafrænar verð- og tollkvótaleiðbeiningar. Í komuverslun er lögð áhersla á hraða, skilvirkni og sparnað. Meðal nýjunga þar er færanlegur smakkbar fyrir sælgæti, sérstök „Rauð svæði“ (Red Zones) sem auðveldar aðgang að innlendum og alþjóðlegum tilboðum, snyrtivöruráðgjöf og staður til þess að taka sjálfu sem listamaðurinn Juan Arctic hannaði. Þá er boðið upp á svokallað „Click & Collect“ (smella & sækja) og „Reserve & Collect“ (panta & sækja) á vefsíðu Ísland Duty Free og í verslunum má finna gagnvirk tæki sem aðstoða við að finna vörur og verð. Að auki gefst fólki tækifæri til að skrá sig í vildarfélag Ísland Duty Free sem býður upp á sérstök tilboð og verð fyrir meðlimi, ekki bara á Íslandi heldur í öllum fríhafnarverslunum sem Gebr. Heinemann rekur.

Stafræn nýsköpun og gagnvirkni 

Lögð var áhersla á sjálfbærni í allri hönnun og framsetningu. Þannig var endurunnið efni nýtt í miklum mæli. Sem dæmi þá eru innréttingarnar frá spænska fyrirtækinu Nagami sem sérhæfir sig í framleiðslu með þrívíddarprentun úr endurunnu plasti sem að hluta til er fengið úr sjó. Þá er veggfóðrið í verslunum frá Omexco MINERALS en það er unnið úr endurunnum pappír og fínu glimmeri. Að auki er lýsingin orkusparandi og hillumiðarnir eru stafrænir. Í verslununum er svo Dopper-vatnsstöð þar sem fólk fær ókeypis áfyllingu af fersku kranavatni sem styður við hringrásarhagkerfið frá degi til dags. Dopper-vatnsstöðin var sett upp í samvinnu við ISAVIA.

Notast við endurunnið plast úr sjónum 

Max Heinemann

Með opnun ÍSLAND Duty Free hefjum við nýjan kafla í norrænni ferðaþjónustuverslun hér í Keflavík. Við erum afar ánægð með það traust sem Isavia hefur sýnt okkur og höfum fjárfest verulega í verslununum til að bjóða ferðamönnum upp á upplifun sem er ætlað að vera jafn einstök og Ísland sjálft. Verslanirnar á Keflavíkurflugvelli eru mjög stefnumarkandi fyrir okkur því með þessu verkefni sýnum við hvernig næsta kynslóð ferðaþjónustuverslunar getur litið út þar sem áhersla er lögð á djúpstæðar rætur samfélagsins og stafræna upplifun sem er hönnuð með þarfir nútímaferðalangsins í huga

Sveinbjörn Indriðason forstjóri Isavia fagnar samstarfinu og segir það mikilvægan áfanga fyrir Keflavíkurflugvöll: „Sú upplifun sem við bjóðum uppá á Keflavíkurflugvelli skiptir miklu máli þar sem flugvöllurinn er tengin okkar við umheiminn. Fjölbreytt og gott vöruúrval í fríhafnarversluninni gegnir þar lykilhlutverki og gerir flugvöllinn samkeppnishæfari. Heinemann býr yfir mikilli þekkingu og sérfræðikunnáttu á þessu sviði og við hlökkum til að bæta upplifun farþega enn frekar. Um leið sköpum við verðmæti fyrir íslensk vörumerki og landið allt.“ Jens Wolf, sölustjóri hjá Gebr. Heinemann, segir nýju ásýndina vera afrakstur náins samstarfs við birgja Gebr. Heinemann. „Þeir tóku framtíðarsýn okkar fagnandi strax í upphafi og með því að blanda saman sterkum íslenskum vörum og leiðandi alþjóðlegum vörumerkjum höfum við skapað úrval sem er bæði mjög íslenskt en um leið á heimsmælikvarða. Þessi blanda er nákvæmlega það sem ferðamenn eru að leita að og hún gefur samstarfsaðilum okkar frábæran vettvang til að kynna vörumerki sín.“

Mikilvægur áfangi fyrir Keflavíkurflugvöll 

Island Duty Free Iceland Opens Keflavik airport 7.jpg

Island Duty Free Iceland Opens Keflavik airport 8.jpg

Island Duty Free Iceland Opens Keflavik airport 4.jpg

Island Duty Free Iceland Opens Keflavik airport 6.jpg

Island Duty Free Iceland Opens Keflavik airport 9.jpg

Island Duty Free Iceland Opens Keflavik airport 3.jpg

Island Duty Free Iceland Opens Keflavik airport 5.jpg

Fríhafnarverslanir Heinemann opnaðar

img_1030.jpg

Keflavíkurflugvöllur er áfram einn af aðalstyrktaraðilum Ljósanætur í Reykjanesbæ og tekur þátt í að skapa fjölbreytta menningar- og fjölskylduhátíð fyrir samfélagið.

Keflavíkurflugvöllur er áfram einn af aðalstyrktaraðilum Ljósanætur í Reykjanesbæ og er í ár einn af níu svokölluðum Ljósberum hátíðarinnar. Sveinbjörn Indriðason, forstjóri Isavia, undirritaði styrktarsamning Keflavíkurflugvallar (KEF) við Reykjanesbæ fyrir hönd KEF við hátíðlega athöfn í Hljómahöll.Ljósanótt verður haldin dagana 3.–6. september og er ein stærsta bæjarhátíð landsins. Hátíðin sameinar íbúa, félög, listafólk og fyrirtæki í kringum fjölbreytta menningar- og fjölskyldudagskrá.

KEF leggur áherslu á að taka virkan þátt í samfélaginu á Suðurnesjum og styðja við verkefni sem efla menningu, mannlíf og samfélag. Stuðningurinn við Ljósanótt er hluti af þeirri áherslu.Ljósanótt er gott dæmi um hvað getur gerst þegar samfélagið leggst á eitt. Á sjötta tug fyrirtækja styðja hátíðina í ár með fjárframlögum, þjónustu og margvíslegu samstarfi og skiptir stuðningur atvinnulífsins miklu máli við að gera umfangsmikla og fjölbreytta dagskrá hátíðarinnar að veruleika.

Stuðningur við samfélagið

Ljósanótt sameinar fólk á öllum aldri og gefur íbúum, félögum, listafólki og fyrirtækjum tækifæri til að taka þátt í að skapa hátíðina. Þessi samstaða endurspeglast í einkunnarorðum hátíðarinnar, „Saman með ljós í hjarta.“Í ár eru Ljósberar Ljósanætur níu talsins: Landsbankinn, Skólamatur, KEF Keflavíkurflugvöllur, BUS4U, Blue Car Rental, Nettó, GTS, JeEs arkitektar og Reykjanes Investment.Keflavíkurflugvöllur er stoltur af því að vera áfram Ljósberi og leggja sitt af mörkum til Ljósanætur og samfélagsins á Suðurnesjum.Ljósanótt verður haldin 3.–6. september. Dagskrá hátíðarinnar má finna á <a href="https://www.ljosanott.is/">ljosanott.is</a>.

Saman með ljós í hjarta

Keflavíkurflugvöllur áfram Ljósberi Ljósanætur

American Airlines Philadelphia KEF flights to Iceland.jpg

American Airlines Philadelphia KEF flights to Iceland 2.jpg

Hefur daglegt flug milli kef og fíladelfíu sumarið 2027

Bandaríska flugfélagið American Airlines tilkynnti í dag um nýja áætlunarleið milli Keflavíkurflugvallar (KEF) og Fíladelfíu (PHL), sem hefst 27. maí 2027. Flogið verður daglega yfir sumartímann á Airbus A321neo flugvél sem tekur 196 farþega.American Airlines snýr þar með aftur til Íslands eftir nokkurra ára fjarveru. Félagið hóf flug milli KEF og Dallas-Fort Worth 2018 og áformaði að bæta Fíladelfíu við sem áfangastað 2020. Ekkert varð af því vegna heimsfaraldursins og hætti félagið einnig flugi milli Íslands og Dallas.„Við á Keflavíkurflugvelli bjóðum American Airlines aftur velkomið til okkar og fögnum þessari ákvörðun,“ segir Ómar Svavarsson, framkvæmdastjóri viðskipta á KEF.

Það er ánægjulegt að fá félagið aftur í flugvallarsamfélagið okkar á vellinum. Þessi nýja leið styrkir tengingu okkar við Norður-Ameríku og sýnir að þetta stóra flugfélag hefur sterka trú á áfangastaðnum Íslandi.

„Við erum afar spennt að snúa aftur til Íslands með nýju flugi milli KEF og Fíladelfíu,“ segir José A. Freig, framkvæmdastjóri alþjóðlegra rekstrarmála og samstarfsaðila hjá American Airlines.

José A. Freig

Með þessari nýju leið fá farþegar frá Íslandi og Norðurlöndunum greiðan aðgang að einum ört vaxandi tengiflugvelli okkar í Bandaríkjunum. Frá Fíladelfíu geta þeir ferðast áfram til meira en 100 áfangastaða víðs vegar um Bandaríkin og til annarra heimshluta.

American Airlines snýr aftur

Air China Airbus China Iceland Flights KEF PEK.jpg

Kínverska flugfélagið Air China hefur tilkynnt formlega um áætlunarflug milli Kína og Íslands sem hefst í lok október

Flogið verður þrisvar í viku milli Beijing og Keflavíkurflugvallar (KEF) með viðkomu í Kaupmannahöfn á báðum leiðum.

Nýja leiðin er mikilvægur áfangi í áframhaldandi uppbyggingu alþjóðlegs leiðakerfis Keflavíkurflugvallar og styður við markmiðið um að tengja heiminn í gegnum Ísland. Tengingin skapar ný sóknarfæri fyrir íslenska ferðaþjónustu, viðskipti og menningartengsl milli landanna. Við á KEF hlökkum til að taka á móti farþegum Air China.

Air China flýgur til KEF

KEF Ljosmyndir-Starfsfólk-18.jpg

Möguleiki á lengri bið í öryggisleit en vanalega 

Gera má ráð fyrir töluverðum fjölda farþega í flugstöðinni á Keflavíkurflugvelli um þessa dagana. Áætlað er að margir þeirra gesta sem heimsótt hafa Ísland síðustu vikur vegna almyrkvans 12. ágúst séu að fara úr landi. Því má búast við lengri bið í öryggisleit en alla jafna. Allar öryggisleitarlínur á vellinum eru opnar og starfsfólk okkar á staðnum til að aðstoða farþega eftir fremsta megni.

Lengri bið í öryggisleit vegna aukins fjölda farþega

Öryggisleit kef Kef security screenning.jpg

Möguleiki á lengri bið í öryggisleit en alla jafna föstudaginn 14. ágúst

Gera má ráð fyrir töluverðum fjölda farþega í flugstöðinni á Keflavíkurflugvelli að morgni föstudagsins 14. ágúst. Þann dag er áætlað að margir þeirra gesta sem heimsótt hafa Ísland síðustu vikur vegna almyrkvans 12. ágúst séu að fara úr landi. Því má búast við lengri bið í öryggisleit en alla jafna. Allar öryggisleitarlínur á vellinum verða opnar og starfsfólk okkar verður til staðar til að aðstoða farþega eftir fremsta megni.

Lengri bið í öryggisleit 14. ágúst

KEF-Farthegatolur-Juli-1200x628px-ISL-0826.png

Við tókum á móti 917.261 gestum á Keflavíkurflugvöll (KEF) í júlí 2026.

Í júlí 2026 fóru 917.261 gestir um Keflavíkurflugvöll (KEF), sem er 7,6% færri farþegar en í júlí 2025. Alls flugu 25 flugfélög til 76 áfangastaða frá Keflavíkurflugvelli í mánuðinum. Vinsælustu áfangastaðirnir voru Kaupmannahöfn, London, New York, og París. Mest var umferðin um flugvöllinn þann 26. júlí þegar 31.738 farþegar fóru um KEF. 
Brottfarir erlendra gesta frá Keflavíkurflugvelli voru um 293 þúsund í júlí. <a href="https://www.ferdamalastofa.is/is/um-ferdamalastofu/frettir/293-thusund-brottfarir-erlendra-ferdamanna-i-juli" target="_self">Samkvæmt tölum Ferðamálastofu</a> voru brottfarir erlendra ferðamanna 3,1% færri en í sama mánuði árið 2025. 
Brottfarir Íslendinga voru um 67 þúsund í júlí, sem er 1,8% aukning frá sama mánuði í fyrra. Bandaríkjamenn voru fjölmennasti hópur erlendra farþega sem yfirgaf landið í júlí. Um 101 þúsund Bandaríkjamenn fóru frá Íslandi í mánuðinum, eða um 34,5% allra brottfara erlendra farþega. Fjöldinn var svipaður í júlí 2025, en brottfarir Bandaríkjamanna drógust saman um 1,1%. Þjóðverjar voru næstfjölmennastir, um 25 þúsund talsins, eða um 8,6% allra brottfara erlendra farþega. Það er 14,9% aukning frá sama mánuði í fyrra. Bretar voru þriðji fjölmennasti hópurinn með um 22 þúsund brottfarir, eða 7,4% af heildarfjölda. Brottförum Breta fjölgaði um 25,2% frá júlí 2025. 

Frá upphafi árs hafa um 1,25 milljónir erlendra farþega yfirgefið Ísland um Keflavíkurflugvöll. Fjöldinn er nær óbreyttur frá sama tímabili árið 2025, en þó mælist 1,4% samdráttur. Íslendingar hafa farið í um 384 þúsund ferðir til útlanda frá áramótum þetta árið. Það er 10,4% færri ferðir en á fyrstu sjö mánuðum síðasta árs.

Júlí 2026

917 þúsund gestir í júlí

Komusvæði-KEF.png

Ný og bætt aðkoma að komusvæðinu við KEF hefur verið tekin í notkun. Með nýrri innkeyrslu, yfirbyggðum gönguleiðum og aukinni þjónustu hefur aðstaða fyrir farþega og þá sem sækja þá verið stórbætt.

Búið er að opna nýja og bætta innkeyrslu inn á komusvæðið við flugstöðina á Keflavíkurflugvelli þar sem meðal annars má finna komubílastæðin eða sótt úr flugi (P2). Nýju aðkomuna inn á svæðið má sjá á meðfylgjandi mynd.Síðustu mánuði hafa miklar framkvæmdir hafa staðið yfir á bílastæðunum þeim megin þar sem komufarþegar koma út úr flugstöðinni. Því verkefni mun senn ljúka og öll aðstaðan þar mikið bætt fyrir farþega og allt fólk sem sækir þjónustu eða veitir hana við flugstöðina. Búið er að byggja yfir <a href="https://www.kefairport.is/kefplus/verkefni/gonguleidir">helstu gönguleiðir</a> á svæðinu (grænmerktar gönguleiðir á meðfylgjandi mynd). Farþegar eru þannig varðir fyrir veðri og vindum á leið sinni að eða frá þeim samgönguleiðum sem þeir hafa valið.  
Þá hefur rennu verið komið fyrir vestast á P2 þar sem hægt er að sækja farþega með sama hætti og þeim er skutlað í flug um rennuna hinum megin. Gjaldfrjálst er í hálfa klukkustund á P2 komubílastæðasvæðinu þannig að gestir hafa rúman tíma til að sækja komufarþega þar. Á næstu vikum verður framkvæmdum á komubílastæðunum að mestu lokið og nýjar og skýrar merkingar komnar upp.   

Þessu til viðbótar er áformað að koma upp sérstakri hjólaaðstöðu á komusvæðinu eins og sjá má á skýringarmynd. Það svæði er hugsað fyrir starfsfólk til að geyma reiðhjól sem það notar til að komast til vinnu, <a href="https://www.kefairport.is/kefplus/verkefni/betri-hjolaadstada" target="_self">meira um það hér</a>. Fyrir farþega verða geymsluskápar fyrir hjólatöskur og aðstaða til samsetningar og undirbúnings reiðhjóla. Verðfyrirspurn vegna uppbyggingar nýju hjólaaðstöðunnar er í fullum gangi. 
Fjölmörg framkvæmdaverkefni eru í vinnslu á flugstöðvarsvæðinu, <a href="https://www.kefairport.is/kefplus/verkefni">nánari upplýsingar um framkvæmdir á KEF má finna hér</a>.

Ný og bætt aðkoma að komubílastæðum við Keflavíkurflugvöll

Bætt aðkoma við Keflavíkurflugvöll

554803103_10163660332880242_4335889896360429275_n.jpg

Fjórtán björgunarsveitir deila með sér 10 milljónum króna sem úthlutað var úr Styrktarsjóði Isavia og Slysavarnarfélags Landsbjargar í sumar. Úthlutað var til fjórtán skilgreindra verkefna hjá sveitunum.

Á þessu ári var alls 10 milljónum króna úthlutað til 14 verkefna hjá björgunarsveitum víðs vegar um landið. Styrkirnir renna meðal annars til kaupa á nýjum björgunar- og fyrstuhjálparbúnaði, endurnýjunar tækja og búnaðar fyrir viðbragð á sjó, sem og verkefna sem efla viðbragðsgetu og öryggi sjálfboðaliða. 
Meðalstyrkur nam um 714 þúsund krónum og hæstu styrkirnir voru 1 milljón króna. Meðal verkefna sem hlutu styrk voru kaup á sæþotum fyrir Björgunarfélag Ísafjarðar til að efla viðbragð á sjó og lagfæringar á björgunarbáti Björgunarsveitarinnar Bjargar á Drangsnesi. Þá fengu nokkrar björgunarsveitir styrki til kaupa á hópslysabúnaði, fyrstuhjálparbúnaði og sérhæfðum búnaði sem nýtist við leit, björgun og sjúkraflutninga. 
Úthlutunin endurspeglar fjölbreytt starf björgunarsveitanna um land allt og styður við mikilvæga uppbyggingu á búnaði sem nýtist bæði í daglegum verkefnum og við stærri neyðaratvik. Með styrkjunum skapast betri aðstæður til að sinna björgunarstörfum af öryggi og fagmennsku, til hagsbóta fyrir samfélagið allt. 
Þrátt fyrir að fjöldi góðra verkefna hafi ekki fengið styrk að þessu sinni, undirstrikar niðurstaðan skýra þörf fyrir áframhaldandi uppbyggingu sjóðsins og mögulega aukið fjármagn til að mæta eftirspurn. Björgunarsveitirnar sem fengu styrki að þessu sinni segja fjárframlagið skipta sköpum í verkefnum þeirra.

10 milljónum króna úthlutað til 14 björgunarsveitaverkefna

processed-3514F073-BF5C-4787-8361-70E467CB78A2.jpeg

Björgunarsveitin Súlur á Akureyri stefnir á að fjárfesta í mjúkbotna slöngubáti sem nýtist vel sem viðbragð í sjónum og ánni sem umlykja að miklu leiti flugbrautina á Akureyrarflugvelli. Báturinn mun því verða mikilvægt tæki í viðbragði ef upp koma atvik tengd flugvellinum. Báturinn er valinn sérstaklega með það í huga, þ.e.a.s. ekki of langur og með stuttan mótorhæl. Jafnframt muni báturinn gegna mikilvægu hlutverki í þjálfunarferli björgunarsveitarfólks á önnur meira krefjandi vatnatæki sveitarinnar, sem einnig gegni lykilhlutverki komi til útkalls á pollinum eða á ánni. Þá sé bátur af þessari stærð mjög þægilegur í flutningi og mun því geta veitt hratt viðbragð í sjó, ám og vötnum á nærliggjandi svæðum.

Björgunarsveitin Súlur

Hjálparsveit skáta í Garðabæ ætlar að nýta styrkinn til kaupa á mikilvægum búnaði til kennslu í fyrstu hjálp sem nýtist einnig við björgunarstörf. Þar má helst nefna ný hjartastuðtæki með myndrænum leiðbeiningum og raddskipun á þremur tungumálum. Einnig voru keypt kennslutæki sem búin eru þeim eiginleikum að vera með forhlöðnum þjálfunaratvikum fyrir hjartastopp og nýtast því vel til þjálfunar og kennslu. Það eykur færni fólks í hjálparsveitinni við notkun hjartastuðtækja.Styrkurinn nýttist jafnframt til kaupa á dýnu sem er sérstaklega hönnuð til að styðja vel við líkama einstaklings þegar flytja þarf hann á börum. Dýnan mótast að líkamanum með lofttæmingu og er mun léttari en sú dýna sem hjálparsveitin hafði áður yfir að ráða og því meðfærilegri í starfi.Að lokum var styrkurinn nýttur til kaupa á kennslubúnaði fyrir borðæfingar í stjórnun aðgerða, sem ætlað er að auka skilning á því hvernig flóknum aðgerðum, svo sem stórslysum, er stýrt innan almannavarnakerfisins og hvert hlutverk björgunarfólks er í slíku viðbragði. Búnaðurinn mun styðja við kennslu nýliða sem og endurmenntun og þjálfun starfandi félaga.

Hjálparsveit skáta í Garðabæ

1000003717.jpg

Viðbragð á sjó við Ísafjarðardjúp hefur styrkst til muna undanfarin ár en sjósókn þar er mikil. Styrkurinn gerið Björgunarfélagi Ísafjarðar það mögulegt að auka viðbragð á sjó enn frekar en um 80% af verkefnum félagsins tengist hafinu. Hraði skipti oft miklu máli þegar líf séu í hættu og með öflugum og hraðskreiðum björgum verði hægt að bregðast hratt við. Þegar félagið hafi sóttum um þá hafi verið íhugað hvað það væri sem vantaði í verkfærakistuna og í umræðu innan félagsins hafi sæþotur reglulega verið nefnd. Félagið telji að þau tæki geti nýst vel í leit og björgun á svæðinu og aukið viðbragð enn frekar og um leið öryggi þeirra sem um svæðið fara.

Björgunarfélag Ísafjarðar

Björgunarsveitin Suðurnes býr yfir umfangsmiklum hópslysabúnaði sem hefur gegnt mikilvægu hlutverki í viðbragðsgetu sveitarinnar um árabil. Með alþjóðaflugvöllinn í bakgarðinum sinni sveitin meðal annars hlutverki aðhlynningarstjóra samkvæmt flugslysaáætlun Keflavíkurflugvallar og beri því ábyrgð á mikilvægum búnaði sem notaður sé við uppsetningu söfnunarsvæðis slasaðra í flugslysum og öðrum hópslysum. Fram til þessa hafi búnaðurinn verið geymdur í litlum færanlegum gámi sem hafi þjónað sínu hlutverki vel í gegnum árin. Með auknum búnaði og breyttum kröfum hafi hins vegar orðið ljóst að kominn væri tími á endurnýjun og bætta aðstöðu. Því hafi verið fjárfest í stórri yfirbyggðri kerru sem geymi í dag allan þann búnað sem nauðsynlegur sé til að setja upp söfnunarsvæði slasaðra með skjótum og öruggum hætti þegar á reyni. Kerran auki bæði yfirsýn, aðgengi og viðbragðsgetu sveitarinnar og sé mikilvægt skref í áframhaldandi uppbyggingu viðbragðs á Suðurnesjum.

Björgunarsveitin Suðurnes

1000006864.jpg

Ingunn á Laugarvatni er lítil björgunareining með takmörkuð tækifæri fyrir stórum fjáröflunum. Félagsfólk segir styrkinn skipta máli því björgunarsveitin sjái um að sinna stóru svæði. Hægt verði að endurnýja og fjárfesta í nýjum búnaði sem bráðnauðsynlegur. Þá sérstaklega hægt að kaupa börur með hjólabúnaði og sérstökum ofkælingarbúnaði.

Ingunn Laugarvatni

Í fyrravor undirrituðu Isavia ohf. og Slysavarnarfélagið Landsbjörg samning til næstu þriggja ára um úthlutun þrjátíu milljóna króna í öflugt starf Landsbjargar um land allt. Með þessu samkomulagi var Styrktarsjóður Isavia og Slysavarnarfélagsins Landsbjargar endurvakinn eftir að hafa legið í dvala síðan í heimsfaraldri. Sjóðurinn var upphaflega stofnaður árið 2012 með það að markmiði að efla hópslysaviðbúnað í nágrenni flugvalla og fjölfarinna ferðmannastaða á Íslandi.Sótt var um úthlutun í gegnum Landsbjörg. Vinnuhópur styrktarsjóðsins fer yfir umsóknirnar. Þar er tryggð fagleg nálgun og sameiginlegt mat aðila sem koma að neyðarviðbúnaði. Þar er horft til nokkurra þátta.·      Flugvallartenging verkefnisins 25% vægi ·      Hversu þarft verkefnið er 20% ·      Áhrif í viðbragði 20% ·      Notagildi utan alfaraleiðar 15% ·      Hefur verkefnið áhrif á úrlausn mála viðbúnaðarkeðjunnar 10% ·      Persónulegt mat matsaðila 10% Árið 2025 bárust 26 umsóknir. Heildarupphæð sem sótt var upp nam 114 milljónum króna. Fjármagn í sjóðnum var 10 milljónir króna fyrir þessa úthlutun.Í ljósi mikils munar á heildarumfangi umsókna og tiltæku fjármagni var ákveðið að beita blandaðri nálgun við úthlutun. Styrkir voru almennt ekki veittir umfram um 15% af heildarfjármagni sjóðsins til einstakra verkefna og leitast var við að dreifa fjármagni á fleiri verkefni fremur en að fjármagna fá verkefni að fullu.

30 milljónir á þremur árum

Styrktarsjóður Isavia og Landsbjargar styrkir 14 björgunarsveitir

Apr 08 2026 53111.jpg

1.318 umsóknir bárust um auglýst sumarstörf á Keflavíkurflugvelli. Alls voru 222 ráðin til starfa í sumar og þar af hafa 82 starfað áður hjá fyrirtækinu.

Það verður líflegt á Keflavíkurflugvelli í sumar. Eins og undanfarin ár hefur Isavia ráðið sumarstarfsfólk til að styðja við starfsemina yfir háannatímann þegar umferð um flugvöllinn eykst og verkefnin verða fleiri. Í ár bárust 1.318 umsóknir um auglýst sumarstörf á Keflavíkurflugvelli og af þeim fengu 222 ráðningu. Þar af eru 82 að snúa aftur til starfa eftir að hafa áður starfað hjá fyrirtækinu. Þau sem koma aftur þekkja vinnustaðinn, umhverfið og verkefnin á meðan nýtt starfsfólk kemur inn með ferska sýn og nýja reynslu. Saman styrkir þessi hópur starfsemina á einum annasamasta tíma ársins. Sumarstörfin eru fjölbreytt og tengjast meðal annars þjónustu við farþega, upplýsingagjöf, flæði í flugstöðinni og öðrum verkefnum sem styðja við öruggan og skilvirkan rekstur Keflavíkurflugvallar.

image-2.png

Brynjar Már Brynjólfsson

Það er mjög ánægjulegt að sjá hversu mikill áhugi er á sumarstörfum hjá okkur. Keflavíkurflugvöllur er stór, skemmtilegur og fjölbreyttur vinnustaður, sérstaklega yfir sumartímann þegar umferðin er mikil og verkefnin eftir því. Sumarstarfsfólkið okkar gegnir mikilvægu hlutverki í því að tryggja gott flæði, þjónustu og örugga upplifun farþega. Mér finnst sérstaklega gleðilegt að sjá að stór hópur er að koma aftur til starfa hjá okkur, því það segir okkur að fólk hafi góða reynslu af vinnustaðnum og vilji vera hluti af teyminu á ný.

Keflavíkurflugvöllur er einn stærsti vinnustaður landsins og starfsemin byggir á samvinnu margra hópa. Sumarstarfsfólkið verður því hluti af stærri heild þar sem öryggi, þjónusta og gott samstarf skipta öllu máli.

Mikill áhugi á sumarstörfum

Forskoðun á mynd.png

Saga Giftstore mun opna nýja gjafavöruverslun á Keflavíkurflugvelli í byrjun ágúst. Verslunin mun bjóða upp á vandað úrval íslenskrar hönnunar, handverks, ullarvara og minjagripa á aðal verslunar- og veitingasvæði flugvallarins.

Ný gjafavöruverslun, Saga Giftstore, mun opna á Keflavíkurflugvelli í byrjun ágúst. Verslunin verður staðsett á aðal verslunar- og veitingasvæði flugvallarins og mun bjóða ferðalöngum upp á fjölbreytt úrval gjafa-, handverks- og hönnunarvara með skýra tengingu við Ísland. 
Í versluninni verður meðal annars að finna íslenskar ullarvörur, handprjónaðar lopapeysur, íslenskt handverk, minjagripi og norræna hönnun. Þá verður einnig boðið upp á valdar hönnunar- og lífsstílsvörur frá Epal.

Saga Giftstore opnar gjafavöruverslun á Keflavíkurflugvelli

Sigrún Edda Elíasdóttir

Við erum afar stolt af því að bjóða úrval frá okkar fremstu hönnuðum, þar á meðal á Hekla Ísland, Ugla Handverk, Farmers Market, Bjarni Viðar og Sign ásamt úrvali af handprjónuðum íslenskum lopapeysum.  Markmið okkar er að tryggja að bæði Íslendingar og erlendir gestir geti fundið fallegar og einstakar hönnunar- og gjafavörur í hæsta gæðaflokki.

Rekstraraðili verslunarinnar er Drífa ehf., sem bar sigur úr býtum í nýafstöðnu útboði um rekstur gjafavöruverslunar á Keflavíkurflugvelli. Drífa ehf. hefur áratuga reynslu af verslunarrekstri og þróun verslunarlausna og rekur meðal annars Icewear, eitt þekktasta vörumerki landsins á sviði íslenskra ullar- og útivistarvara.

Þórunn Marinósdóttir

Við á Keflavíkurflugvelli bjóðum nýjan rekstraraðila hjartanlega velkominn og erum gríðarlega spennt fyrir opnun Saga Giftstore. Þessi nýja verslun verður tilvalinn staður fyrir erlenda ferðamenn sem vilja taka með sér minjagrip frá Íslandi og jafnframt fyrir íslenska flugvallargesti sem leita að handverki og hönnun í hæsta gæðaflokki.

Saga Giftstore opnar gjafavöruverslun

KEF-Farthegatolur-Juni-1200x628px-ISL-0726.png.png

Við tókum á móti 790.007 gestum á Keflavíkurflugvöll (KEF) í júní 2026.

Í júní 2026 fóru 790.007 gestir um Keflavíkurflugvöll (KEF), sem er 8.9% færri gestir en á sama tíma í fyrra.Alls flugu 25 flugfélög til 72 áfangastaða. Vinsælustu áfangastaðirnir voru Kaupmannahöfn, London, New York, París og Osló. Mest var að gera 28.júní, þegar 30.837 farþegar lögðu leið sína um KEF.Brottfarir erlendra gesta frá KEF voru um 223 þúsund í nýliðnum júní. <a href="https://www.ferdamalastofa.is/is/um-ferdamalastofu/frettir/fjoldi-erlendra-brottfara-i-juni" target="_self">Samkvæmt tölum Ferðamálastofu</a> 
eru það 4.5% færri brottfarir en í sama mánuði 2025. 
Um 78.000 Bandaríkjamenn fóru úr landi í júní, sem samsvarar rúmlega þriðjungi allra brottfara. Þetta er um 20% fækkun miðað við sama mánuð 2025. Frá áramótum og út júní fóru 957 þúsund erlendir ferðamenn frá Íslandi. Það er nær óbreyttur fjöldi miðað við sama tímabil í fyrra, en fækkunin nemur 0,9%. 
Brottfarir Íslendinga voru um 316 þúsund það sem af er af þessu ári, sem er 12,7% fækkun miðað við sama tímabil í fyrra.

Júní 2026

790 þúsund gestir í júní

Afangastadir KEF frett sumar 2026 4.jpg

28 flugfélög fljúga til 79 áfangastaða

Gert er ráð fyrir að tæplega 2,6 milljón gestir fari um Keflavíkurflugvöll yfir hásumarið í ár, þ.e. í júní, júlí og ágúst. Flugfélög sem fara um KEF á tímabilinu verða 28 talsins og fljúga þau til 79 áfangastaða. Flugferðir til og frá vellinum verða samtals 16.880 talsins en það eru 8,1% færri ferðir en á sama tíma í fyrra og munar þar um brotthvarf flugfélagsins Play. Tæplega þrjár milljónir flugsæta verða í boði í júní til ágúst sem er 8,9% færri sæti en á sama tíma í fyrra. Þar munar einnig um flugsæti Play.

2,6 milljón gestir

Oftast er flogið til Kaupmannahafnar, Óslóar, Lundúna, New York og Seattle í sumar. Þar til viðbótar eru margir nýir áfangastaðir í boði og aðrir kunnuglegir. Þá hafa ný flugfélög bæst við flugvallarsamfélagið á KEF. Bandaríska flugfélagið Alaska Airlines og Air Transat frá Kanada hafa hafið flug til og frá KEF. Alaska Airlines flýgur til Seattle daglega í sumar. Air Transat fer á milli KEF og Montréal. Þessu til viðbótar bætir Icelandair við Faro í Portúgal, Feneyjum og Malaga. Wizz Air byrjar að fljúga til Vilníus í Litháen og Wroclaw í Póllandi. United Airlines hefur hafið flug til Dulles-flugvallar í Washington og easyJet bætir við Lyon í Frakklandi. Þá hefur WestJet bætt við áætlun sýna og flýgur til Edmonton og Winnipeg í Kanada.

Nýir áfangastaðir og flugfélög

Í sumar býður Icelandair upp á flug til 54 áfangastaða frá Keflavíkurflugvelli. Þar af eru 37 áfangastaðir í Evrópu, 14 í Bandaríkjunum og þrír í Kanada. Það ætti því að vera úr nægu að velja fyrir ferðaþyrsta ferðalanga í leit að sumarævintýrum. Forsvarsfólk Icelandair tilkynnti fyrir skömmu að félagið hefði undirritað samstarfssamning við kanadíska flugfélagið WestJet og viljayfirlýsingu við Aegean Airlines, stærsta flugfélag Grikklands. Þeir samningar opna á tengingar á milli leiðakerfa félaganna. Icelandair verður í sumar með 64% af sætaframboði til og frá Keflavíkurflugvelli. Helsta breytingin á leiðakerfi félagsins er að nýju áfangastaðirnir Faro, Feneyjar og Malaga bætast við.

Icelandair stærst

Afangastadir KEF frett sumar 2026 5.jpg

Það er óneitanlegt að brotthvarf Play hefur haft áhrif á flugframboð. Félagið var með ríflega 413 þúsund flugsæti í boði sumarið 2025 og flaug til 31 áfangastaðar. Af þeim er enn flogið til 21 þeirra nú í sumar en 10 áfangastaðir ekki í boði með beinu flugi frá KEF. Þessir tíu staðir voru 8,7% af framboði Play og því ljóst að stærstu áfangastaðir félagsins eru enn í boði frá KEF.

Play áhrifin

Önnur flugfélög á KEF sem eru saman með 36% af sætaframboði á vellinum hafa verið að spýta í lófana fyrir yfirstandandi sumar og bæta við áætlanir sínar. SAS bætir við 170 flugum og 30 þúsund sætum. Það er 36% aukning frá fyrra sumri. Mesta viðbótin er frá Kaupmannahöfn þar sem nú er flogið tvisvar daglega. Þá bætir félagið einnig við flugi frá Ósló auk þess sem það flýgur frá Stokkhólmi yfir hásumarið. Finnair bætir í og flýgur nú tólf sinnum í viku frá Helsinki. Wizz Air eykur framboð um 37 þúsund sæti á tímabilinu og bætir við tveimur nýjum áfangastöðum. Flogið verður frá Vilníus tvisvar í viku og Wroclaw í Póllandi þrisvar sinnum. Þá bætir félagið við ferðum frá Katowice og áfram flýgur það frá Búdapest, Gdansk og Varsjá eins og áður. United Airlines bætir við daglegu flugi milli KEF og Washington og þar með 33 þúsund flugsætum, sem er 59% aukning. Áfram er flogið til Chicago og New York/Newark. Delta býður áfram uppá þrjá áfangastaði frá Keflavík, New York, Detroit og Minneapolis. Detroit verður nú daglegt í stað fimm sinnum í viku og tímabilið frá Minneapolis verður lengt. Air Canada lengir tímabilið fyrir Montréal og Toronto. WestJet heldur áfram með Calgary ásamt því að bæta við tveimur áfangastöðum í Kanada, Winnipeg og Edmonton. Báðir nýju áfangastaðirnir munu hafa beint flug einu sinni í viku yfir hásumarið. WestJet eykur sætaframboð um 26% milli ára. British Airways bætir við 4 þúsund sætum til og frá London Heathrow sem er um 14% aukning milli ára. easyJet eykur sætaframboð sitt til Keflavíkur um 39% og gera breytingar á leiðarkerfinu hjá sér. Framboðið frá Bretlandi er minna en í fyrra en félagið bætir við annarsstaðar í Evrópu. Flug frá París Orly flugvelli verða færð á París CDG og bætt við einu flugi í viku. Lyon í Frakklandi bætist við yfir hásumarið tvisvar í viku. Flug til Mílanó á Ítalíu verða tvisvar sinnum fleiri í hverri viku, en flogið verður átta sinnum í viku sem skilar sér í auknu sætaframboði. Lufthansa mun fljúga níu sinnum í viku frá Frankfurt og auka sætaframboð sitt um 17% frá tengimiðstöð sinni í Þýskalandi. Vueling bætir mikið í flug frá Barcelona frá því í fyrra og flogið verður allt sumarið tvisvar í viku. Samtals tæplega 5 þúsund sæti aukalega á tímabilinu sem er um 117% aukning frá fyrra ári. LOT hóf flug til Keflavíkur frá Varsjá í Póllandi síðasta sumar og heldur áfram í sumar og bætir við einu flugi á viku og mun því fljúga milli KEF og Varsjár fimm sinnum í viku. Samtals eykst sætaframboð um tæplega 39% á tímabilinu. Transavia France mun lengja tímabilið hjá sér frá Paris Orly flugvelli og munu nú fljúga einu sinni til þrisvar í viku yfir allt sumarið.  Transavia mun halda sömu áætlun og í fyrra frá Amsterdam en vegna breytinga á vélartýpu þá eykst sætaframboð um rúmlega 5%.  Austrian munu þá fljúga daglega frá Vín í Austurríki, aukning um tvö flug í viku yfir hásumarið. Með því eykst sætaframboð um 20%. Discover, Norwegian, Jet2.com, Atlantic Airways og Edelweiss munu hafa nánast óbreytta áætlun í sumar samanborið við síðasta sumar.  Air Baltic mun eingöngu fljúga frá Riga í sumar en í fyrra prófaði félagið að bæta við flugum tvisvar í viku frá Tallinn sem verða ekki á áætlun í sumar. Þetta þýðir að sætaframboð með Air Baltic mun minnka um 29% í sumar eða um 5.800 sæti. Áætlun frá Riga helst óbreytt á milli ára. Eurowings fljúga í sumar aðeins einu sinni í viku yfir hásumarið frá Düsseldorf og með því minnkar sætaframboð frá Düsseldorf um 7.000 sæti eða 74%.  Iberia þurfti að fækka flugum frá Madríd töluvert í sumar samanborið við síðasta sumar, en flogið verður tvisvar sinnum í viku yfir hásumarið. Framboð minnkar um um 2.600 sæti eða um 15 prósent.  Air Greenland mun ekki fljúga til Billund eins og í fyrra og mun því framboð hjá þeim dragast saman um 8.300 sæti eða 72 prósent.

Erlendu flugfélögin bæta við sig 

Þó heildar framboð á flugsætum hafi dregist saman með brotthvarfi Play er ljóst að möguleikar ferðafólks hafa hvergi nærri minnkað. Farþegar sem fara um KEF hafa ótalmarga möguleika til að komast á vit ævintýranna um víða veröld með mörgum þeirra erlendu flugfélaga sem fljúga til og frá KEF. Til austurs er hægt að fara með Air Baltic í gegnum Riga áfram um heiminn, með Austrian er hægt að ferðast í gegnum flugvöllinn í Vínarborg, British Airways um Heathrow í London, Discover í gegnum flugvöllinn í München, í gegnum Helsinki-flugvöll með Finnair, Lufthansa um Frankfurt, LOT í gegnum Varsjá, og SAS um Kaupmannahöfn.  Til vesturs eru það Amerísku flugfélögin, Air Canada, Alaska Airlines, Delta, United og WestJet. Þá er Icelandair með fjölda samstarfssamninga við flugfélög um allan heim, þar sem hægt er að ferðast á fjöldann allan af áfangastöðum í einum miða með millilendingu á einum eða fleiri flugvöllum. Sumarið er tími tækifæranna og frá KEF er hægt að fara hvert á land sem er. <a href="https://www.kefairport.is/afangastadir" target="_self">Skoðaðu lista yfir áfangastaði frá KEF hér.</a>

Fjölmargar tengingar með erlendum félögum 

Afangastadir KEF frett sumar 2026 2.jpg

Farðu hvert á land sem er frá KEF í sumar

KEF farþegar count may 2026.png

Við tókum á móti 654.281 gestum á Keflavíkurflugvöll (KEF) í maí 2026.

Í maí 2026 fóru 654.281 gestir um Keflavíkurflugvöll (KEF), sem er 6,8% færri gestir en á sama tíma í fyrra. Alls flugu 24 flugfélög til 63 áfangastaða. Vinsælustu áfangastaðirnir voru Kaupmannahöfn, París, London og New York. Mest var að gera á flugvellinum 31.maí, þegar 25.632 farþegar lögðu leið sína um KEF. Brottfarir erlendra gesta frá KEF voru um 163.000 þúsund í nýliðnum maí. <a href="https://www.ferdamalastofa.is/is/um-ferdamalastofu/frettir/163-thusund-brottfarir-erlendra-farthega-i-mai-1" target="_blank">Samkvæmt tölum Ferðamálastofu</a> eru það 0.40% færri brottfarir en í maí 2025.Um 52 þúsund Bandaríkjamenn fóru frá landinu í maí, sem samsvarar 31,8% allra brottfara erlendra farþega. Fjöldinn var þó nær óbreyttur frá sama mánuði í fyrra og dróst lítillega saman, eða um 1,8%. Ferðir Íslendinga utan frá áramótum voru um 248 þúsund, sem er 14,5% fækkun miðað við sama tímabil í fyrra.

Maí 2026

654 þúsund gestir í maí

aci at KEF airport in Iceland 6.jpg

55. fundur ACI Europe Aviation Security Committee haldinn á Íslandi.

Dagana 28.–29. maí fór fram 55. fundur flugöryggisnefndar evrópudeildar alþjóðasamtaka flugvalla <a href="https://www.aci-europe.org/aviation-security-committee" target="_blank">(e. ACI Europe Aviation Security Committee)</a>, og fékk Keflavíkurflugvöllur þann heiður að vera gestgjafi í þetta sinn. Fundurinn var haldinn í Reykjavík og á Keflavíkurflugvelli og sóttu hann yfir 100 sérfræðingar frá flugvöllum og fyrirtækjum víðs vegar um Evrópu. Þar var fjallað um helstu áskoranir og þróun í flugverndarmálum, sem eru sífellt mikilvægari þáttur í rekstri og öryggi flugvalla.Nefndin kemur saman tvisvar á ári og gegnir lykilhlutverki í að móta stefnu ACI Europe í flugverndarmálum, fylgjast með áhættu og ógnum sem tengjast almenningsflugi og stuðla að samráði og miðlun þekkingar milli flugvalla. Nefndin vinnur jafnframt að því að hafa áhrif á evrópska löggjöf og reglugerðir og tryggja að sjónarmið flugvalla heyrist í stefnumótun.Fulltrúar Isavia tóku virkan þátt í dagskránni. Rætt um menningarvegferð Keflavíkurflugvallar og hvernig hún styður við öflugt öryggisstarf og fyrirkomulag fjarskimunar á farangri á KEF og þær tæknilausnir sem þar eru nýttar.Á seinni degi fundarins var hópnum boðið í vettvangsferð á Keflavíkurflugvöll. Þar var m.a. farið um svæði Landhelgisgæslunnar, flugstöðina og nýjar skrifstofur á fjórðu hæð austurálmu flugstöðvarinnar á Keflavíkurflugvelli.Fundurinn tókst afar vel og lýstu þátttakendur ánægju með bæði faglega dagskrá og tækifærið til að heimsækja Ísland og kynnast starfsemi Keflavíkurflugvallar nánar.

Fréttir

Air China tengir KEF við Asíu – fyrsta flug milli Peking og KEF í dag

Delta Air Lines bætir við daglegu flugi milli Boston og Keflavíkur á sumaráætlun 2027

712 þúsund farþegar í september

TAP Air hefur flug milli KEF og LissabonTAP Air hefur flug milli KEF og Lissabon

Ekkert fannst

TAP Air hefur flug milli KEF og LissabonTAP Air hef­ur flug milli KEF og Lissa­bon

Ekkert fannst

TAP Air hefur flug milli KEF og LissabonTAP Air hefur flug milli KEF og Lissabon