KEF-MyndefniFyrirVef-SKJ-Flugvollurinn-5-1920px-280225.jpg

KEF_Farthegatolur_Februar_2026_1200x624_IS.jpg

Farþegafjöldi í febrúar var 454.806 sem sem er 4,9% fækkun frá febrúar 2025. Alls hafa 899.298 gestir farið um Keflavíkurflugvöll fyrstu tvo mánuði ársins.


Í febrúar flugu 19 flugfélög til 58 áfangastaða. Vinsælustu áfangastaðirnir voru London, Kaupmannahöfn, Manchester, París og Amsterdam.Mest var að gera á flugvellinum 22. febrúar, þegar 20.822 farþegar lögðu leið sína um KEF.Brottfarir erlendra gesta frá KEF voru um 147 þúsund í nýliðnum febrúar<a href="https://www.ferdamalastofa.is/is/um-ferdamalastofu/frettir/147-thusund-brottfarir-erlendra-farthega-i-februar-1" target="_blank"> samkvæmt mælingum Ferðamálastofu</a>. Samkvæmt tölum Ferðamálastofu eru það 0,9% færri brottfarir en í febrúar 2025. Um tvær af hverjum fimm brottförum má rekja til Breta og Bandaríkjamanna. Brottfarir Íslendinga voru um 36 þúsund í febrúar, 11,4% færri en í sama mánuði í fyrra.

19 flugfélög og 58 áfangastaðir

454 þúsund gestir í febrúar

KEF_Farthegatolur_Januar_2026_1200x624_IS.png

Við tókum á móti 443.492 gestum á Keflavíkurflugvelli í janúar 2026.

Í janúar 2026 fóru 443.492 gestir um Keflavíkurflugvöll (KEF), sem er 5,5% færri gestir en í sama tíma í fyrra. Alls flugu 16 flugfélög beint frá KEF til 56 áfangastaða í mánuðinum.Vinsælustu áfangastaðirnir voru áfram London, Kaupmannahöfn, Manchester, New York og París. Mest var að gera 4. janúar, þegar 20.313 gestir fóru um flugvöllinn.Brottfarir erlendra gesta frá KEF voru um 119 þúsund í janúar <a href="https://www.ferdamalastofa.is/is/um-ferdamalastofu/frettir/119-thusund-brottfarir-erlendra-farthega-i-januar" target="_blank">samkvæmt tölum frá Ferðamálastofu</a>. Samkvæmt mælingum Ferðamálastofu eru það 1,8% færri brottfarir en í janúar 2025. Um tvær af hverjum fimm brottförum má rekja til Bandaríkjamanna og Breta. Brottfarir Íslendinga voru um 43 þúsund í janúar, um 7,6% færri en á sama tíma á síðasta ári. Flestar brottfarir, eða um 24 þúsund, voru vegna Bandaríkjamanna (um 20% af heild) en það eru 27,4% færri Bandaríkjamenn en í sama mánuði og í fyrra. Bretar voru í öðru sæti brottfararfarþega en 21 þúsund Bretar fóru frá landinu í janúar sem er 12% fjölgun frá fyrra ári (17,6% af heild). Kínverjar voru í þriðja sæti með um 9 þúsund brottfarir og voru 7,9% færri en í janúar í fyrra (7,5% af heild).

443 þúsund gestir í janúar

66 KEF olympiuleikar 4.jpg

66 KEF olympiuleikar 2.jpg

66°Norður er stoltur samstarfsaðili Íþrótta- og Ólympíusambands Íslands í tengslum við Vetrarólympíuleikana sem fara fram á Ítalíu í febrúar. 

Ólympíuhópurinn mun klæðast hágæða íslenskri hönnun frá 66°Norður og ganga inn í sérhönnuðum Hornstrandir jakka og buxum á setningarathöfn Ólympíuleikanna. Í ljósi þess að 66°Norður fagnar 100 ára afmæli á árinu þótti skemmtilegt að stilla inngöngufatnaði Ólympíuhópa liðinna ára upp á Keflavíkurflugvelli. Þar má nú sjá inngöngufatnaðinn frá Lillehammer 1994, Nagano í Japan 1998, Vancouver í Kanada 2010 og sérstaka útgáfu af Hornstrandir settinu sem verður inngöngufatnaður landsliðsins í Cortina á Ítalíu 6. febrúar 2026. „Samstarf okkar á sér langa sögu og við hlökkum til að fylgja okkar íþróttamönnum í gegnum leikana í hágæða íslenskri hönnun. Við teljum þetta sérstaklega skemmtilegan tímapunkt í ljósi þess að 66°Norður fagnar 100 ára afmæli á árinu.“Jafnframt mun 66°Norður sjá um annan fatnað liðsins til æfinga og á milli keppnisdaga á leikunum. Þú finnur vörur innblásnar af samstarfi 66°Norður og <a href="https://www.facebook.com/isiiceland?__cft__%5b0%5d=AZZXciaNDv9ErGI_VbSHdoMLl1U8aLmS2O5nSkJxsFjLpFuEDccIFFMbA_F6WY4I-F5bAhe7e9gns4Bj52El3me1BLV5lmzrPYTn9vm3FJbu9QS3x2pgBSt9IWTCURkVxef0tADUOIN33O2fqroUY-9LzJ7f20RLlpT6ZMaescFEbcYrmxczIEgqnY0fb93lRyU&__tn__=-%5dK-R" target="_blank">Íþrótta- og Ólympíusamband Íslands - ÍSÍ</a> í tilefni Vetrarólympíuleikanna meðal annars í <a href="https://www.kefairport.is/verslanir/66-north" target="_blank">verslun 66°Norður á Keflavíkurflugvelli</a>. Við óskum íslensku keppendunum góðs gengis og hlökkum til að fylgjast með þeim!Inngöngufatnaðurinn sem er til sýnis er frá eftirfarandi Vetrarólympíuleikum:<ul><li>1994 Lillehammer, Noregi</li><li>1998 Nagano, Japan</li><li>2010 Vancouver, Canada</li><li>2026 Cortina, Ítalía</li></ul>

66 KEF olympiuleikar 1.jpg

66 KEF olympiuleikar 3.jpg

Inngöngufatnaður Vetrarólympíuleikanna frá 66°Norður til sýnis

Nyr tollagangur KEF.jpg

Nytt bilaleigusvaedi KEF .jpg

Umtalsverðar endurbætur standa yfir á komusvæði Keflavíkurflugvallar. 

Í liðinni viku hófust framkvæmdir við nýja og endurbætta afgreiðslu fyrir bílaleigur í flugstöðvarbyggingunni og skömmu áður höfðu framkvæmdir við svokallaðan tollagang hafist. Þá er framkvæmdum nýlega lokið við nýja þægindavöruverslun sem var opnuð í komusal flugstöðvarinnar fyrir jól. Samhliða þessu er unnið að því að stækka anddyri flugstöðvarinnar, komu megin. Allt er þetta gert með það að markmiði að bæta flæði og auka þægindi flugvallargesta sem og þeirra sem starfa á flugvellinum.  Svæðið sem um ræðir er að miklu leyti eitt það elsta óbreytta í flugstöðinni. Það hefur tekið litlum breytingum í áratugi en sístækkandi umsvif flugvallarins kalla á að nú verði því breytt. Áhersla er lögð á að framkvæmdirnar hafi sem minnst áhrif á gesti og starfsemi flugvallarins þó að tímabundið rask sé að einhverju leyti óhjákvæmilegt.Á meðan á framkvæmdum við bætta aðstöðu fyrir bílaleigur stendur hefur afgreiðsla þeirra verði færð í tímabundna aðstöðu rétt fyrir utan flugstöðina. Gert er ráð fyrir að framkvæmdum við þær ljúki með vorinu þegar nýjar afgreiðslur verða teknar í notkun. Um leið fjölgar bílaleigum sem eru með aðstöðu inni í flugstöðinni úr þremur í fjórar. Ætluð verklok annarra framkvæmda eru einnig á vordögum. Nánari upplýsingar um uppfærslu á komusvæði <a href="https://www.kefplus.is/verkefni/breytingar-a-komusv%C3%A6%C3%B0i" target="_blank">er að finna hér</a>.

Bætt komusvæði með vorinu

KEF airport drone above.jpg

Árið 2025 var fjórða stærsta ár KEF frá upphafi en alls tók samfélagið á flugvellinum á móti 8,1 milljón gesta, sem er 2% fækkun frá árinu á undan. 

Alls flugu 28 flugfélög frá Keflavíkurflugvelli til 100 áfangastaða og voru Lundúnir vinsælasti áfangastaður ársins. Vinsælasti flugvöllurinn var hins vegar Kastrup í Kaupmannahöfn.

28 flugfélög og 100 áfangastaðir

KEF_Arid2025_IS.jpg

Gjaldþrot flugfélagsins Play hafði áhrif á fjölda gesta sem fóru um KEF í fyrra, en í upphaflegri farþegaspá fyrir árið 2025 var gert ráð fyrir 8,4 milljónum farþega. Hins vegar er áhugavert að ef spáin fyrir 2025 er borin saman við rauntölur ársins, en Play tekið út fyrir sviga, er um að ræða 5,3% fjölgun farþega milli ára. Erlendir ferðamenn voru tæplega 2,3 milljónir í fyrra sem er 0,4% fækkun frá fyrra ári og 0,8% frá farþegaspánni. Hins vegar fóru ríflega 700 þúsund íslenskir farþegar um flugvöllinn, sem er 18% aukning frá fyrra ári og 18,6% frá farþegaspánni.

Fall Play hafði áhrif

KEF airport iceland main terminal.jpg

Tengifarþegar, þ.e. farþegar sem nýta KEF sem tengistöð án þess að dvelja á Íslandi, voru alls 2,2 milljónir, eða 27% af heildarfjölda farþega. Þetta er 14% fækkun tengifarþega frá árinu á undan, þegar tengifarþegar voru 31% af heildarfjölda gesta flugvallarins.

Töluverð fækkun tengifarþega

Í heildina flugu 28 flugfélög til 100 áfangastaða árið 2025. Lundúnir og Kaupmannahöfn voru langvinsælustu áfangastaðir síðasta árs, líkt og árin á undan.London hefur þá sérstöðu að alls er flogið til fjögurra flugvalla við borgina frá KEF, Heathrow, Gatwick, Stansted og Luton. Sex flugfélög flugu milli London og KEF; British Airways, easyJet, Icelandair, Jet2.com, Play og TUI.Sá flugvöllur sem var oftast flogið til og frá KEF var Kastrup-flugvöllur í Kaupmannahöfn. Alls flugu þrjú flugfélög þar á milli; Icelandair, Play og SAS.Sextán nýir áfangastaðir bættust við á árinu og tvö ný flugfélög hófu flug til og frá KEF.

Vinsælustu áfangastaðirnir árið 2025

Mest var að gera á vellinum árið 2025 þann 3. ágúst en þá tók KEF á móti 36.694 gestum. Flest flug fóru hins vegar um völlinn nokkrum dögum síðar, þann 7. ágúst, eða 220 farþegaflug. Ágústbyrjun er greinilega sá tími árs þar sem flestr eru á ferðinni, því árið 2024 var það 4. ágúst sem flestir farþegar fóru um KEF.

Flest flug í ágúst

KEF aiport 2025 security.jpg

<a href="https://www.ferdamalastofa.is/is/um-ferdamalastofu/frettir/um-225-milljonir-erlendra-farthega-2025" target="_blank">Samkvæmt talningu Ferðamálastofu</a> fóru 2,25 milljónir erlendra ferðamanna um Keflavíkurflugvöll í fyrra, sem er 0,4% fækkun frá árinu á undan. Sé litið til þróunar síðustu ára má sjá að fjöldinn hefur verið nánast sá sami undanfarin 3 ár, í kringum 2,2 milljónir. Það er álíka og 2017 en aðeins minna en metárið 2018 þegar brottfarir voru rúmlega 2,3  milljónir.Langflestar brottfarir erlendra farþega voru í ágúst, eða 311 þúsund, en í sama mánuði árið á undan voru þær 281 þúsund. Bandaríkjamenn voru fjölmennastir erlendra gesta, en brottfarir þeirra voru alls 654 þúsund, eða 29% allra brottfara. Fjölgaði þeim um 33 þúsund frá árinu á undan. Næst þar á eftir komu brottfarir breskra farþega, sem voru 233 þúsund, eða 10,3% af heild. Fækkaði breskum ferðamönnum um 33 þúsund á milli ára.

Flestir gestir frá Bandaríkjunum og Bretlandi

Brottfarir Íslendinga voru 709 þúsund árið 2025 sem er 18% aukning frá árinu 2024. Flestar brottfarir voru í apríl, þegar um 81 þúsund Íslendingar ferðuðust utan. Um er að stærsta ferðaár Íslendinga hvað varðar utanlandsferðir, og sló það því fyrra met frá árinu 2018, þegar brottfarir mældust um 668 þúsund.

Metár í ferðalögum Íslendinga

KEF airport summer destination.jpg

Ríflega 7,5 milljónir farþega munu ferðast um Keflavíkurflugvöll (KEF) árið 2026, þar af 2,24 milljónir erlendra ferðamanna, samkvæmt farþegaspá flugvallarins fyrir árið. <a href="https://www.kefairport.is/frettir/farthegaspa-2026" target="_blank">Spáin</a> gerir því ráð fyrir að heildarfarþegafjöldi dragist saman á milli ára, sem kemur einkum fram í fækkun tengifarþega og færri utanlandsferðum Íslendinga á árinu. Aftur á móti er gert ráð fyrir að fjöldi erlendra ferðamanna sem heimsækja Ísland standi nánast í stað og verði sambærilegur við undanfarin ár.

Spá um farþegafjölda í ár

Farþegaspa kef 2026 isavia.jpg

KEF tók á móti 8,1 milljón gesta árið 2025

Point KEF anall 2025 egg.jpg

Point KEF anall 2025 1.jpg

Árið 2025 var viðburðaríkt á Keflavíkurflugvelli og hér er farið nánar yfir það helsta sem gerðist á vellinum.

<H3>Árið 2025 var viðburðaríkt á Keflavíkurflugvelli. Austurálman var formlega opnuð, stærsta stækkun Keflavíkurflugvallar frá upphafi, nýr leikvöllur fyrir yngstu farþegana var tekin í notkun, breytingar urðu á veitingasölu og verslunum og framkvæmdir standa yfir á aðkomusvæði Keflavíkurflugvallar. Hér á eftir verður farið nánar yfir það helsta sem gerðist á flugvellinum 2025.</H3>

2025

Annall KEF 2025 mynd.webp

Árið hófst af miklum krafti. Framkvæmdir hafa staðið yfir á Keflavíkurflugvelli undanfarin ár og engin breyting var á því í upphafi árs þegar allt var á fullu fyrir fyrirhugaða opnun annarrar hæðar austurálmu, stærstu stækkunar flugvallarins frá upphafi.

Framkvæmdir og byggingar

Í febrúar, fyrir opnun annarrar hæðar austurálmu, fóru fram svokallaðar ORAT prufukeyrslur á flughlaði við bygginguna og stuttu síðar á landgöngum og rútuhliðum. Um er að ræða sérstaka rennslis- og viðbragðaprófun á ferlum. Markmið prófananna var að ganga úr skugga um að allir ferlar og búnaður væru tilbúnir fyrir opnun á austurálmu. Á flughlaðinu var það meðal annars leiðbeiningarbúnaður og tenging við landgöngubrýr sem voru prófuð, festingar á jörðu niðri sem og verkferlar við eldsneytisgjöf, fermingu og affermingu farangurs og notkun stiga og farþegabifreiða á svæðinu.

ORAT prófanir á nýrri álmu

Annall 2025 mynd 1.webp

Göngubrú var reist á milli norðurbyggingar flugstöðvarinnar og nýrrar austurálmu, í febrúar. Á fjórðu hæð austurálmu verður skrifstofurými fyrir starfsfólk Isavia og annarra fyrirtækja á flugvellinum. Þegar rýmið verður tekið í notkun mun göngubrúin tengja hæðina saman við skrifstofurýmið sem fyrir er í norðurbyggingu.

Brú milli gamla og nýja

Þann 21. mars var austurálman opnuð formlega en áður höfðu fyrstu farþegar farið í gegnum hana. Það var Daði Már Kristófersson, fjármála- og efnahagsráðherra, sem opnaði álmuna. Nýja viðbyggingin stækkar flugstöðina um 30% og stórbætir rými og aðstöðu. Meðal þess sem bættist við voru fjórir nýir landgangar, tvö rútuhlið, leiksvæði fyrir börn og rúmgott biðsvæði.„Austurálman, sem við opnum formlega í dag, er ekki aðeins enn eitt skrefið í uppbyggingu flugvallarins, heldur áþreifanleg staðfesting á framtíðarsýn um að hann verði alþjóðleg tengistöð milli Evrópu og Norður-Ameríku,“ sagði Daði Már Kristófersson við tilefnið.Hann sagði alþjóðleg tengsl og samgöngur vera undirstöðu hagvaxtar og velsældar á Íslandi því hefði landið mikla hagsmuni af greiðum og öflugum samgöngum til og frá landinu.

Austurálma formlega opnuð

Vinna hófst á árinu við hönnun fyrsta áfanga tengibyggingar milli norður- og suðurbyggingar flugstöðvarinnar. Byggingunni er ætlað að verða hið eiginlega „hjarta“ flugstöðvarinnar þegar hún verður tekin í notkun. Tengibyggingin er annar stóru áfanganna í uppbyggingu Keflavíkurflugvallar. Þessi nýja bygging ásamt austurálmunni stækkar flugstöðina um 70% frá því sem var. Ekki nóg með að tengibyggingin muni tengja saman upprunalegu flugstöðina og suðurbyggingu, heldur mun hún einnig stórbæta þjónustu fyrir tengifarþega á Keflavíkurflugvelli.

Næstu áfangar hófust í uppbyggingu

Í sumar var unnið hörðum höndum að því að klára fjórðu og efstu hæð austurálmunnar, en framkvæmdir við hana hófust árið 2024 og er nú stefnt að því að hæðin verði tekin í notkun snemma árs 2026. Um er að ræða 1.450 fermetra skrifstofurými, sem tengt hefur verið við skrifstofur í norðurbyggingu flugstöðvarinnar.

Framkvæmdir á fjórðu hæð

Annall KEF 2025 mynd 2.webp

Í haust opnaði nýtt leiksvæði á Keflavíkurflugvelli. Leiksvæðið er innblásið af undraveröld Tulipop og er sett upp með það í huga að gera flugvöllinn að skemmtilegri stað fyrir yngstu gestina. Það er staðsett nálægt veitingasvæðinu Aðalstræti. Leiksvæðið er samstarfsverkefni Tulipop, hönnunarteymisins ÞYKJÓ og IRMA hönnunarstúdíós. Á svipuðu svæði eru einnig gagnvirk leiktæki, svokallað iWall frá finnska fyrirtækinu CSE Entertainment.

Nýr leikvöllur á Keflavíkurflugvelli

Í haust hófust framkvæmdir við og í komusal Keflavíkurflugvallar, svæðinu þar sem komufarþegar fara um á leið sinni úr töskusalnum. Markmiðið með breytingunum er að bæta flæði og auka þægindi fyrir flugvallargesti. Þjónusta bílaleiga og rútufyrirtækja færist til og verður saman á endurhönnuðu svæði auk þess sem þægindavöruverslun á komusvæðinu stækkar. Áætluð verklok eru á vormánuðum 2026.

Breytingar í komusal

Annall KEF 2025 mynd 3.webp

Áframhaldandi framkvæmdir hafa staðið yfir á aðkomusvæði Keflavíkurflugvallar. Meðal annars er verið að bæta aðstöðu fyrir gangandi vegfarendur, þá sérstaklega gönguleiðir frá flugstöðvarbyggingunni og að ýmsum þjónustusvæðum. Verið er að yfirbyggja helstu göngustíga og snjóbræðslukerfi var lagt undir helstu gönguleiðir á svæðinu sem mun létta farþegum, starfsfólki og öðrum lífið á snjóþungum dögum.

Framkvæmdir á aðkomusvæði

Í nóvember var tekinn í notkun nýr vegur við Keflavíkurflugvöll og var þannig hægt að aka nýja leið af flugvallarsvæðinu. Um er að ræða fyrsta áfanga svokallaðrar hringtengingar sem hefur þann tilgang að bæta bæði öryggi og flæði við flugstöðina í takti við vaxandi umsvif á vellinum. Hingað til hefur vegurinn fyrir framan flugstöðvarbygginguna endað við komufarþegasvæði, þar sem ekið er inn og út af P2 bílastæðinu, en nýi vegurinn liggur frá þeim stað og til norðausturs að Reykjanesbrautinni. Með þessari breytingu má draga úr umferð næst flugstöðinni og koma í veg fyrir þveranir ökutækja yfir akreinar. Þá mun öll þjónustuumferð, svo sem umferð vegna framkvæmda og flutninga með aðföng fara fram um aðra aðkomu að flugstöðinni. Með opnuninni lýkur fyrsta áfanga framkvæmda við hringtenginguna en þær hafa staðið yfir frá vorinu 2025.

Ný útkeyrsla af flugvallarsvæði

Point KEF anall 2025.jpg

Ýmsar breytingar áttu sér í verslunar- og veitingarekstri á árinu. Vorið 2025 opnuðu tvær nýjar verslanir á Keflavíkurflugvelli, Point og Icelandic Deli sælkeraverslun. Í Icelandic Deli er að finna úrval af íslenskum handverksostum, reyktu og þurrkuðu kjöti, hágæða súkkulaði, íslenskum kryddum og íslensku víni. Point er veitingasala þar sem boðið er upp á fjölbreytt úrval af ferðavörum, snarli, drykkjum, ferskum bakstri, pizzum og öðru góðgæti. Víða um flugstöðina er nú einnig að finna Point sjálfsala þar sem gestir flugvallarins geta nælt sér í allt það helsta úr verslunum Point, hratt og örugglega. Sjálfsalarnir hafa vakið mikla lukku enda er fjöldi farþega á hraðferð um flugvöllinn og getur það því létt undir með fólki að geta gripið bita hratt og örugglega. Þá er einnig Point verslun í komusal flugvallarins sem bæði nýtist ferðalöngum og öðrum sem um flugvöllinn fara. Þá tók nýr rekstraraðili, Heinemann, við rekstri fríhafnanna. Breytingar hafa verið gerðar á verslununum en frekari breytingar eru áformaðar, með þægindi farþega í huga. Aðalstræti tók breytingum á árinu. Nú eru þar staðirnir Trattoria Travolare og Yuzu auk þess sem nýr drykkjarstaður sem býður upp á áfenga og óáfenga drykki hefur bæst við. Á síðustu mánuðum ársins opnaði svo veitingastaðurinn Maikai aftur á flugvellinum á sömu stöðum og Bakað var áður. Maikai var áður starfræktur í flugstöðinni á árunum 2022–2023 í svokölluðu pop-up rými og hefur nú opnað aftur, með fjölbreyttari matseðil en áður.Útivistarvörumerkið 66°Norður og Rammagerðin, gjafavöruverslun, eru á sínum stað á flugvellinum en opnuðu einnig nýjar verslanir á árinu, í flugstöðinni. Þær eru staðsettar við C-hliðin.Áframhaldandi framkvæmdir verða á Keflavíkurflugvelli árið 2026 enda flugvöllurinn í stöðugri þróun.

Verslun og veitingar

Ár framfara á KEF – Annáll 2025

des.jpg

Keflavíkurflugvöllur (KEF) tók á móti 507.799 gestum í desember 2025.

Á síðasta mánuði ársins fóru 507.799 gestir um Keflavíkurflugvöll (KEF). Það gerir 8,1% færri gesti en í desember árið á undan.Alls flugu 17 flugfélög beint frá KEF til 56 áfangastaða í desember. Vinsælustu áfangastaðirnir voru London, Kaupmannahöfn, Manchester, New York og París.Mest var að gera 21. desember í mánuðinum þegar 21.428 gestir fóru um flugvöllinn.

KEF_Farthegatolur_Desember_2025_1200x624_IS.png

Samkvæmt <a href="https://www.ferdamalastofa.is/is/um-ferdamalastofu/frettir/um-225-milljonir-erlendra-farthega-2025" target="_self">tölum frá Ferðamálastofu</a> voru brottfarir Íslendinga um 54 þúsund í desember. Það gerir 16% fleiri farþega en í sama mánuði árið á undan.Alls voru brottfarir Íslendinga um 709 þúsund árið 2025 sem er 18% fleiri en árið 2024 þegar 601 þúsund Íslendingar lögðu land undir fót. Flestar brottfarir voru í apríl á árinu, þegar um 81 þúsund Íslendingar ferðuðust utan. Um er að ræða stærsta ferðaár Íslendinga hvað varðar utanlandsferðir og sló það því fyrra met frá árinu 2018, þegar brottfarir mældust um 668 þúsund.Brottfarir erlendra gesta í desember voru um 120 þúsund, sem er um 22 þúsund færri erlendir gestir en í desember árið á undan. Því voru brottfarir erlendra gesta 16% færri í desember borið saman við sama mánuð árið 2024.Flestar brottfarir í desember voru tilkomnar vegna Bandaríkjamanna eða 27 þúsund sem gerir 23% af öllum erlendum gestum í desember 2025. Þar á eftir komu Bretar sem voru 19 þúsund (16% af heild), Kínverjar sem voru um 12 þúsund (10%), Pólverjar sem voru 5 þúsund (5%) og loks Frakkar sem voru 4 þúsund (4%).Brottfarir erlendra gesta frá landinu um Keflavíkurflugvöll voru um 2,25 milljónir árið 2025 eða um átta þúsund færri en árið 2024. Fækkunin nemur 0,4% milli ára. Langflestar brottfarir erlendra farþega voru í ágúst 2025, alls um 311 þúsund, sem er um 30 þúsund fleiri en í ágúst 2024.

508 þúsund gestir í desember

IMG_6637.JPEG

Opnað hefur verið fyrir umsóknir almannaheillasamtaka til að vera með söfnunarbauk í flugstöðinni á Keflavíkurflugvelli. Umsóknarfrestur er til og með 13. febrúar 2026.

Keflavíkurflugvöllur vill láta gott af sér leiða og hafa verið settir upp sex söfnunarbaukar fyrir almannaheillasamtök í flugstöðinni. Búið er að opna fyrir umsóknir um söfnunarbauk í flugstöðinni og er umsóknarfrestur til og með 13. febrúar 2026.  Lögð er áhersla á jafnt aðgengi almannaheillasamtaka að flugstöðinni til fjáröflunar fyrir góð málefni. Dregið verður úr hópi umsækjenda handahófskennt þann 20. febrúar 2026. Þau félög sem eru dregin út fá úthlutað söfnunarbauk fyrir tímabilið 1. mars 2026 – 28. febrúar 2027 eða til eins árs.  Keflavíkurflugvöllur útvegar félögunum söfnunarbauk og úthlutar staðsetningu í flugstöðinni. Söfnunarbaukarnir eru staðsettir á fjölförnum stöðum í flugstöðinni svo að félögin geti notið góðs af fjárframlögum gesta sem um þar fara.  Til að gæta jafnræðis meðal samtaka geta þau félög sem fá úthlutað söfnunarbauk ekki sótt um í næstu úthlutun þar á eftir svo að önnur félög komist einnig að. Úthlutað er á hverju ári söfnunarbaukum til mismunandi almannaheillasamtaka.  Keflavíkurflugvöllur er í stöðugri þróun sem miðar að því að bæta aðstöðu á flugvellinum og veita gestum enn betri upplifun. Mikill fjöldi gesta leggur leið sína um flugvöllinn en að meðaltali fara um 22 þúsund gestir daglega um völlinn.  <a href="https://www.kefairport.is/fyrirtaekid/upplysingatorg/styrkir" target="_self">Sótt er um söfnunarbauk á heimasíðu Keflavíkurflugvallar fyrir úthlutun árið 2026-2027.</a>

Opið fyrir umsóknir um söfnunarbauk

EDIT2400KEFfullres_DSC2943.jpg

Fjórar bílaleigur munu verða með afgreiðslu í komusal Keflavíkurflugvallar frá og með 1. apríl næstkomandi og fjölgar þeim þar með um eina.  Þetta er niðurstaða útboðs á aðstöðunni sem hófst vorið 2025. 

Boðin var út aðstaða fyrir afgreiðslu bílaleiga í komusal á Keflavíkurflugvelli ásamt bílastæðum fyrir bílaleigubíla við flugstöðina. Niðurstaða útboðsins er að ganga til samninga við ALP hf., Bílaleiguna Berg ehf., Bílaleigu Flugleiða ehf. og Höldur ehf. Með útboðinu verða nokkrar breytingar á afgreiðslu bílaleiga í og við flugstöðina. Í vor hefja þær starfsemi í nýrri og endurbættri aðstöðu í flugstöðinni. Svæðið hefur verið endurhannað með það að markmiði að vera opnara og aðgengilegra auk þess sem bílastæðum fyrir bílaleigur við flugstöðina verið fjölgað. Gert er ráð fyrir að framkvæmdum við nýja og endurbætta aðstöðu ljúki 15. mars og að bílaleigurnar hefji starfsemi samkvæmt nýjum rekstrarsamningi 1. apríl 2026. Fram til þessa hafa þrjár bílaleigur verið með aðstöðu í flugstöðinni en með útboðinu fjölgar þeim um eina. Bílaleigan Berg, sem rekur bílaleigu undir vörumerkinu Sixt kemur inn sem nýr rekstraraðili. Hinar þrjár hafa verið með afgreiðslu í flugstöðinni um langt skeið. Þær eru ALP hf., sem rekur bílaleigu undir vörumerkjunum Avis, Budget og Payless; Bílaleiga Flugleiða ehf., sem rekur bílaleigu undir vörumerkinu Hertz og Höldur ehf., sem rekur bílaleigu undir vörumerkjum Bílaleigu Akureyrar og Europcar. Útboðsferlið hófst 30. maí þegar hæfisgögn voru gerð aðgengileg á útboðsvef Isavia í kjölfar auglýsingar á Evrópska efnahagssvæðinu. Fimm aðilar, sem staðist höfðu hæfiskröfur, skiluðu inn tilboðum í rekstur á aðstöðu en fjórir pakkar voru í boði. Um útboðsferli Isavia  Isavia ber samkvæmt lögum og reglum um opinber innkaup að bjóða út aðstöðu fyrir rekstraraðila á Keflavíkurflugvelli, í þeim tilvikum þar sem virði samnings fer yfir lögákveðnar viðmiðunarfjárhæðir. Útboðunum er ætlað að tryggja samkeppni sem verður til hagsbóta fyrir neytendur og rekstraraðila og byggjast á grundvelli reglugerðar nr. 950/2017 um sérleyfissamninga um verk eða þjónustu yfir viðmiðunarfjárhæðum Evrópska efnahagssvæðisins. Útboðin eru auglýst á EES svæðinu.

Bílaleigum í komusal fjölgar

Jól KEF 2025 3.jpg

Jól KEF 2025 2.jpg

Það verður töluverð umferð um Keflavíkurflugvöll yfir jól og áramót. Þetta er töluverð breyting frá því sem áður var þegar lítið var um flugumferð á þessum dögum.

Grétar Már Garðarsson

Það hefur orðið nokkur aukning á umferð flugvéla um Keflavíkurflugvöll eftir heimsfaraldurinn, þ.e. frá og með jólunum 2022. Það virðist vera að þá hafi flugfélög áttað sig á því að það sé stór hluti fólks sem jafnvel heldur ekki upp á jólin, sem er með frídaga um jól og áramót og vill bara ferðast.

Á Þorláksmessu eru á dagskrá 60 komur til Keflavíkur og 54 brottfarir.Á Aðfangadag verða 40 komur og 34 brottfarir. Það dregur svo aðeins úr umferð á Jóladag en þá eru skráðar 28 komur og 28 brottfarir.Strax á annan í jólum fjölgar aftur og verða komur þá 51 og brottfarir 58.Á gamlársdag verða 39 komur og 34 brottfarir og á Nýjársdag koma 50 flug til Keflavíkurflugvallar og 64 fljúga á brott.Það er því mikið að gera á Keflavíkurflugvelli næstu vikuna og mikilvægt að hafa á að skipa öflugu og reyndu starfsfólki svo allt gangi vel og allir komist ferða sinna.

Flugdagskrá yfir jól og áramót

„Það voru um 160 ferðir jóladagana 2019 og 2022 fer þetta upp í 225 ferðir. Það þýðir að það er í raun ekki svo mikill munur á venjulegum vikudegi og jóladögum hjá okkur á Keflavíkurflugvelli. Vissulega er örlítil fækkun á ferðum núna yfir hátíðarnar miðað við sama tíma í fyrra en það skýrist af því að Play hefur hætt starfsemi. En ef við tökum Play út fyrir sviga þá er um 17% aukning í sætaframboði jóladagana í ár frá því í fyrra. Það er farið úr um 70 þúsund sætum í um 81.500. Þetta er allt liður í að veita betri þjónustu. Keflavíkurflugvöllur er opinn alla daga ársins allan sólahringinn og getur tekið við vélum hvenær sem er gerist þess þörf, og ef flugfélög vilja koma til okkar á jóladögum þá tökum við vel á móti þeim og farþegum þeirra“, segir Grétar Már.

Jól KEF 2025.jpg

Flugumferð yfir jól og áramót

desember banner.jpg

Við tókum á móti 500.074 gestum á Keflavíkurflugvelli (KEF) í nóvember 2025.

Árið er senn á enda og var mikið fjör á vellinum í næstsíðasta mánuði ársins. Alls lögðu 500.074 gestir leið sína um flugvöllinn, sem er 5,5% minna en í nóvember í fyrra.Alls flugu 15 flugfélög beint frá KEF til 57 áfangastaða í nóvember. Vinsælustu áfangastaðirnir voru London, Kaupmannahöfn, Manchester, París og New York.Mest var að gera í nóvembermánuði þann 2. nóvember þegar um 20.653 gestir fóru um flugvöllinn.

KEF_Farthegatolur_November_2025_1200x624_IS.png

Brottfarir Íslendinga frá KEF voru um 42 þúsund í nóvember <a href="https://www.ferdamalastofa.is/is/um-ferdamalastofu/frettir/141-thusund-brottfarir-erlendra-farthega-i-november" target="_self">samkvæmt tölum frá Ferðamálastofu</a>. Það eru 19,6% fleiri en í sama mánuði árið á undan. Frá áramótum (janúar-nóvember) hafa því Íslendingar farið utan um 655 þúsund sinnum, sem er 18,1% aukning frá sama tíma í fyrra.Brottfarir erlendra gesta frá landinu um KEF voru um 141 þúsund í nóvember. Það gerir 13% færri erlenda gesti en í nóvembermánuði árið á undan. Flestar brottfarir erlendra gesta má rekja til Bandaríkjamanna sem voru um 32 þúsund talsins eða 23% af öllum brottförum erlendra gesta. Það gerir yfir 31% færri Bandaríkjamenn borið saman við nóvember árið á undan. Því næst voru það Bretar sem voru 24 þúsund (17% af heild) en það er yfir 31% fækkun frá því í fyrra. Aukning varð hjá Kínverjum sem voru 9 þúsund (6% af heild) sem er yfir 57% fleiri en í nóvember árið á undan. Þjóðverjar sem voru yfir 7 þúsund (5%) og loks Ítalir sem voru tæplega 7 þúsund (5%).Frá áramótum (janúar-nóvember) hefur um 2,1 milljón erlendra farþega farið frá Íslandi, sem er 0,7% fjölgun miðað við sama tímabil í fyrra.

Yfir 500 þúsund gestir í nóvember

Ríflega 7,5 milljónir farþega munu ferðast um Keflavíkurflugvöll (KEF) árið 2026, þar af 2,24 milljónir erlendra ferðamanna, samkvæmt farþegaspá flugvallarins fyrir árið. 

Spáin gerir því ráð fyrir að heildarfarþegafjöldi dragist saman á milli ára, sem kemur einkum fram í fækkun tengifarþega og færri utanlandsferðum Íslendinga á árinu. Aftur á móti er gert ráð fyrir að fjöldi erlendra ferðamanna sem heimsækja Ísland standi nánast í stað og verði sambærilegur við undanfarin ár.

Það er ljóst að það er stöðug og mikil eftirspurn eftir því að heimsækja Ísland. Það birtist í því að við gerum ráð fyrir álíka mörgum erlendum gestum á næsta ári og við höfum tekið á móti undanfarin ár. Brotthvarf Play hefur auðvitað haft áhrif á framboð á flugi en með markvissri vinnu hefur þó tekist að lágmarka þau, sérstaklega þegar kemur að erlendum gestum.

Farþegaspá KEF fyrir 2026 gerir ráð fyrir að 7,51 milljónir farþega fari um flugvöllinn á næsta ári samanborið við 8,12 milljón árið 2025. Það er er 7,4% fækkun á heildarfjölda farþega á milli ára, 8,1% yfir sumarmánuðina og 6,0% yfir vetrarmánuðina. Munar þar mestu að tengifarþegum fækkar um 15,3% og að gert er ráð fyrir 13,2% samdrætti á ferðum Íslendinga til útlanda. Brottfarar- og komufarþegum fækkar hins vegar mun minna eða um 4,5%.„Unnið hefur verið markvisst að því að fylla það skarð sem Play skildi eftir sig en félagið var okkar næststærsta flugfélag. Þó að það hafi ekki enn tekist að fullu sjáum við ýmis jákvæð merki. Til dæmis ef við berum spána saman við rauntölur 2025 án Play sjáum við 5,3% fjölgun heildarfarþega á milli ára. Það sýnir að öðrum flugfélögum gengur vel að fylla í skarðið,“ segir Grétar Már.

Ferdamannaspa  kef 2026 isavia.jpg

Ferðamannaspá KEF horfir bæði til erlendra ferðamanna sem heimsækja Ísland og Íslendinga sem fara erlendis um Keflavíkurflugvöll. Gert er ráð fyrir að 2,24 milljónir erlendra ferðamanna heimsæki Íslandi árið 2026 samanborið við 2,27 á þessu ári, sem er 1,2% breyting á milli ára. Utanlandsferðum Íslendinga mun hins vegar að öllum líkindum fækka töluvert árið 2026. Þær eru áætlaðar 602 þúsund en þær eru 693 þúsund á árinu sem er að líða, sem er 13,2% fækkun á milli ára.„Það er mjög jákvætt að fjöldi erlendra ferðamanna helst nær óbreyttur. Það er kominn mikill stöðugleiki í fjölda þeirra undanfarin ár, en frá árinu 2023 hefur hann verið á bilinu 2,2 til 2,3 milljónir á ári,“ segir Grétar Már.

Yfir sumarmánuðina munu 27 flugfélög fljúga áætlunarflug til 80 áfangastaða og 20 til 65 áfangastaða yfir vetrarmánuðina. Þegar liggur fyrir að tvö ný flugfélög, Alaska Air og Air Transat, muni hefja áætlunarflug til KEF á nýju ári. Þá bætast við fimm tengingar í Norður-Ameríku og sex í Evrópu. Áætlað er að hlutfall tengifarþega verði 25% sem er nokkuð minna en verið hefur undanfarin ár.

Ný flugfélög og nýjar tengingar

Farþegaspá Keflavíkurflugvallar fyrir 2026 byggir á greiningum og mati á þáttum sem hafa áhrif á eftirspurn farþega eftir flugi til og frá flugvellinum. Spáin er unnin út frá upplýsingum um afgreiðslutíma sem flugfélög hafa tryggt sér og upplýsingum úr kerfum Keflavíkurflugvallar til viðbóta við fréttir af áformum flugfélaga.Farþegatölur eru settar fram í þremur liðum og snúa að brottförum og komum farþega og svo tengifarþegum. Brottfararfarþegar eru þau sem fljúga frá flugvellinum eftir dvöl á Íslandi. Komufarþegar eru þau sem koma til dvalar á Íslandi. Tengifarþegar eru þau sem nýta KEF sem tengistöð, þ.e. koma með einu flugi til flugvallarins og skipta yfir í annað flug án þess að koma inn í landið og eru taldir bæði við komu og brottför.

Um farþegaspá KEF

Isavia_Farthega-og-ferdamannaspa-isl_4.png

Isavia_Farthega-og-ferdamannaspa-isl_3.png

Stöðugleiki í fjölda erlendra ferðamanna en fækkun farþega

Prosegur card .jpg

Prosegur ATM and Currency KEF airport.jpg

Gestum Keflavíkurflugvallar sem hyggjast skipta seðlum áður en lagt er af stað í ferðalag er bent á að gera það í útibúi Prosegur Change í komusal flugstöðvarinnar, áður en farið er í öryggisleit fyrir flug.

Útibúi Prosegur Change á verslunar- og veitingasvæði flugvallarins handan öryggisleitar hefur nú verið lokað. Áfram er hægt að taka út gjaldeyri í <a href="https://map.kefairport.com/#/profile?location=LOC-ACOJKXM0" target="_blank">hraðbönkum víðs vegar um flugstöðina á Keflavíkurflugvelli</a>, bæði áður en farið er í öryggisleit og innan haftasvæðis eftir öryggisleit. Þar er hægt að taka út bandaríska og kanadíska dali, sterlingspund, evrur, norskar krónur og pólskt slot. Þessi breyting á gjaldeyrisþjónustu er í samræmi við breytingar sem orðið hafa á flugvöllum víða um heim. Með aukinni notkun rafrænna greiðsluleiða og minni seðlanotkun hefur eftirspurn eftir gjaldeyri dregist umtalsvert saman. Helstu viðskiptin á Keflavíkurflugvelli eru sala erlends ferðafólks á íslenskum gjaldeyri áður en haldið er heim. Eins og áður sagði, verður áfram hægt að skipta íslenskum seðlum í afgreiðslu <a href="https://map.kefairport.com/#/profile?location=LOC-W1QVNT5F" target="_blank">Prosegur Change sem staðsett er á fyrstu hæð flugstöðvarinnar</a> áður en farið er upp á aðra hæð í öryggisleit. Þjónustan er þar vel merkt svo hún ætti ekki að fara fram hjá farþegum á leið úr landi.

Breytingar á gjaldeyrisþjónustu

2.jpg

Kanadíska flugfélagið WestJet hefur bætt við tveimur nýjum kanadískum áfangastöðum við áætlun sína til Keflavíkurflugvallar sumarið 2026.

Kanadíska flugfélagið <a href="https://www.westjet.com/" target="_self">WestJet</a> hefur bætt við tveimur nýjum kanadískum áfangastöðum við áætlun sína til Keflavíkurflugvallar sumarið 2026. Flogið verður einu sinni í viku á milli KEF og Edmonton frá 27. júní á næsta ári og milli KEF og Winnipeg frá 28. júní. Áður hafði WestJet tilkynnt að flogið yrði aftur milli KEF og Calgary fjórum til sex sinnum í viku frá 17. maí til 14. október næsta sumar.

4.jpg

5.jpg

WestJet flýgur á Boeing 737MAX vélum milli KEF og áfangastaðanna þriggja. Félagið bættist í hóp flugvallarsamfélagsins á KEF í fyrravor og styrkir enn sambandið með öflugri endurkomu sinni nú í sumar.

1.jpg

John Weatherill, framkvæmdastjóri viðskiptasviðs hjá WestJet, segir að með því að bæta við beinni flugtengingu á milli Edmonton og Íslands staðfesti félagið þá skuldbindingu að viðhalda sterkum alþjóðatengingum fyrir íbúa Alberta-fylkis. Þá gegni Winnipeg einnig mikilvægu hlutverki fyrir WestJet. „Eins og Winnipeg hefur gegnt mikilvægu hlutverki í sögu WestJet hefur þessi flugleið sérstaka þýðingu fyrir hið fjölmenna íslenska samfélag í Manitoba.“

Guðmundur Daði Rúnarsson

Það er sannarlega spennandi að sjá WestJet efla viðveru sína á Íslandi með því að hefja beint flug milli Keflavíkur og tveggja nýrra áfangastaða, Edmonton og Winnipeg. Þessi ákvörðun endurspeglar sterka trú flugfélagsins á íslenska markaðinum og eflir enn frekar tengingar milli Norður-Ameríku og Íslands. Við hlökkum til að taka á móti farþegum WestJet og teljum að þessar nýju flugleiðir verði aðlaðandi kostur fyrir Íslendinga sem hyggjast ferðast yfir Atlantshafið og jafnvel heimsækja ættingja í Winnipeg.

3.jpg

WestJet bætir við sumaráætlun sína til Íslands

Kanadíska flugfélagið Air Transat hefur ákveðið að hefja flug til Íslands.

Kanadíska flugfélagið <a href="https://www.airtransat.com/" target="_self">Air Transat</a> hefur ákveðið að hefja flug til Íslands. Flogið verður á milli Montréal í Kanada og Keflavíkurflugvallar flogið verður tvisvar í viku, mánudaga og miðvikudaga, frá 17. júní á næsta ári til 28. september. Þetta er í fyrsta sinn sem Air Transat flýgur til Íslands.

Air Transat var stofnað árið 1986 og verður því fjörutíu ára á næsta ári. Það flýgur til um sextíu áfangastaða í tuttugu og fimm löndum. Höfuðstöðvar félagsins eru í Montréal í Québec-fylki í Kanada.

Forstöðumaður flugfélaga og markaðsmála á Keflavíkurflugvelli.

Það er okkur mikið gleðiefni að bjóða Air Transat velkomið í hóp flugfélaga á Keflavíkurflugvelli. Með þessari nýju viðbót aukum við enn við framboð af flugrekendum hér á landi. Flugleið þeirra til Montreal styrkir tengsl Íslands og Kanada og endurspeglar bæði vaxandi aðdráttarafl Íslands sem áfangastaðar og styrk Keflavíkurflugvallar.

6.jpg

Air Transat bætist í hóp flugfélaga á KEF

oktober farthegar.jpg

Við tókum á móti 655.572 gestum á Keflavíkurflugvelli (KEF) í október 2025.

Októbermánuður var viðburðaríkur á Keflavíkurflugvelli en í lok mánaðarins snjóaði óvenjumikið sem hafði áhrif á flugferðir frá landinu vegna snjókomu. Gestir sem lögðu leið sína um flugvöllinn í október voru alls 655.572 talsins. Það gerir 8,3% færri gestir en í október árið á undan.Alls flugu 26 flugfélög til 67 áfangastaða beint frá KEF í október. Vinsælustu áfangastaðirnir voru London, Kaupmannahöfn, New York, Amsterdam og París.Mest var að gera í októbermánuði þann 5. október þegar 25.737 gestir fóru um flugvöllinn.

KEF_Farthegatolur_Oktober_2025_1200x624_IS.png

Samkvæmt <a href="https://www.ferdamalastofa.is/is/um-ferdamalastofu/frettir/200-thusund-brottfarir-erlendra-farthega-i-oktober" target="_self">tölum frá Ferðamálastofu</a> voru brottfarir Íslendinga frá landinu um 56 þúsund í október. Það gerir 3% fleiri en í sama mánuði árið á undan. Frá áramótum hafa Íslendingar farið utan um 613 þúsund sinnum, sem er 18,0% aukning frá sama tíma í fyrra.Brottfarir erlendra gesta frá landinu voru um 200 þúsund í október. Það gerir 6,2% færri en í október 2024. Flestar brottfarir erlendra gesta voru tilkomnar vegna Bandaríkjamanna sem voru um 53 þúsund eða 27% af heild. Bretar voru í öðru sæti með um 23 þúsund brottfarir (12% af heild), Kínverjar voru í þriðja sæti með tæplega 15 þúsund brottfarir (7% af heild), þar á eftir fylgdu Þjóðverjar (7% af heild) með um 13 þúsund brottfarir og loks Frakkar (4% af heild) með rúmlega 7 þúsund brottfarir.

Yfir 655 þúsund gestir í október

KEF.jpg

Nóg verður um að vera á Keflavíkurflugvelli í vetur enda hefur úrval veitinga og verslana á flugvellinum aldrei verið betra. 

Nóg verður um að vera á Keflavíkurflugvelli í vetur enda hefur úrval veitinga og verslana á flugvellinum aldrei verið betra. Síðustu árin hefur mikið kapp verið lagt á að bæta úrval nýrra og spennandi veitingastaða á flugvellinum og sérstök áhersla lögð á að allir geti fundið eitthvað við sitt hæfi. Fjölbreytt úrval verslana og nýrra sem verslana hafa bæst við flóru flugvallarins, bjóða upp á aukið úrval af tollfrjálsum gæðavörum.

Berglind Snæland

Það er svo gaman að fá að taka þátt í endurnýjun og uppbyggingu eins og þeirri sem flugvöllurinn hefur verið að ganga í gegnum undanfarið. Það er sérstaklega ánægjulegt að sjá hversu vel gestir taka nýjungunum og hve glaðir þeir eru með þjónustuna sem þeir fá. Það verður nóg að gera í vetur og það skiptir okkur öllu máli að gestirnir séu sáttir. Við höfum unnið með fjölda fagmanna síðustu ár við að þjónusta flugvallargesti en ég held ég geti fullyrt að úrvalið hafi sjaldan verið betra í flugstöðinni.

kef.jpg

Verslanirnar Point og Icelandic Deli opnuðu fyrr á árinu. <a href="https://www.kefairport.is/verslanir/icelandic-deli" target="_self">Icelandic Deli</a> er ný sælkeraverslun, staðsett á verslunar- og veitingasvæði flugvallarins. Þar má meðal annars finna úrval af hágæða súkkulaði, íslenskum kryddum, handverksostum og reyktu og þurrkuðu kjöti. Einnig geta gestir nælt sér í handvalið úrval af íslensku víni og áfengum drykkjum.

Íslenskar sælkeravörur og gómsætur matur

Icelandic Deli.jpg

<a href="https://www.kefairport.is/veitingastadir/point" target="_self">Point</a> er með þrjár verslanir á flugvellinum, á verslunar- og veitingasvæðinu í brottfararsalnum, í komusalnum og á 1. hæð við D-hliðin. Í Point er boðið upp á úrval af ferðavörum, snarli, drykkjum, fersku brauðmeti, pizzum og öðru góðgæti sem má grípa með sér í ferðalagið. Nýverið opnaði Point nýja verslun sína í komusal flugvallarins þar sem 10-11 var áður með verslun. Viðbætur sem Point býður upp á eru meðal annars fjölbreytt úrval heitra rétta, þar á meðal hamborgarar, franskar, pizzur, bátar, salöt og annað girnilegt. Auk þess verður mun meira sætapláss fyrir viðskiptavini en áður.Víða um flugvöllinn má einnig finna nýja Point sjálfsala sem bjóða upp á allt það helsta úr verslunum Point. Sjálfsalarnir eru hugsaðir til þess að gestir flugvallarins geti gripið sér mat og drykk hratt og örugglega hvenær sem er sólarhringsins, auk ýmissa annarra nauðsynjavara.

Point.jpg

<a href="https://www.kefairport.is/verslanir/island-duty-free" target="_self">Ísland Duty Free</a> tók við rekstri fríhafnaverslana í komu- og brottfararsal í maí. Sérstök áhersla er lögð á framboð af íslenskum vörumerkjum auk þess sem ný og spennandi erlend vörumerki bætast við vöruframboðið. Á næstu mánuðum mun Ísland Duty Free endurhanna verslanirnar í samstarfi við hönnunarteymi Heinemann og íslensku arkitektastofuna Basalt. Markmiðið með endurhönnun er að skapa spennandi umgjörð utan um íslenskar vörur og verslunarupplifun og að viðskiptavinir finni fyrir því að þeir eru staddir á Íslandi þar sem umhverfi og innréttingar munu endurspegla íslenska náttúru.

Fjölbreytt úrval af tollfrjálsum gæðavarningi

Island Duty Free.jpg

Í sumar opnaði glæsileg og mjög vel heppnuð pop-up verslun Fyrir Ísland sem hefur nú færst yfir í stærra rými til frambúðar þar sem Húrra Reykjavík var áður staðsett, við hliðina á Blue Lagoon Skincare. Verslunin naut mikilla vinsælda í sumar en þar má finna úrval af landsliðstreyjum, derhúfum, treflum, lyklakippum og ýmislegt fleira fyrir stuðningsmenn íslenska landsliðsins í fótbolta  .

Fyrir island.jpg

Innar í flugstöðinni, þegar gengið er landganginn að enda, er minjaverslunin <a href="https://www.kefairport.is/verslanir/icemart-souvenirs" target="_self">Icemart</a> og þar hafa einnig opnað útibú <a href="https://www.kefairport.is/verslanir/rammagerdin" target="_self">Rammagerðarinnar</a> og <a href="https://www.kefairport.is/verslanir/66-north" target="_self">66°Norður</a>, til viðbótar við verslanir þeirra sem eru nú þegar á verslunar- og veitingasvæði flugvallarins.Ljóst er að úrval verslana hefur aldrei verið fjölbreyttara og því tilvalið að gefa sér góðan tíma í flugstöðinni áður en farið er flug.

Rammagerdin.jpg

Blue Lagoon.jpg

Til viðbótar við nýja veitingastaði í flugstöðinni er þar einnig að finna þekkta veitingastaði á borð við <a href="https://www.kefairport.is/veitingastadir/elda" target="_self">Elda</a> og <a href="https://www.kefairport.is/veitingastadir/jomfruin" target="_self">Jómfrúna</a>. Svo eru það staðirnir <a href="https://www.kefairport.is/veitingastadir/hjahollu" target="_self">Hjá Höllu</a> og <a href="https://www.kefairport.is/veitingastadir/loksins" target="_self">Loksins Café & Bar</a> sem eru staðsettir hjá C-hliðum, eftir að gengið er út landganginn. Á leiðinni þangað má einnig finna <a href="https://www.kefairport.is/veitingastadir/baejarins-bestu" target="_self">Bæjarins bestu</a> pylsuvagninn.

Fleiri kostir fyrir ferðalanga

Jomfruin 2.jpg

Loksins.jpg

Breytingar urðu í flugstöðinni í lok október þegar nýir aðilar tóku við rekstri á veitingastöðum Lagardère Travel Retail. Eigendur veitingastaðarins Hjá Höllu tóku við rekstri Loksins Café & Bar, sem mun áfram heita sama nafni. Rekstraraðilar Sbarro á Íslandi taka aftur við rekstri <a href="https://www.kefairport.is/veitingastadir/sbarro" target="_self">Sbarro</a> á Keflavíkurflugvelli og eigendur Maika'i hafa tekið við rekstri beggja kaffihúsa Bakað. Þá hefur SSP Iceland tekið við rekstri <a href="https://www.kefairport.is/veitingastadir/keflavik-diner" target="_self">Keflavík Diner</a> og mathallarinnar Aðalstrætis. Í Aðalstræti verða gerðar þær breytingar að Zócalo hættir rekstri og í staðinn kemur glæsileg drykkjarstöð með fjölbreyttu úrvali drykkja þar sem er lögð áhersla á snögga afgreiðslu fyrir þyrsta ferðalanga. Ítalski veitingastaðurinn Trattoria Tavolare tekur við af La Trattoria.

Maikai.jpg

Við vonum að þessar breytingar muni hafa jákvæð áhrif á upplifun gesta okkar sem leggja leið sína um flugvöllinn í vetur. Rekstraraðilarnir sem taka við veitingastöðum Lagardère eru allt aðilar sem hafa mikla reynslu af veitingarekstri á Keflavíkurflugvelli og því vel kunnugir því umhverfi. Yfirfærslan er afstaðin og gekk vonum framar þökk sé góðu samstarfi allra sem áttu hlut að máli.

Fjölbreytt úrval veitingastaða mun vonandi höfða til þess breiða hóps gesta sem leggja leið sína um flugvöllinn, með mismunandi þarfir og væntingar.

Úrval verslana og veitinga á Keflavíkurflugvelli aldrei verið betra

Í tilefni af Iceland Airwaves tónlistarhátíðinni fengu gestir Keflavíkurflugvallar (KEF) að njóta lifandi tónlistar í brottfararsalnum með þeim Mána Orrasyni og Kusk & Óvita.

Gestir Keflavíkurflugvallar (KEF) tóku forskot á Iceland Airwaves sæluna miðvikudaginn 5. nóvember, þegar tónlistarfólkið Máni Orrason og Kusk & Óviti skemmtu gestum með mikilli tónlistarveislu.Kusk & Óviti er raftónlistarpopp dúó sem samanstendur af þeim Kolbrúnu Óskarsdóttur og Hrannari Mána Ólafssyni. Undanfarin ár hafa þau unnið saman sem framleiðendur, lagahöfundar og tónlistarfólk sem sækja innblástur víða t.d. í svefnherbergis-, syntha- og draumapopp og drum & bass. Nýja afurð þeirra er platan Rífast. Að þeirra sögn er þessi nýja plata þeirra töluvert frábrugðin fyrra efni og er ákveðin partýplata.

10.jpg

9.jpg

8.jpg

Máni Orrason er söngvari, lagahöfundur og hljóðfæraleikari sem braust fram á sjónarsviðið árið 2014, þá 16 ára gamall, með smáskífuna „Fed All My Days“ sem er á plötunni „Repeating Patterns“. Síðan þá hefur hann gefið út þrjár breiðskífur og spilað víða um heim.

11.jpg

Iceland Airwaves tónlistarhátíðin hefur verið haldin í yfir tvo áratugi en hún hóf göngu sína í flugskýli í Reykjavík rétt eftir síðustu aldamót. Síðan þá hefur hátíðin þróast í eina stærstu og mikilvægustu  tónlistarhátíð Íslendinga ár hvert. Á hátíðina mæta bæði íslenskir tónlistarunnendur og fólk frá öllum heimshornum til að sjá heimsklassa tónlistarfólk koma fram á meðan höfuðborgin fyllist af lífi og tónlist.

Iceland Airwaves er mikilvægur kynningarvettvangur fyrir íslenska tónlist en Keflavíkurflugvöllur leggur mikla áherslu á að bæta sérkennum Íslands við flugvöllinn og því vel við hæfi að halda Airwaves tónlistarveislu fyrir gesti vallarins.Árið 2025 fer tónlistarhátíðin Iceland Airwaves fram dagana 6.-8. nóvember í miðbæ Reykjavíkur með ferskustu tónlist í heimi. Gleðilega Iceland Airwaves hátíð!

12.jpg

Íslensk tónlist lífgar upp KEF á Airwaves

16.jpg

Fyrsta flugi Icelandair til Miami í Flórída var fagnað á Keflavíkurflugvelli um helgina.

Flugfélagið Icelandair flaug sína fyrstu ferð til Miami laugardaginn 25. október. Af því tilefni var blásið til veglegrar veislu á Keflavíkurflugvelli þar sem ljúfir tónar, veitingar, kaka og drykkir voru í boði fyrir gesti á leiðinni í háloftin.

_DSC9584.jpg

Við á Keflavíkurflugvelli gleðjumst í hvert sinn sem nýir áfangastaðir bætast við hjá okkar flugfélögum, enda styrkir það stöðu KEF og Íslands sem tengipunkts milli heimsálfa.

„Nú bætist við spennandi áfangastaður í Bandaríkjunum sem opnar ný tækifæri bæði fyrir íslenska ferðalanga og gesti sem vilja sækja Ísland heim. Eins og ACI Europe, Evrópudeild Alþjóðasamtaka flugvalla, hefur bent á, stuðla auknar flugtengingar að hagvexti. Hver nýr áfangastaður eflir tengsl Íslands við heiminn á öllum sviðum mannlífsins,“ segir Guðmundur Daði Rúnarsson, framkvæmdastjóri viðskipta og þróunar á Keflavíkurflugvelli.Icelandair hefur bætt nýjum áfangastað við leiðakerfi sitt, Miami í Flórídaríki í Bandaríkjunum. Flogið verður til borgarinnar þrisvar í viku, á þriðjudögum, fimmtudögum og laugardögum, frá 25. október og út mars 2026. Flugtími til Miami er um það bil átta klukkustundir með nýjum Airbus A321LR-vélum félagsins.

15.jpg

Flórída hefur lengi verið vinsæll vetraráfangastaður Íslendinga en Icelandair hefur um áratugaskeið flogið til Orlando. Nú bætist Miami við leiðakerfi félagsins sem 19. áfangastaðurinn í Norður-Ameríku. Borgin er þekkt fyrir fallegar strendur, litríka menningu, fjörugt næturlíf og suðrænt loftslag.Borgin er margbreytileg og ein þekktasta gata Miami er Calle Ocho og Historic Overtown er eitt af elstu hverfum borgarinnar. Á South Beach-svæðinu blómstrar svo næturlífið og á Miami Beach má finna sólríkar strendur. Salsatónlistin hljómar á götum Litlu-Havana, innan um byggingar og minnisvarða sem eru til vitnis um sterk undirtök kúbanskrar menningar.

Sólrík og litrík borg

Miami er fimmti nýi áfangastaðurinn sem Icelandair hefur bætt við leiðarkerfi sitt í vetur. Auk þess flýgur Icelandair beint frá KEF til Istanbúl, Malaga, Edinborgar og Nasville yfir vetrartímabilið.

Fréttir

443 þúsund gestir í janúar

Inngöngufatnaður Vetrarólympíuleikanna frá 66°Norður til sýnis

Bætt komusvæði með vorinu

454 þúsund gestir í febrúar454 þúsund gestir í febrúar

Ekkert fannst

454 þúsund gestir í febrúar454 þús­und gest­ir í febr­ú­ar

Ekkert fannst

454 þúsund gestir í febrúar454 þúsund gestir í febrúar