IMG_6637.JPEG

Dregið hefur verið úr umsóknum góðgerðarfélaga sem sóttu um að vera með söfnunarbauk á KEF tímabilið 01.03.2026 – 28.02.2027. 

Þau góðgerðafélög sem voru dregin út eru eftirfarandi:<ul><li>Astma- og ofnæmisfélag Íslands</li><li>Lungnasamtökin</li><li>Sjálfsbjörg landssamband hreyfihamlaðra</li><li>Björgunarsveitin Brák</li><li>Björgunarsveitin Skyggnir</li><li>Rauði Krossinn á Íslandi</li></ul>Við þökkum fyrir sýndan áhuga og hvetjum þá sem ekki voru dregnir út í þetta sinn að sækja um að ári, opnað verður fyrir umsóknir um miðjan janúar 2027 á heimasíðu Isavia.

Sex góðgerðarfélög

Úthlutun söfnunarbauka

KEF paskar 2026 card.jpg

KEF paskar 2026.jpg

Eitt stærsta ferðatímabil Íslendinga gengið í garð.

Páskarnir eru eitt stærsta ferðatímabil Íslendinga á Keflavíkurflugvelli ár hvert. Þótt mun fleiri Íslendingar séu á faraldsfæti yfir sumartímann dreifast þær ferðir yfir lengra tímabil. Páskarnir eru hins vegar sérstakir á KEF þar sem mikill fjöldi Íslendinga fer til útlanda og snýr til baka innan tveggja vikna. Þetta kemur meðal annars fram í því að páskarnir eru eina tímabil ársins þar sem almennu bílastæðin (P3) við flugstöðina fyllast, enda fyrst og fremst nýtt af Íslendingum.

Alls verða 1.890 flug um Keflavíkurflugvöll yfir páskana með rúmlega 279 þúsund farþega. Flogið verður til 70 flugvalla í 65 borgum í Evrópu og Norður-Ameríku. Páskatímabilið er skilgreint frá laugardegi fyrir páska til föstudagsins eftir páska, sem í ár er frá 28. mars til 10. apríl. Til samanburðar voru 1.555 flug á tveggja vikna tímabilinu á undan með um 232 þúsund farþega. Um páskana verða því 355 fleiri flug og um 47 þúsund fleiri farþegar en vikurnar tvær á undan.

279 þúsund gestir

Kef_PaskarFrett_Tafla_A_V2.png

Um páskana eru flest flug til og frá London, samtals 143 flug til fjögurra flugvalla. Aðeins einu flugi færra verður til Kaupmannahafnar, en öll um sama flugvöll.

Flest flug til London og Köben 

Kef_PaskarFrett_Tafla_B.png

Keflavíkurflugvöllur hefur ekki upplýsingar um nákvæma áfangastaði Íslendinga um páskana, heldur einungis fjölda fluga til hvers áfangastaðar. Það má ætla að margir Íslendingar séu annað hvort að sækja í sólina í suðurhluta Evrópu eða í skíðasvæðin í Ölpunum og býður KEF upp á góðar tengingar í báðum tilfellum. Til að fá vísbendingu um þetta má skoða fjölda beinna fluga til slíkra áfangastaða. Lang flest flug í sólina eru til og frá Kanaríeyjum, samtals 56 flug til tveggja flugvalla. Tenerife er mun vinsælli en Gran Canaria með 45 flug á móti 11. Þar á eftir koma Alicante með 22 flug og Barcelona með 16.

Hvert eru Íslendingar að fara? 

Kef_PaskarFrett_Tafla_C.png

Frá Keflavíkurflugvelli er boðið upp á bein flug til fjölda áfangastaða sem eru í grennd við skíðasvæði í Ölpunum. Af þeim áfangastöðum eru flest flug til og frá Mílanó á Ítalíu og Munchen í Þýskalandi.

Skíðaferðir

Kef_PaskarFrett_Tafla_D.png

Páskarnir eru eitt stærsta ferðatímabil ársins

KEF_airport_DSC2073.jpg

KEF_airport_DSC2895.jpg

Frá og með deginum í dag, föstudeginum 27. mars, og fram yfir páska verður aðeins hægt að leggja bílum í almennum stæðum, á P3, við Keflavíkurflugvöll ef búið er að bóka stæði fyrir fram. Ekki er hægt að aka inn á bílastæðið nema bókun sé til staðar.  

Búist er við mikilli umferð um Keflavíkurflugvöll um komandi páska og fyrirsjáanlegt er að bílastæði flugvallarins verði fullnýtt fyrir og yfir hátíðarnar. Gestir Keflavíkurflugvallar eru hvattir til þess að mæta snemma í flug og þau sem koma á bíl að bóka stæði fyrir fram.

Búist við mikilli umferð

Til að tryggja sér bílastæði við Keflavíkurflugvöll um páskana þarf að <a href="https://www.kefairport.is/thjonusta/bilastaedi" target="_blank">bóka stæði á vefsíðu Keflavíkurflugvallar</a>.  Einnig er vakin athygli á öðrum samgöngumátum til og frá flugvellinum. Þar má nefna <a href="https://www.kefairport.is/ruta">flugrútuna</a>, <a href="https://www.kefairport.is/thjonusta/straeto" target="_blank">strætisvagna</a> og <a href="https://www.kefairport.is/leigubill" target="_blank">leigubíla</a>. Hér má finna <a href="https://eu-images.contentstack.com/v3/assets/bltde8e98ee10782d85/bltdc769b0852aa138b/67d43ec17fb81401aa238aa8/ParkingBokunarvefur_IS_1.png" target="_blank">kort af bílstæðum við KEF</a> og <a href="https://www.kefairport.is/thjonusta/til-og-fra" target="_blank">upplýsingar um staðsetningu á samgönguþjónustu við flugstöðina</a>.

Samgöngur til KEF og hvernig á að bóka bílastæði 

Gestum sem er skutlað í flug er bent á svokallaða rennu við brottfararinngang. Þar er hægt að stöðva bíla í stutta stund til að hleypa út farþegum, losa farangur og ganga beint inn. Til þess að tryggja gott flæði og aðgengi allra að rennunni hvetjum við fólk til að stoppa ekki lengur en þörf er á. Gjaldfrjálst er að stoppa í rennunni í 5 mínútur. Fyrir lengri tíma er bent á að hægt er að leggja á P1 bílastæðum brottfarar megin gjaldfrjálst í 15 mínútur og á P2 bílastæðunum komu megin í 30 mínútur.

Þarf að skutla eða sækja á KEF?  

Bóka þarf bílastæði yfir páska

Isavia_Arsskyrsla2025_Vefur.png

Arsskyrsla isavia mynd kynning.jpg

Ársskýrsla Isavia fyrir árð 2025 hefur verið gefin út.

<a href="https://eu-assets.contentstack.com/v3/assets/bltde8e98ee10782d85/bltee9f9ac9481a7bb6/69c50ce291dc854f41e79922/Isavia_Arsskyrsla_2025.pdf" target="_blank">Ársskýrsla Isavia er nú aðgengileg á vef félagsins</a>. Hún var formlega gefin út á <a href="https://www.youtube.com/live/dyuZ2nMOUYc" target="_blank">aðalfundi Isavia ohf. sem haldinn var í dag</a>. Ársskýrslan markar tímamót í upplýsingagjöf félagsins. Frá árinu 2016 hefur Isavia fylgt meginreglum Global Reporting Initiative (GRI) við gerð ársskýrslu og hefur því í áratug birt sjálfbærniupplýsingar fyrir hagaðila með skipulögðum og viðurkenndum hætti. Áhersla er lög á gagnsæi, ábyrgð og áreiðanleika í miðlun upplýsinga um stjórnarhætti og áhrif starfseminnar á umhverfi, samfélag og efnahag. Með markvissum aðgerðum og aukinni þekkingu hefur félagið bætt yfirsýn og færst nær því að ná heildstæðri mynd af áhrifum sínum og þannig sett sjálfbærni í öndvegi. Sú vegferð birtist í ársskýrslum félagsins síðastliðinn áratug. Í skýrslunni má, auk upplýsinga um sjálfbærni, finna ársreikning samstæðunnar, lykiltölur úr rekstrinum, yfirferð yfir stefnu og stjórnun Isavia og lífið innan flugvallarsamfélagsins. Skýrslan gefur því góða mynd af starfsemi samstæðunnar.

Áratugur með GRI 

Ársskýrsla Isavia 2025

adalfundur isavia 2026 sveinbjorn.jpg

adalfundur isavia 2026 stjornarformadur.jpg

Ársskýrsla Isavia fyrir árið 2025 er komin út. Hún var gefin út á aðalfundi Isavia sem haldinn var í dag. Fundinum var streymt á netinu. 

Í ávarpi sínu fór Steinþór Pálsson, stjórnarformaður Isavia, yfir starfsemi Isavia samstæðunnar í tölum. Farþegar voru ríflega 8,8 milljónir á öllum flugvöllum samstæðunnar, 28 flugfélög flugu um KEF í fyrra og áfangastaðirnir voru hundrað talsins. Í ávarpi í ársskýrslu Isavia sagði Steinþór rekstrarumhverfi flugvalla geta verið sveiflukennt frá ári til árs. Síðasta ár hafi ekki verið nein undantekning. Breytingar í starfsemi flugfélaga, þar á meðal gjaldþrot Play, hafi haft áhrif á farþegafjölda og minnt á að starfsemi flugvalla sé að verulegu leyfi háð ytri aðstæðum. Þegar horft sé til lengri tíma sé þó ljóst að undirliggjandi þróun bendi áfram til vaxtar. <a href="https://eu-assets.contentstack.com/v3/assets/bltde8e98ee10782d85/bltee9f9ac9481a7bb6/69c50ce291dc854f41e79922/Isavia_Arsskyrsla_2025.pdf" target="_self">Ársskýrsla Isavia 2025</a><a href="https://www.youtube.com/live/dyuZ2nMOUYc" target="_blank">Upptaka af fundinum</a>

Formaður stjórnar

Á fundinum fór Sveinbjörn Indriðason, forstjóri Isavia, yfir ársreikning félagsins og uppfærða stefnuframsetningu þess. Megin stefnuáherslur Isavia eru að viðskiptavinir séu í fyrirrúmi, liðsheild félagsins sé árangursdrifin, vöxturinn sé arðbær, sjálfbærni sé sett í öndvegi og flugöryggi og vernd sé í forgangi. Sveinbjörn fór einnig yfir uppbyggingu á Keflavíkurflugvelli (KEF) og markaðstækifæri framundan. Hann fór yfir raunfarþegafjölda og uppfærða eftirspurn til framtíðar.

Forstjóri Isavia

Sveinbjörn Indriðason

Eftirspurn eftir flugi til, frá og um KEF er meiri en núverandi sætaframboð stendur undir. Til að nýta þetta tækifæri er mikilvægt að bæta þjónustugæði í flugstöðinni á KEF og skilvirkni flugbrautakerfisins.

Þá vék Sveinbjörn að því að nýjar Airbus 321 XLR flugvélar Icelandair, sem teknar verði í notkun frá 2029, eigi til framtíðar eftir að styrkja tengingar KEF við vesturströnd Bandaríkjanna umfram aðra tengiflugvelli sem KEF sé í beinni samkeppni við. Staðsetning Keflavíkurflugvallar verði þar mikið forskot í baráttunni um tengifarþega og tengingar til framtíðar. Fleiri nýir áfangastaðir og nýjar tengingar auki hagvöxt með beinum hætti. Með þá framtíðarsýn til hliðsjónar sé mikilvægt að uppbygging á KEF miði við að bæta gæði hliða á vellinum, efla þjónustu og auka skilvirkni flugbrautarkerfisins.

Framtíðarsýn

Á aðalfundinum voru eftirfarandi kosin í stjórn Isavia ohf: Steinþór Pálsson, stjórnarformaður, Gréta María Grétarsdóttir, Hera Grímsdóttir, Marta Jónsdóttir og Ólafur Njáll Sigurðsson. Sigrún Dóra Sævinsdóttir og Bjarni Herrera voru endurkjörin í varastjórn félagsins. Ólafur Njáll Sigurðsson kemur nýr í stjórn Isavia en Ómar Svavarsson gengur úr stjórn.

Ný stjórn kosin

adalfundur isavia 2026 1.jpg

Aðalfundur Isavia, tækifæri til framtíðar

KEF_airport_DSC2913.jpg

KEF_airport_DSC2928.jpg

Búist er við mikilli umferð um Keflavíkurflugvöll um komandi páska og fyrirsjáanlegt er að bílastæði flugvallarins verði fullnýtt fyrir og yfir hátíðarnar. Gestir Keflavíkurflugvallar eru hvattir til þess að mæta snemma í flug og þau sem koma á bíl að bóka stæði fyrir fram. 

Frá og með föstudeginum 27. mars næstkomandi og fram yfir páska verður aðeins hægt að leggja bílum með bókuð stæði á almennum stæðum, P3. Ekki verður því hægt að aka inn á bílastæðið nema <a href="https://www.kefairport.is/thjonusta/bilastaedi" target="_blank">bókun</a> sé til staðar. Til að tryggja sér bílastæði við Keflavíkurflugvöll um páskana þarf að <a href="https://www.kefairport.is/thjonusta/bilastaedi" target="_blank">bóka stæði á vefsíðu Keflavíkurflugvallar</a>.

Bóka þarf almenn stæði

Einnig er vakin athygli á öðrum samgöngumátum til og frá flugvellinum. Þar má nefna <a href="https://www.kefairport.is/ruta">flugrútuna</a>, <a href="https://www.kefairport.is/thjonusta/straeto">strætisvagna</a> og <a href="https://www.kefairport.is/leigubill">leigubíla</a>. Hér má finna <a href="https://eu-images.contentstack.com/v3/assets/bltde8e98ee10782d85/bltdc769b0852aa138b/67d43ec17fb81401aa238aa8/ParkingBokunarvefur_IS_1.png">kort af bílstæðum við KEF</a> og <a href="https://www.kefairport.is/thjonusta/til-og-fra">upplýsingar um staðsetningu á samgönguþjónustu við flugstöðina</a>.

Aðrir samgöngumátar 

Gestum sem er <a href="https://www.kefairport.is/thjonusta/bilastaedi/p2-skutla" target="_blank">skutlað í flug</a> er bent á svokallaða rennu við brottfararinngang. Þar er hægt að stöðva bíla í stutta stund til að hleypa út farþegum, losa farangur og ganga beint inn. Til þess að tryggja gott flæði og aðgengi allra að rennunni hvetjum við fólk til að stoppa ekki lengur en þörf er á. Gjaldfrjálst er að stoppa í rennunni í 5 mínútur. Fyrir lengri tíma er bent á að hægt er að leggja á P1 bílastæðum brottfarar megin gjaldfrjálst í 15 mínútur og á P2 bílastæðunum <a href="https://www.kefairport.is/thjonusta/bilastaedi/p2-saekja" target="_blank">komu megin</a> í 30 mínútur.

Skutla eða sækja?

Bóka þarf bílstæði um páskana

737-MAX-8 united airlines to KEF iceland.jpg

Bandaríska flugfélagið United Airlines tilkynnti í dag að það ætlaði að hefja beint flug milli Keflavíkurflugvallar og Chicago á vetraráætlun sinni 2026/2027. Fyrsta flugið verður í lok september og verður flogið milli áfangastaðanna fram til loka árs 2026. 

Sala á ferðum hófst í dag. Flogið verður þrisvar í viku milli KEF og Chicago á Boeing 737 Max 8 vélum United Airlines. Þetta er í fyrsta sinn síðan 2017, þ.e. fyrir heimsfaraldurinn, sem bandarískt flugfélag hefur áætlunarflug til og frá Keflavíkurflugvelli á vetraráætlun sinni,“ segir Grétar Már Garðarsson, forstöðumaður flugfélaga og markaðsmála á KEF.

Ekki verið á vetraráætlun frá 2017

Grétar Már Garðarsson

Við höfum á síðustu árum átt afskaplega farsælt og gott samstarf við United Airlines. Það er fagnaðarefni að flugfélagið hafi ákveðið að bæta KEF við áætlun sína yfir vetrartímann. United Airlines sýnir þannig traust sitt á Íslandi sem áfangstað. Við hlökkum til að styrkja samstarfið við United Airlines enn frekar.

United Airlines hóf flug milli Keflavíkur og <a href="https://www.kefairport.is/afangastadir/newark" target="_blank">New York/Newark</a> í maí 2018 og bætti við <a href="https://www.kefairport.is/afangastadir/chicago" target="_blank">Chicago</a> sem áfangastað sumarið 2021. Félagið er með beint flug frá Chicago og New York/Newark til KEF næsta sumar og hefur einnig tilkynnt um flug milli KEF og nýs áfangastaðar, <a href="https://www.kefairport.is/afangastadir/washington" target="_blank">Washington</a>, og hefst það áætlunarflug sumarið 2026.

Flug frá þremur borgum

United Airlines flýgur milli KEF og Chicago í vetur

desember banner.jpg

Rekstrarafkoma af samstæðu Isavia fyrir afskriftir, fjármagnsliði og skatta (EBITDA) á fyrri helmingi ársins 2025 var jákvæð um 12,2 milljarða króna samanborið við 10,7 milljarða króna árið á undan. 

Aukningin nemur um 1,5 milljörðum króna. Tekjur samstæðunnar lækkuðu um 2,7 milljarða króna milli ára og námu 49,3 milljörðum króna. Heildarafkoma tímabilsins var jákvæð um 3,4 milljarða króna samanborið við jákvæða afkomu upp á um 5,2 milljarða króna fyrir sama tímabil í fyrra. Árið 2025 voru gengisáhrif neikvæð upp á 0,9 milljarða samanborið við jákvæð gengisáhrif á árinu 2024 upp á 2,1 milljarði króna. Fjárfestingar samstæðunnar námu um 12,6 milljörðum króna á árinu samanborið við 18,0 milljarða á síðasta ári. Ingibjörg Arnarsdóttir, framkvæmdastjóri fjármála hjá Isavia, segir að afkoma félagsins á síðasta ári hafi verið góð þrátt fyrir áskoranir.

Ingibjörg Arnarsdóttir

Á síðasta ári fóru um 8,2 milljónir farþega um Keflavíkurflugvöll sem er um 2% fækkun á milli ára. Það er ljóst að brotthvarf Play í lok september hafði áhrif á rekstur Isavia. Rétt er þó að hafa í huga að Play hafði nokkru áður boðað breytingar á rekstri, þ.e. fækkun áfangastaða og breyttar áætlanir. Það má því segja að við á Keflavíkurflugvelli höfum verið viðbúin að einhverju leyti. Þá er stærri hluti þeirra farþega sem upp á vantar í hópi tengifarþega, þannig að áhrifin á tekjur okkar eru minni en ella.

Í sumar munu 27 flugfélög fljúga til 80 áfangastaða og 20 flugfélög til 65 áfangastaða í vetur.Lykiltölur úr ársuppgjöri samstæðu Isavia 2025<ul><li>Rekstrartekjur: 49.262 milljónir króna</li><li>Rekstrarhagnaður fyrir afskriftir, fjármagnsliði og skatta (EBITDA): 12.156 milljónir króna</li><li>Heildarafkoma eftir skatta: 3.389 milljónir króna</li><li>Handbært fé: 5.470 milljónir króna</li><li>Fjárfestingar í varanlegum rekstrarfjármunum: 11.451 milljónir króna</li><li>Eigið fé í lok tímabils: 52.684 milljónir króna</li><li>Eiginfjárhlutfall: 43,4%</li></ul>Aðalfundur Isavia verður haldinn 26. mars næstkomandi og þá verður ársskýrsla félagsins fyrir árið 2025 gefin út.

Ársuppgjör Isavia fyrir árið 2025

Einstefna - Hringvegur KEF.jpg

Framkvæmdir hefjast í dag við veginn norðanmegin við flugstöð Keflavíkurflugvallar, nánar tiltekið veginn sem liggur á milli flugstöðvarbyggingarinnar og langtímastæða á svæðinu (P3).

Samtímis verður sú breyting á að hluti vegarins verður að einstefnu. Með þeirri breytingu eykst öryggi vegfarenda á svæðinu, hvort sem þeir eru gangandi, hjólandi eða akandi og betra flæði skapast. Framkvæmdirnar eru hluti af frekari breytingum sem framundan eru á aðkomusvæði flugvallarins í þessum tilgangi.

Maren Lind Másdóttir

Breytingin er liður í því að auka öryggi þeirra sem um flugvallarsvæðið fara, en það hefur verið eitt af okkar forgangsmálum. Einstefnan sem nú tekur gildi er liður í stærri breytingum en með henni drögum við úr tvístefnu og umferð næst flugstöðinni og bætum um leið flæði umferðar á svæðinu.

Þegar ekið er út af langtímabílastæðum (P3) við flugstöðina er eftir sem áður hægt að beygja í báðar áttir en eftir það tekur við einstefna til austurs og síðan norður um nýlegan vegkafla, út af flugvallarsvæðinu. Þetta þýðir að ökutæki sem koma af bílastæðasvæðinu komumegin (P2) sem og rútur á innri og ytri stæðum geta eingöngu beygt til austurs og ekið þannig af flugvallarsvæðinu. Nýi vegkaflinn sem áður var tekinn í notkun skapaði möguleikann á nýrri leið út af flugvallarsvæðinu og gerir einstefnuna mögulega. Góð aðkoma að Keflavíkurflugvelli er mikilvæg öllum sem um flugvöllinn fara og framkvæmdir við hana eru hluti af heildar uppbyggingu Keflavíkurflugvallar. Sérstök uppbyggingaráætlun um aðkomusvæðið var samþykkt af stjórn Isavia haustið 2022 og tekur mið af þörfum og markmiði um bætta upplifun farþega. Stóru markmiðin eru að bæta ásýnd og upplifun við aðkomu að flugvellinum, bæta flæði og auka skilvirkni samgöngukerfisins.

Breytingar og bætt umferðaröryggi við KEF

KEF-MyndefniFyrirVef-SKJ-Flugvollurinn-5-1920px-280225.jpg

KEF_Farthegatolur_Februar_2026_1200x624_IS.jpg

Farþegafjöldi í febrúar var 454.806 sem sem er 4,9% fækkun frá febrúar 2025. Alls hafa 899.298 gestir farið um Keflavíkurflugvöll fyrstu tvo mánuði ársins.


Í febrúar flugu 19 flugfélög til 58 áfangastaða. Vinsælustu áfangastaðirnir voru London, Kaupmannahöfn, Manchester, París og Amsterdam.Mest var að gera á flugvellinum 22. febrúar, þegar 20.822 farþegar lögðu leið sína um KEF.Brottfarir erlendra gesta frá KEF voru um 147 þúsund í nýliðnum febrúar<a href="https://www.ferdamalastofa.is/is/um-ferdamalastofu/frettir/147-thusund-brottfarir-erlendra-farthega-i-februar-1" target="_blank"> samkvæmt mælingum Ferðamálastofu</a>. Samkvæmt tölum Ferðamálastofu eru það 0,9% færri brottfarir en í febrúar 2025. Um tvær af hverjum fimm brottförum má rekja til Breta og Bandaríkjamanna. Brottfarir Íslendinga voru um 36 þúsund í febrúar, 11,4% færri en í sama mánuði í fyrra.

19 flugfélög og 58 áfangastaðir

454 þúsund gestir í febrúar

KEF_Farthegatolur_Januar_2026_1200x624_IS.png

Við tókum á móti 443.492 gestum á Keflavíkurflugvelli í janúar 2026.

Í janúar 2026 fóru 443.492 gestir um Keflavíkurflugvöll (KEF), sem er 5,5% færri gestir en í sama tíma í fyrra. Alls flugu 16 flugfélög beint frá KEF til 56 áfangastaða í mánuðinum.Vinsælustu áfangastaðirnir voru áfram London, Kaupmannahöfn, Manchester, New York og París. Mest var að gera 4. janúar, þegar 20.313 gestir fóru um flugvöllinn.Brottfarir erlendra gesta frá KEF voru um 119 þúsund í janúar <a href="https://www.ferdamalastofa.is/is/um-ferdamalastofu/frettir/119-thusund-brottfarir-erlendra-farthega-i-januar" target="_blank">samkvæmt tölum frá Ferðamálastofu</a>. Samkvæmt mælingum Ferðamálastofu eru það 1,8% færri brottfarir en í janúar 2025. Um tvær af hverjum fimm brottförum má rekja til Bandaríkjamanna og Breta. Brottfarir Íslendinga voru um 43 þúsund í janúar, um 7,6% færri en á sama tíma á síðasta ári. Flestar brottfarir, eða um 24 þúsund, voru vegna Bandaríkjamanna (um 20% af heild) en það eru 27,4% færri Bandaríkjamenn en í sama mánuði og í fyrra. Bretar voru í öðru sæti brottfararfarþega en 21 þúsund Bretar fóru frá landinu í janúar sem er 12% fjölgun frá fyrra ári (17,6% af heild). Kínverjar voru í þriðja sæti með um 9 þúsund brottfarir og voru 7,9% færri en í janúar í fyrra (7,5% af heild).

443 þúsund gestir í janúar

66 KEF olympiuleikar 4.jpg

66 KEF olympiuleikar 2.jpg

66°Norður er stoltur samstarfsaðili Íþrótta- og Ólympíusambands Íslands í tengslum við Vetrarólympíuleikana sem fara fram á Ítalíu í febrúar. 

Ólympíuhópurinn mun klæðast hágæða íslenskri hönnun frá 66°Norður og ganga inn í sérhönnuðum Hornstrandir jakka og buxum á setningarathöfn Ólympíuleikanna. Í ljósi þess að 66°Norður fagnar 100 ára afmæli á árinu þótti skemmtilegt að stilla inngöngufatnaði Ólympíuhópa liðinna ára upp á Keflavíkurflugvelli. Þar má nú sjá inngöngufatnaðinn frá Lillehammer 1994, Nagano í Japan 1998, Vancouver í Kanada 2010 og sérstaka útgáfu af Hornstrandir settinu sem verður inngöngufatnaður landsliðsins í Cortina á Ítalíu 6. febrúar 2026. „Samstarf okkar á sér langa sögu og við hlökkum til að fylgja okkar íþróttamönnum í gegnum leikana í hágæða íslenskri hönnun. Við teljum þetta sérstaklega skemmtilegan tímapunkt í ljósi þess að 66°Norður fagnar 100 ára afmæli á árinu.“Jafnframt mun 66°Norður sjá um annan fatnað liðsins til æfinga og á milli keppnisdaga á leikunum. Þú finnur vörur innblásnar af samstarfi 66°Norður og <a href="https://www.facebook.com/isiiceland?__cft__%5b0%5d=AZZXciaNDv9ErGI_VbSHdoMLl1U8aLmS2O5nSkJxsFjLpFuEDccIFFMbA_F6WY4I-F5bAhe7e9gns4Bj52El3me1BLV5lmzrPYTn9vm3FJbu9QS3x2pgBSt9IWTCURkVxef0tADUOIN33O2fqroUY-9LzJ7f20RLlpT6ZMaescFEbcYrmxczIEgqnY0fb93lRyU&__tn__=-%5dK-R" target="_blank">Íþrótta- og Ólympíusamband Íslands - ÍSÍ</a> í tilefni Vetrarólympíuleikanna meðal annars í <a href="https://www.kefairport.is/verslanir/66-north" target="_blank">verslun 66°Norður á Keflavíkurflugvelli</a>. Við óskum íslensku keppendunum góðs gengis og hlökkum til að fylgjast með þeim!Inngöngufatnaðurinn sem er til sýnis er frá eftirfarandi Vetrarólympíuleikum:<ul><li>1994 Lillehammer, Noregi</li><li>1998 Nagano, Japan</li><li>2010 Vancouver, Canada</li><li>2026 Cortina, Ítalía</li></ul>

66 KEF olympiuleikar 1.jpg

66 KEF olympiuleikar 3.jpg

Inngöngufatnaður Vetrarólympíuleikanna frá 66°Norður til sýnis

Nyr tollagangur KEF.jpg

Nytt bilaleigusvaedi KEF .jpg

Umtalsverðar endurbætur standa yfir á komusvæði Keflavíkurflugvallar. 

Í liðinni viku hófust framkvæmdir við nýja og endurbætta afgreiðslu fyrir bílaleigur í flugstöðvarbyggingunni og skömmu áður höfðu framkvæmdir við svokallaðan tollagang hafist. Þá er framkvæmdum nýlega lokið við nýja þægindavöruverslun sem var opnuð í komusal flugstöðvarinnar fyrir jól. Samhliða þessu er unnið að því að stækka anddyri flugstöðvarinnar, komu megin. Allt er þetta gert með það að markmiði að bæta flæði og auka þægindi flugvallargesta sem og þeirra sem starfa á flugvellinum.  Svæðið sem um ræðir er að miklu leyti eitt það elsta óbreytta í flugstöðinni. Það hefur tekið litlum breytingum í áratugi en sístækkandi umsvif flugvallarins kalla á að nú verði því breytt. Áhersla er lögð á að framkvæmdirnar hafi sem minnst áhrif á gesti og starfsemi flugvallarins þó að tímabundið rask sé að einhverju leyti óhjákvæmilegt.Á meðan á framkvæmdum við bætta aðstöðu fyrir bílaleigur stendur hefur afgreiðsla þeirra verði færð í tímabundna aðstöðu rétt fyrir utan flugstöðina. Gert er ráð fyrir að framkvæmdum við þær ljúki með vorinu þegar nýjar afgreiðslur verða teknar í notkun. Um leið fjölgar bílaleigum sem eru með aðstöðu inni í flugstöðinni úr þremur í fjórar. Ætluð verklok annarra framkvæmda eru einnig á vordögum. Nánari upplýsingar um uppfærslu á komusvæði <a href="https://www.kefplus.is/verkefni/breytingar-a-komusv%C3%A6%C3%B0i" target="_blank">er að finna hér</a>.

Bætt komusvæði með vorinu

KEF airport drone above.jpg

Árið 2025 var fjórða stærsta ár KEF frá upphafi en alls tók samfélagið á flugvellinum á móti 8,1 milljón gesta, sem er 2% fækkun frá árinu á undan. 

Alls flugu 28 flugfélög frá Keflavíkurflugvelli til 100 áfangastaða og voru Lundúnir vinsælasti áfangastaður ársins. Vinsælasti flugvöllurinn var hins vegar Kastrup í Kaupmannahöfn.

28 flugfélög og 100 áfangastaðir

KEF_Arid2025_IS.jpg

Gjaldþrot flugfélagsins Play hafði áhrif á fjölda gesta sem fóru um KEF í fyrra, en í upphaflegri farþegaspá fyrir árið 2025 var gert ráð fyrir 8,4 milljónum farþega. Hins vegar er áhugavert að ef spáin fyrir 2025 er borin saman við rauntölur ársins, en Play tekið út fyrir sviga, er um að ræða 5,3% fjölgun farþega milli ára. Erlendir ferðamenn voru tæplega 2,3 milljónir í fyrra sem er 0,4% fækkun frá fyrra ári og 0,8% frá farþegaspánni. Hins vegar fóru ríflega 700 þúsund íslenskir farþegar um flugvöllinn, sem er 18% aukning frá fyrra ári og 18,6% frá farþegaspánni.

Fall Play hafði áhrif

KEF airport iceland main terminal.jpg

Tengifarþegar, þ.e. farþegar sem nýta KEF sem tengistöð án þess að dvelja á Íslandi, voru alls 2,2 milljónir, eða 27% af heildarfjölda farþega. Þetta er 14% fækkun tengifarþega frá árinu á undan, þegar tengifarþegar voru 31% af heildarfjölda gesta flugvallarins.

Töluverð fækkun tengifarþega

Í heildina flugu 28 flugfélög til 100 áfangastaða árið 2025. Lundúnir og Kaupmannahöfn voru langvinsælustu áfangastaðir síðasta árs, líkt og árin á undan.London hefur þá sérstöðu að alls er flogið til fjögurra flugvalla við borgina frá KEF, Heathrow, Gatwick, Stansted og Luton. Sex flugfélög flugu milli London og KEF; British Airways, easyJet, Icelandair, Jet2.com, Play og TUI.Sá flugvöllur sem var oftast flogið til og frá KEF var Kastrup-flugvöllur í Kaupmannahöfn. Alls flugu þrjú flugfélög þar á milli; Icelandair, Play og SAS.Sextán nýir áfangastaðir bættust við á árinu og tvö ný flugfélög hófu flug til og frá KEF.

Vinsælustu áfangastaðirnir árið 2025

Mest var að gera á vellinum árið 2025 þann 3. ágúst en þá tók KEF á móti 36.694 gestum. Flest flug fóru hins vegar um völlinn nokkrum dögum síðar, þann 7. ágúst, eða 220 farþegaflug. Ágústbyrjun er greinilega sá tími árs þar sem flestr eru á ferðinni, því árið 2024 var það 4. ágúst sem flestir farþegar fóru um KEF.

Flest flug í ágúst

KEF aiport 2025 security.jpg

<a href="https://www.ferdamalastofa.is/is/um-ferdamalastofu/frettir/um-225-milljonir-erlendra-farthega-2025" target="_blank">Samkvæmt talningu Ferðamálastofu</a> fóru 2,25 milljónir erlendra ferðamanna um Keflavíkurflugvöll í fyrra, sem er 0,4% fækkun frá árinu á undan. Sé litið til þróunar síðustu ára má sjá að fjöldinn hefur verið nánast sá sami undanfarin 3 ár, í kringum 2,2 milljónir. Það er álíka og 2017 en aðeins minna en metárið 2018 þegar brottfarir voru rúmlega 2,3  milljónir.Langflestar brottfarir erlendra farþega voru í ágúst, eða 311 þúsund, en í sama mánuði árið á undan voru þær 281 þúsund. Bandaríkjamenn voru fjölmennastir erlendra gesta, en brottfarir þeirra voru alls 654 þúsund, eða 29% allra brottfara. Fjölgaði þeim um 33 þúsund frá árinu á undan. Næst þar á eftir komu brottfarir breskra farþega, sem voru 233 þúsund, eða 10,3% af heild. Fækkaði breskum ferðamönnum um 33 þúsund á milli ára.

Flestir gestir frá Bandaríkjunum og Bretlandi

Brottfarir Íslendinga voru 709 þúsund árið 2025 sem er 18% aukning frá árinu 2024. Flestar brottfarir voru í apríl, þegar um 81 þúsund Íslendingar ferðuðust utan. Um er að stærsta ferðaár Íslendinga hvað varðar utanlandsferðir, og sló það því fyrra met frá árinu 2018, þegar brottfarir mældust um 668 þúsund.

Metár í ferðalögum Íslendinga

KEF airport summer destination.jpg

Ríflega 7,5 milljónir farþega munu ferðast um Keflavíkurflugvöll (KEF) árið 2026, þar af 2,24 milljónir erlendra ferðamanna, samkvæmt farþegaspá flugvallarins fyrir árið. <a href="https://www.kefairport.is/frettir/farthegaspa-2026" target="_blank">Spáin</a> gerir því ráð fyrir að heildarfarþegafjöldi dragist saman á milli ára, sem kemur einkum fram í fækkun tengifarþega og færri utanlandsferðum Íslendinga á árinu. Aftur á móti er gert ráð fyrir að fjöldi erlendra ferðamanna sem heimsækja Ísland standi nánast í stað og verði sambærilegur við undanfarin ár.

Spá um farþegafjölda í ár

Farþegaspa kef 2026 isavia.jpg

KEF tók á móti 8,1 milljón gesta árið 2025

Point KEF anall 2025 egg.jpg

Point KEF anall 2025 1.jpg

Árið 2025 var viðburðaríkt á Keflavíkurflugvelli og hér er farið nánar yfir það helsta sem gerðist á vellinum.

<H3>Árið 2025 var viðburðaríkt á Keflavíkurflugvelli. Austurálman var formlega opnuð, stærsta stækkun Keflavíkurflugvallar frá upphafi, nýr leikvöllur fyrir yngstu farþegana var tekin í notkun, breytingar urðu á veitingasölu og verslunum og framkvæmdir standa yfir á aðkomusvæði Keflavíkurflugvallar. Hér á eftir verður farið nánar yfir það helsta sem gerðist á flugvellinum 2025.</H3>

2025

Annall KEF 2025 mynd.webp

Árið hófst af miklum krafti. Framkvæmdir hafa staðið yfir á Keflavíkurflugvelli undanfarin ár og engin breyting var á því í upphafi árs þegar allt var á fullu fyrir fyrirhugaða opnun annarrar hæðar austurálmu, stærstu stækkunar flugvallarins frá upphafi.

Framkvæmdir og byggingar

Í febrúar, fyrir opnun annarrar hæðar austurálmu, fóru fram svokallaðar ORAT prufukeyrslur á flughlaði við bygginguna og stuttu síðar á landgöngum og rútuhliðum. Um er að ræða sérstaka rennslis- og viðbragðaprófun á ferlum. Markmið prófananna var að ganga úr skugga um að allir ferlar og búnaður væru tilbúnir fyrir opnun á austurálmu. Á flughlaðinu var það meðal annars leiðbeiningarbúnaður og tenging við landgöngubrýr sem voru prófuð, festingar á jörðu niðri sem og verkferlar við eldsneytisgjöf, fermingu og affermingu farangurs og notkun stiga og farþegabifreiða á svæðinu.

ORAT prófanir á nýrri álmu

Annall 2025 mynd 1.webp

Göngubrú var reist á milli norðurbyggingar flugstöðvarinnar og nýrrar austurálmu, í febrúar. Á fjórðu hæð austurálmu verður skrifstofurými fyrir starfsfólk Isavia og annarra fyrirtækja á flugvellinum. Þegar rýmið verður tekið í notkun mun göngubrúin tengja hæðina saman við skrifstofurýmið sem fyrir er í norðurbyggingu.

Brú milli gamla og nýja

Þann 21. mars var austurálman opnuð formlega en áður höfðu fyrstu farþegar farið í gegnum hana. Það var Daði Már Kristófersson, fjármála- og efnahagsráðherra, sem opnaði álmuna. Nýja viðbyggingin stækkar flugstöðina um 30% og stórbætir rými og aðstöðu. Meðal þess sem bættist við voru fjórir nýir landgangar, tvö rútuhlið, leiksvæði fyrir börn og rúmgott biðsvæði.„Austurálman, sem við opnum formlega í dag, er ekki aðeins enn eitt skrefið í uppbyggingu flugvallarins, heldur áþreifanleg staðfesting á framtíðarsýn um að hann verði alþjóðleg tengistöð milli Evrópu og Norður-Ameríku,“ sagði Daði Már Kristófersson við tilefnið.Hann sagði alþjóðleg tengsl og samgöngur vera undirstöðu hagvaxtar og velsældar á Íslandi því hefði landið mikla hagsmuni af greiðum og öflugum samgöngum til og frá landinu.

Austurálma formlega opnuð

Vinna hófst á árinu við hönnun fyrsta áfanga tengibyggingar milli norður- og suðurbyggingar flugstöðvarinnar. Byggingunni er ætlað að verða hið eiginlega „hjarta“ flugstöðvarinnar þegar hún verður tekin í notkun. Tengibyggingin er annar stóru áfanganna í uppbyggingu Keflavíkurflugvallar. Þessi nýja bygging ásamt austurálmunni stækkar flugstöðina um 70% frá því sem var. Ekki nóg með að tengibyggingin muni tengja saman upprunalegu flugstöðina og suðurbyggingu, heldur mun hún einnig stórbæta þjónustu fyrir tengifarþega á Keflavíkurflugvelli.

Næstu áfangar hófust í uppbyggingu

Í sumar var unnið hörðum höndum að því að klára fjórðu og efstu hæð austurálmunnar, en framkvæmdir við hana hófust árið 2024 og er nú stefnt að því að hæðin verði tekin í notkun snemma árs 2026. Um er að ræða 1.450 fermetra skrifstofurými, sem tengt hefur verið við skrifstofur í norðurbyggingu flugstöðvarinnar.

Framkvæmdir á fjórðu hæð

Annall KEF 2025 mynd 2.webp

Í haust opnaði nýtt leiksvæði á Keflavíkurflugvelli. Leiksvæðið er innblásið af undraveröld Tulipop og er sett upp með það í huga að gera flugvöllinn að skemmtilegri stað fyrir yngstu gestina. Það er staðsett nálægt veitingasvæðinu Aðalstræti. Leiksvæðið er samstarfsverkefni Tulipop, hönnunarteymisins ÞYKJÓ og IRMA hönnunarstúdíós. Á svipuðu svæði eru einnig gagnvirk leiktæki, svokallað iWall frá finnska fyrirtækinu CSE Entertainment.

Nýr leikvöllur á Keflavíkurflugvelli

Í haust hófust framkvæmdir við og í komusal Keflavíkurflugvallar, svæðinu þar sem komufarþegar fara um á leið sinni úr töskusalnum. Markmiðið með breytingunum er að bæta flæði og auka þægindi fyrir flugvallargesti. Þjónusta bílaleiga og rútufyrirtækja færist til og verður saman á endurhönnuðu svæði auk þess sem þægindavöruverslun á komusvæðinu stækkar. Áætluð verklok eru á vormánuðum 2026.

Breytingar í komusal

Annall KEF 2025 mynd 3.webp

Áframhaldandi framkvæmdir hafa staðið yfir á aðkomusvæði Keflavíkurflugvallar. Meðal annars er verið að bæta aðstöðu fyrir gangandi vegfarendur, þá sérstaklega gönguleiðir frá flugstöðvarbyggingunni og að ýmsum þjónustusvæðum. Verið er að yfirbyggja helstu göngustíga og snjóbræðslukerfi var lagt undir helstu gönguleiðir á svæðinu sem mun létta farþegum, starfsfólki og öðrum lífið á snjóþungum dögum.

Framkvæmdir á aðkomusvæði

Í nóvember var tekinn í notkun nýr vegur við Keflavíkurflugvöll og var þannig hægt að aka nýja leið af flugvallarsvæðinu. Um er að ræða fyrsta áfanga svokallaðrar hringtengingar sem hefur þann tilgang að bæta bæði öryggi og flæði við flugstöðina í takti við vaxandi umsvif á vellinum. Hingað til hefur vegurinn fyrir framan flugstöðvarbygginguna endað við komufarþegasvæði, þar sem ekið er inn og út af P2 bílastæðinu, en nýi vegurinn liggur frá þeim stað og til norðausturs að Reykjanesbrautinni. Með þessari breytingu má draga úr umferð næst flugstöðinni og koma í veg fyrir þveranir ökutækja yfir akreinar. Þá mun öll þjónustuumferð, svo sem umferð vegna framkvæmda og flutninga með aðföng fara fram um aðra aðkomu að flugstöðinni. Með opnuninni lýkur fyrsta áfanga framkvæmda við hringtenginguna en þær hafa staðið yfir frá vorinu 2025.

Ný útkeyrsla af flugvallarsvæði

Point KEF anall 2025.jpg

Ýmsar breytingar áttu sér í verslunar- og veitingarekstri á árinu. Vorið 2025 opnuðu tvær nýjar verslanir á Keflavíkurflugvelli, Point og Icelandic Deli sælkeraverslun. Í Icelandic Deli er að finna úrval af íslenskum handverksostum, reyktu og þurrkuðu kjöti, hágæða súkkulaði, íslenskum kryddum og íslensku víni. Point er veitingasala þar sem boðið er upp á fjölbreytt úrval af ferðavörum, snarli, drykkjum, ferskum bakstri, pizzum og öðru góðgæti. Víða um flugstöðina er nú einnig að finna Point sjálfsala þar sem gestir flugvallarins geta nælt sér í allt það helsta úr verslunum Point, hratt og örugglega. Sjálfsalarnir hafa vakið mikla lukku enda er fjöldi farþega á hraðferð um flugvöllinn og getur það því létt undir með fólki að geta gripið bita hratt og örugglega. Þá er einnig Point verslun í komusal flugvallarins sem bæði nýtist ferðalöngum og öðrum sem um flugvöllinn fara. Þá tók nýr rekstraraðili, Heinemann, við rekstri fríhafnanna. Breytingar hafa verið gerðar á verslununum en frekari breytingar eru áformaðar, með þægindi farþega í huga. Aðalstræti tók breytingum á árinu. Nú eru þar staðirnir Trattoria Travolare og Yuzu auk þess sem nýr drykkjarstaður sem býður upp á áfenga og óáfenga drykki hefur bæst við. Á síðustu mánuðum ársins opnaði svo veitingastaðurinn Maikai aftur á flugvellinum á sömu stöðum og Bakað var áður. Maikai var áður starfræktur í flugstöðinni á árunum 2022–2023 í svokölluðu pop-up rými og hefur nú opnað aftur, með fjölbreyttari matseðil en áður.Útivistarvörumerkið 66°Norður og Rammagerðin, gjafavöruverslun, eru á sínum stað á flugvellinum en opnuðu einnig nýjar verslanir á árinu, í flugstöðinni. Þær eru staðsettar við C-hliðin.Áframhaldandi framkvæmdir verða á Keflavíkurflugvelli árið 2026 enda flugvöllurinn í stöðugri þróun.

Verslun og veitingar

Ár framfara á KEF – Annáll 2025

des.jpg

Keflavíkurflugvöllur (KEF) tók á móti 507.799 gestum í desember 2025.

Á síðasta mánuði ársins fóru 507.799 gestir um Keflavíkurflugvöll (KEF). Það gerir 8,1% færri gesti en í desember árið á undan.Alls flugu 17 flugfélög beint frá KEF til 56 áfangastaða í desember. Vinsælustu áfangastaðirnir voru London, Kaupmannahöfn, Manchester, New York og París.Mest var að gera 21. desember í mánuðinum þegar 21.428 gestir fóru um flugvöllinn.

KEF_Farthegatolur_Desember_2025_1200x624_IS.png

Samkvæmt <a href="https://www.ferdamalastofa.is/is/um-ferdamalastofu/frettir/um-225-milljonir-erlendra-farthega-2025" target="_self">tölum frá Ferðamálastofu</a> voru brottfarir Íslendinga um 54 þúsund í desember. Það gerir 16% fleiri farþega en í sama mánuði árið á undan.Alls voru brottfarir Íslendinga um 709 þúsund árið 2025 sem er 18% fleiri en árið 2024 þegar 601 þúsund Íslendingar lögðu land undir fót. Flestar brottfarir voru í apríl á árinu, þegar um 81 þúsund Íslendingar ferðuðust utan. Um er að ræða stærsta ferðaár Íslendinga hvað varðar utanlandsferðir og sló það því fyrra met frá árinu 2018, þegar brottfarir mældust um 668 þúsund.Brottfarir erlendra gesta í desember voru um 120 þúsund, sem er um 22 þúsund færri erlendir gestir en í desember árið á undan. Því voru brottfarir erlendra gesta 16% færri í desember borið saman við sama mánuð árið 2024.Flestar brottfarir í desember voru tilkomnar vegna Bandaríkjamanna eða 27 þúsund sem gerir 23% af öllum erlendum gestum í desember 2025. Þar á eftir komu Bretar sem voru 19 þúsund (16% af heild), Kínverjar sem voru um 12 þúsund (10%), Pólverjar sem voru 5 þúsund (5%) og loks Frakkar sem voru 4 þúsund (4%).Brottfarir erlendra gesta frá landinu um Keflavíkurflugvöll voru um 2,25 milljónir árið 2025 eða um átta þúsund færri en árið 2024. Fækkunin nemur 0,4% milli ára. Langflestar brottfarir erlendra farþega voru í ágúst 2025, alls um 311 þúsund, sem er um 30 þúsund fleiri en í ágúst 2024.

508 þúsund gestir í desember

Opnað hefur verið fyrir umsóknir almannaheillasamtaka til að vera með söfnunarbauk í flugstöðinni á Keflavíkurflugvelli. Umsóknarfrestur er til og með 13. febrúar 2026.

Keflavíkurflugvöllur vill láta gott af sér leiða og hafa verið settir upp sex söfnunarbaukar fyrir almannaheillasamtök í flugstöðinni. Búið er að opna fyrir umsóknir um söfnunarbauk í flugstöðinni og er umsóknarfrestur til og með 13. febrúar 2026.  Lögð er áhersla á jafnt aðgengi almannaheillasamtaka að flugstöðinni til fjáröflunar fyrir góð málefni. Dregið verður úr hópi umsækjenda handahófskennt þann 20. febrúar 2026. Þau félög sem eru dregin út fá úthlutað söfnunarbauk fyrir tímabilið 1. mars 2026 – 28. febrúar 2027 eða til eins árs.  Keflavíkurflugvöllur útvegar félögunum söfnunarbauk og úthlutar staðsetningu í flugstöðinni. Söfnunarbaukarnir eru staðsettir á fjölförnum stöðum í flugstöðinni svo að félögin geti notið góðs af fjárframlögum gesta sem um þar fara.  Til að gæta jafnræðis meðal samtaka geta þau félög sem fá úthlutað söfnunarbauk ekki sótt um í næstu úthlutun þar á eftir svo að önnur félög komist einnig að. Úthlutað er á hverju ári söfnunarbaukum til mismunandi almannaheillasamtaka.  Keflavíkurflugvöllur er í stöðugri þróun sem miðar að því að bæta aðstöðu á flugvellinum og veita gestum enn betri upplifun. Mikill fjöldi gesta leggur leið sína um flugvöllinn en að meðaltali fara um 22 þúsund gestir daglega um völlinn.  <a href="https://www.kefairport.is/fyrirtaekid/upplysingatorg/styrkir" target="_self">Sótt er um söfnunarbauk á heimasíðu Keflavíkurflugvallar fyrir úthlutun árið 2026-2027.</a>

Opið fyrir umsóknir um söfnunarbauk

EDIT2400KEFfullres_DSC2943.jpg

Fjórar bílaleigur munu verða með afgreiðslu í komusal Keflavíkurflugvallar frá og með 1. apríl næstkomandi og fjölgar þeim þar með um eina.  Þetta er niðurstaða útboðs á aðstöðunni sem hófst vorið 2025. 

Boðin var út aðstaða fyrir afgreiðslu bílaleiga í komusal á Keflavíkurflugvelli ásamt bílastæðum fyrir bílaleigubíla við flugstöðina. Niðurstaða útboðsins er að ganga til samninga við ALP hf., Bílaleiguna Berg ehf., Bílaleigu Flugleiða ehf. og Höldur ehf. Með útboðinu verða nokkrar breytingar á afgreiðslu bílaleiga í og við flugstöðina. Í vor hefja þær starfsemi í nýrri og endurbættri aðstöðu í flugstöðinni. Svæðið hefur verið endurhannað með það að markmiði að vera opnara og aðgengilegra auk þess sem bílastæðum fyrir bílaleigur við flugstöðina verið fjölgað. Gert er ráð fyrir að framkvæmdum við nýja og endurbætta aðstöðu ljúki 15. mars og að bílaleigurnar hefji starfsemi samkvæmt nýjum rekstrarsamningi 1. apríl 2026. Fram til þessa hafa þrjár bílaleigur verið með aðstöðu í flugstöðinni en með útboðinu fjölgar þeim um eina. Bílaleigan Berg, sem rekur bílaleigu undir vörumerkinu Sixt kemur inn sem nýr rekstraraðili. Hinar þrjár hafa verið með afgreiðslu í flugstöðinni um langt skeið. Þær eru ALP hf., sem rekur bílaleigu undir vörumerkjunum Avis, Budget og Payless; Bílaleiga Flugleiða ehf., sem rekur bílaleigu undir vörumerkinu Hertz og Höldur ehf., sem rekur bílaleigu undir vörumerkjum Bílaleigu Akureyrar og Europcar. Útboðsferlið hófst 30. maí þegar hæfisgögn voru gerð aðgengileg á útboðsvef Isavia í kjölfar auglýsingar á Evrópska efnahagssvæðinu. Fimm aðilar, sem staðist höfðu hæfiskröfur, skiluðu inn tilboðum í rekstur á aðstöðu en fjórir pakkar voru í boði. Um útboðsferli Isavia  Isavia ber samkvæmt lögum og reglum um opinber innkaup að bjóða út aðstöðu fyrir rekstraraðila á Keflavíkurflugvelli, í þeim tilvikum þar sem virði samnings fer yfir lögákveðnar viðmiðunarfjárhæðir. Útboðunum er ætlað að tryggja samkeppni sem verður til hagsbóta fyrir neytendur og rekstraraðila og byggjast á grundvelli reglugerðar nr. 950/2017 um sérleyfissamninga um verk eða þjónustu yfir viðmiðunarfjárhæðum Evrópska efnahagssvæðisins. Útboðin eru auglýst á EES svæðinu.

Bílaleigum í komusal fjölgar

Jól KEF 2025 3.jpg

Jól KEF 2025 2.jpg

Það verður töluverð umferð um Keflavíkurflugvöll yfir jól og áramót. Þetta er töluverð breyting frá því sem áður var þegar lítið var um flugumferð á þessum dögum.

Það hefur orðið nokkur aukning á umferð flugvéla um Keflavíkurflugvöll eftir heimsfaraldurinn, þ.e. frá og með jólunum 2022. Það virðist vera að þá hafi flugfélög áttað sig á því að það sé stór hluti fólks sem jafnvel heldur ekki upp á jólin, sem er með frídaga um jól og áramót og vill bara ferðast.

Á Þorláksmessu eru á dagskrá 60 komur til Keflavíkur og 54 brottfarir.Á Aðfangadag verða 40 komur og 34 brottfarir. Það dregur svo aðeins úr umferð á Jóladag en þá eru skráðar 28 komur og 28 brottfarir.Strax á annan í jólum fjölgar aftur og verða komur þá 51 og brottfarir 58.Á gamlársdag verða 39 komur og 34 brottfarir og á Nýjársdag koma 50 flug til Keflavíkurflugvallar og 64 fljúga á brott.Það er því mikið að gera á Keflavíkurflugvelli næstu vikuna og mikilvægt að hafa á að skipa öflugu og reyndu starfsfólki svo allt gangi vel og allir komist ferða sinna.

Flugdagskrá yfir jól og áramót

„Það voru um 160 ferðir jóladagana 2019 og 2022 fer þetta upp í 225 ferðir. Það þýðir að það er í raun ekki svo mikill munur á venjulegum vikudegi og jóladögum hjá okkur á Keflavíkurflugvelli. Vissulega er örlítil fækkun á ferðum núna yfir hátíðarnar miðað við sama tíma í fyrra en það skýrist af því að Play hefur hætt starfsemi. En ef við tökum Play út fyrir sviga þá er um 17% aukning í sætaframboði jóladagana í ár frá því í fyrra. Það er farið úr um 70 þúsund sætum í um 81.500. Þetta er allt liður í að veita betri þjónustu. Keflavíkurflugvöllur er opinn alla daga ársins allan sólahringinn og getur tekið við vélum hvenær sem er gerist þess þörf, og ef flugfélög vilja koma til okkar á jóladögum þá tökum við vel á móti þeim og farþegum þeirra“, segir Grétar Már.

Jól KEF 2025.jpg

Flugumferð yfir jól og áramót

Við tókum á móti 500.074 gestum á Keflavíkurflugvelli (KEF) í nóvember 2025.

Árið er senn á enda og var mikið fjör á vellinum í næstsíðasta mánuði ársins. Alls lögðu 500.074 gestir leið sína um flugvöllinn, sem er 5,5% minna en í nóvember í fyrra.Alls flugu 15 flugfélög beint frá KEF til 57 áfangastaða í nóvember. Vinsælustu áfangastaðirnir voru London, Kaupmannahöfn, Manchester, París og New York.Mest var að gera í nóvembermánuði þann 2. nóvember þegar um 20.653 gestir fóru um flugvöllinn.

KEF_Farthegatolur_November_2025_1200x624_IS.png

Brottfarir Íslendinga frá KEF voru um 42 þúsund í nóvember <a href="https://www.ferdamalastofa.is/is/um-ferdamalastofu/frettir/141-thusund-brottfarir-erlendra-farthega-i-november" target="_self">samkvæmt tölum frá Ferðamálastofu</a>. Það eru 19,6% fleiri en í sama mánuði árið á undan. Frá áramótum (janúar-nóvember) hafa því Íslendingar farið utan um 655 þúsund sinnum, sem er 18,1% aukning frá sama tíma í fyrra.Brottfarir erlendra gesta frá landinu um KEF voru um 141 þúsund í nóvember. Það gerir 13% færri erlenda gesti en í nóvembermánuði árið á undan. Flestar brottfarir erlendra gesta má rekja til Bandaríkjamanna sem voru um 32 þúsund talsins eða 23% af öllum brottförum erlendra gesta. Það gerir yfir 31% færri Bandaríkjamenn borið saman við nóvember árið á undan. Því næst voru það Bretar sem voru 24 þúsund (17% af heild) en það er yfir 31% fækkun frá því í fyrra. Aukning varð hjá Kínverjum sem voru 9 þúsund (6% af heild) sem er yfir 57% fleiri en í nóvember árið á undan. Þjóðverjar sem voru yfir 7 þúsund (5%) og loks Ítalir sem voru tæplega 7 þúsund (5%).Frá áramótum (janúar-nóvember) hefur um 2,1 milljón erlendra farþega farið frá Íslandi, sem er 0,7% fjölgun miðað við sama tímabil í fyrra.

Yfir 500 þúsund gestir í nóvember

Ríflega 7,5 milljónir farþega munu ferðast um Keflavíkurflugvöll (KEF) árið 2026, þar af 2,24 milljónir erlendra ferðamanna, samkvæmt farþegaspá flugvallarins fyrir árið. 

Spáin gerir því ráð fyrir að heildarfarþegafjöldi dragist saman á milli ára, sem kemur einkum fram í fækkun tengifarþega og færri utanlandsferðum Íslendinga á árinu. Aftur á móti er gert ráð fyrir að fjöldi erlendra ferðamanna sem heimsækja Ísland standi nánast í stað og verði sambærilegur við undanfarin ár.

Það er ljóst að það er stöðug og mikil eftirspurn eftir því að heimsækja Ísland. Það birtist í því að við gerum ráð fyrir álíka mörgum erlendum gestum á næsta ári og við höfum tekið á móti undanfarin ár. Brotthvarf Play hefur auðvitað haft áhrif á framboð á flugi en með markvissri vinnu hefur þó tekist að lágmarka þau, sérstaklega þegar kemur að erlendum gestum.

Farþegaspá KEF fyrir 2026 gerir ráð fyrir að 7,51 milljónir farþega fari um flugvöllinn á næsta ári samanborið við 8,12 milljón árið 2025. Það er er 7,4% fækkun á heildarfjölda farþega á milli ára, 8,1% yfir sumarmánuðina og 6,0% yfir vetrarmánuðina. Munar þar mestu að tengifarþegum fækkar um 15,3% og að gert er ráð fyrir 13,2% samdrætti á ferðum Íslendinga til útlanda. Brottfarar- og komufarþegum fækkar hins vegar mun minna eða um 4,5%.„Unnið hefur verið markvisst að því að fylla það skarð sem Play skildi eftir sig en félagið var okkar næststærsta flugfélag. Þó að það hafi ekki enn tekist að fullu sjáum við ýmis jákvæð merki. Til dæmis ef við berum spána saman við rauntölur 2025 án Play sjáum við 5,3% fjölgun heildarfarþega á milli ára. Það sýnir að öðrum flugfélögum gengur vel að fylla í skarðið,“ segir Grétar Már.

Ferdamannaspa  kef 2026 isavia.jpg

Ferðamannaspá KEF horfir bæði til erlendra ferðamanna sem heimsækja Ísland og Íslendinga sem fara erlendis um Keflavíkurflugvöll. Gert er ráð fyrir að 2,24 milljónir erlendra ferðamanna heimsæki Íslandi árið 2026 samanborið við 2,27 á þessu ári, sem er 1,2% breyting á milli ára. Utanlandsferðum Íslendinga mun hins vegar að öllum líkindum fækka töluvert árið 2026. Þær eru áætlaðar 602 þúsund en þær eru 693 þúsund á árinu sem er að líða, sem er 13,2% fækkun á milli ára.„Það er mjög jákvætt að fjöldi erlendra ferðamanna helst nær óbreyttur. Það er kominn mikill stöðugleiki í fjölda þeirra undanfarin ár, en frá árinu 2023 hefur hann verið á bilinu 2,2 til 2,3 milljónir á ári,“ segir Grétar Már.

Yfir sumarmánuðina munu 27 flugfélög fljúga áætlunarflug til 80 áfangastaða og 20 til 65 áfangastaða yfir vetrarmánuðina. Þegar liggur fyrir að tvö ný flugfélög, Alaska Air og Air Transat, muni hefja áætlunarflug til KEF á nýju ári. Þá bætast við fimm tengingar í Norður-Ameríku og sex í Evrópu. Áætlað er að hlutfall tengifarþega verði 25% sem er nokkuð minna en verið hefur undanfarin ár.

Ný flugfélög og nýjar tengingar

Farþegaspá Keflavíkurflugvallar fyrir 2026 byggir á greiningum og mati á þáttum sem hafa áhrif á eftirspurn farþega eftir flugi til og frá flugvellinum. Spáin er unnin út frá upplýsingum um afgreiðslutíma sem flugfélög hafa tryggt sér og upplýsingum úr kerfum Keflavíkurflugvallar til viðbóta við fréttir af áformum flugfélaga.Farþegatölur eru settar fram í þremur liðum og snúa að brottförum og komum farþega og svo tengifarþegum. Brottfararfarþegar eru þau sem fljúga frá flugvellinum eftir dvöl á Íslandi. Komufarþegar eru þau sem koma til dvalar á Íslandi. Tengifarþegar eru þau sem nýta KEF sem tengistöð, þ.e. koma með einu flugi til flugvallarins og skipta yfir í annað flug án þess að koma inn í landið og eru taldir bæði við komu og brottför.

Fréttir

Páskarnir eru eitt stærsta ferðatímabil ársins

Bóka þarf bílastæði yfir páska

Ársskýrsla Isavia 2025

Úthlutun söfnunarbaukaÚthlutun söfnunarbauka

Ekkert fannst

Úthlutun söfnunarbaukaÚt­hlut­un söfn­un­ar­bauka

Ekkert fannst

Úthlutun söfnunarbaukaÚthlutun söfnunarbauka